原隻龍蝦大漢堡 荃灣豪嘆Sixer Burger

記得上次同A姐食完啖啖肉龍蝦之後(佢梗係食啖啖肉啦,有我幫佢剝殼喎),佢就念念不忘,問我幾時再有機會食龍蝦,仲話,有得剝殼畀佢食,係我呢生嘅榮幸添!你精我都唔笨,我今次決定搵大廚剝好晒先上枱嘅餐廳,我都要食皇帝餐呀!所以,今次就嚟到荃灣Sixer Burger,試食龍蝦包,正確啲嚟講係龍蝦漢堡包!不過,今次唔係食切件龍蝦,都唔係開邊龍蝦,係一隻原整嘅龍蝦呀!!

餐廳裝飾船為主題,所以色調以藍白色為主,仲有船舵、木桶等配合主題,環境畀人好Relax嘅感覺。突然間,呼……呼……呼……!咩聲?原來A姐開咗佢把手提風扇,話要整埋海風嘅感覺先夠Exotic,真係失禮死人呀!

龍蝦牛肉漢堡配香草忌廉檸檬汁


用上原隻龍蝦,同大大塊漢堡,份量十足呀!我試過,我真係試過,但除非你係大口仔,否則真係唔可能一啖咬一口!龍蝦夠晒新鮮彈牙,又唔駛剝殼,正呀!再配合埋香草忌廉檸檬汁,令龍蝦鮮味更突出!牛肉煎得啱啱好,好Juicy㗎,再配上新鮮嘅洋蔥圈、沙律菜同蕃茄,令到成個漢堡包更豐富!另外,漢堡包嘅包經過烤焗,夠脆又不失鬆軟感!

珍寶牛肉凐肉蛋漢堡


原隻龍蝦上枱就嘩嘩嘩三聲,點解原隻大陽蛋就無聲呢?不過,食落去,嘩嘩嘩三聲就出嚟喇!太陽蛋嘅汁再加埋蘑菇汁,令到漢堡同煙肉即刻提味10倍,同啲醬汁好夾呀!而最驚喜嘅係塊超Juicy牛肉仲要打孖上,食一個就係夠晒飽!而如果都係唔夠嘅,可以加$18變套餐,有沙律或薯條同飲品!好抵食吧!

特色炸雞籃


炸雞嫩滑冇骨,啖啖肉又夠晒脆,味道唔錯,不過,一咬落去就好多油咇出嚟,減肥中嘅A姐就有啲怕怕喇!

Sixer Burger
地址:荃灣眾安街68號荃灣千色匯I期地下G026號舖
營業時間:星期一至日 12:00-21:30
電話:+852 2353 6518

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
報料或合作:aandmdiaryhk@gmail.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published.