勁玩泰國Feel 元朗Thai Market

今日M佬帶我遊車河,去到一個我聽都未聽過嘅地方:洪水橋(請原諒我孤陋寡聞)。途中見到寫住「Thai Market」嘅霓虹燈,又停咗部督督喺度,驟眼睇真係好似去咗泰國夜市呀!即刻叫M佬停車了解一吓,原來Thai Market係泰國餐廳,分為戶外同戶內,真係好有泰國feel呀!

Thai Market鄰近輕鐵洪水橋站,餐廳提供收費泊車,每部車HK$40,用餐後就要揸走,如果食飽想行街,可以泊喺附近商場或咪錶。

Thai Market嘅午餐係buffet形式,但我哋晚餐時段就係a la carte,因為太耐冇去過泰國,又好耐無食泰國菜,嚟到呢度咁好feel,我哋都叫咗唔少嘢食。

泰式酸辣鳳爪
講到泰國菜嘅開胃前菜,又點少得酸辣鳳爪呢!酸酸辣辣嘅醬汁實在非常惹味,但遺憾鳳爪未夠入味。

飛天通菜
講起泰國嘅菜,代表一定係飛天通菜,鑊氣十足,微辣,通菜炒得好好味。

泰式冬陰海鮮湯河
我唔鍾意飲冬陰功,但卻係M佬最愛,所以佢叫咗呢個冬陰功湯河取替一煲冬陰功,冬陰功酸酸辣辣,香料十足。另外,海鮮份量都唔少,青口鮮甜、魷魚爽口,仲有蝦等等。

泰式燒雞
即叫即燒,所以時間會耐少少,雞肉外脆內嫩,肉質juicy。不過,食到近骨頭嘅位置,雞肉就唔係太熟,而餐廳經理亦無去正視問題,絕對需要再培訓一吓。

泰式青咖喱豬肉
青咖喱略嫌太稀,好彩豬肉同其他配菜嘅份量十足,而且味道搭夠。

蒜蓉包
配咖喱又點少得蒜蓉包呢?蒜蓉包嘅蒜香十足,烘到脆香。不過,當所有食物都未上枱嘅時候,就率先上咗蒜蓉包,所以當咖喱上枱嘅時候,蒜蓉包已經變凍,失去原有嘅好味道。

芒果糯米飯
糯米飯分為四隻色,除咗最original嘅糯米飯之外,仲加入左紅米、蝶豆花同斑斕嘅糯米。估唔到一個芒果糯米飯,竟然有四個唔同嘅味道,非常驚喜,必點推介。

Thai Market
地址:元朗青山公路洪水橋段
電話:2477 5000
營業時間:星期一至四 12:00 – 00:00;星期五及公眾假期前夕 12:00 – 01:00;星期六 11:00 – 01:00;星期日及公眾假期 11:00 – 00:00

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
大眾點評:A姐M佬
Trip Advisor:AandMDiary
Youtube:A姐M佬玩樂日記
報料或合作:keepintouch@aandmdiary.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published.