【曼徹斯特住宿推薦2023】在曼城的一個晚上 曼徹斯特維多利亞和艾爾伯特萬豪酒店

【曼徹斯特住宿推薦2023】曼徹斯特係英國中部最大嘅城市，從前亦係英國一個工業重鎮。近年嘅曼徹斯特除咗商業發展之外，更令大家注目嘅當然係兩支世界級嘅英超球隊：曼聯、曼城。我哋今次嚟曼徹斯特嘅主要目的就係睇波，而我哋就入住萬豪旗下嘅曼徹斯特維多利亞和艾爾伯特萬豪酒店（Manchester Marriott Victoria & Albert Hotel）。

曼徹斯特住宿推薦2023 | 曼徹斯特維多利亞和艾爾伯特萬豪酒店 Manchester Marriott Victoria & Albert Hotel | 酒店大堂

曼徹斯特住宿推薦2023 | 曼徹斯特維多利亞和艾爾伯特萬豪酒店（Manchester Marriott Victoria & Albert Hotel）位於曼徹斯特市中心，由St Peter’s Square輕鐵站行大約10分鐘就到酒店，非常方便。曼徹斯特曾經係紡織業嘅基地，所以曼徹斯特維多利亞和艾爾伯特萬豪酒店（Manchester Marriott Victoria & Albert Hotel）前身係紡織工廠嘅倉庫，不過內部經過多次番新，大堂充滿時尚設計，完全感覺唔到歷史嘅痕跡。

曼徹斯特住宿推薦2023 | 曼徹斯特維多利亞和艾爾伯特萬豪酒店 Manchester Marriott Victoria & Albert Hotel | 客房區域

曼徹斯特住宿推薦2023 | 曼徹斯特維多利亞和艾爾伯特萬豪酒店（Manchester Marriott Victoria & Albert Hotel）共設有148間客房同套房，我哋今次就被安排入住1樓嘅豪華家庭房。經過翻新嘅客房，仍保留倉庫嘅天花、少部份牆身同柱躉。不過，因為我哋嘅房間喺一樓，加上窗口亦較小，所以景觀未算好開陽，透光度不足。

因為家庭房嘅關係，所以房間嘅面積非常大，房間有兩張雙人床，就算兩大兩小一齊入住都唔會覺得迫。床褥軟硬適中，床單柔軟，非常舒服；枕頭總共有4個，2個係偏軟2個係偏硬。床頭位置分別設有USB插頭，夠晒方便。

房間內亦設有一個小偏廳，另外，房間亦放有茶包、咖啡包、蒸餾水，風筒、熨斗、燙衫板同夾萬，但就略嫌未有提供雪櫃。

曼徹斯特住宿推薦2023 | 曼徹斯特維多利亞和艾爾伯特萬豪酒店 Manchester Marriott Victoria & Albert Hotel | 浴室區域

曼徹斯特住宿推薦2023 | 翻新後嘅浴室光潔明亮，乾濕分離，不過就無浴缸啦！個人用品方面，設有洗頭水、沐浴露、護髮素、潤膚露同番梘。因為酒店響應環保，所以其他用品例如：牙刷、牙膏、拖鞋、剃鬚刀等等，就要打電話叫職員另外送上。

曼徹斯特住宿推薦2023 | 曼徹斯特維多利亞和艾爾伯特萬豪酒店 Manchester Marriott Victoria & Albert Hotel | 娛樂設施

曼徹斯特住宿推薦2023 | 曼徹斯特維多利亞和艾爾伯特萬豪酒店（Manchester Marriott Victoria & Albert Hotel）設有一間餐廳、健身室，另外，由酒店行5分鐘可以享用友好合作嘅泳池同Spa。不過，以上所有設施，我哋今次都未有享用。

世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–

曼徹斯特維多利亞和艾爾伯特萬豪酒店 Manchester Marriott Victoria & Albert Hotel
地址：Water St, Manchester M3 4JQ
預訂網址：hk.trip.com

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com