撐沙嗲牛肉麵 撐中環四季常餐

一直以嚟,無論早餐定常餐,我都係食沙嗲牛肉麵,但自從加入咗Facebook嘅香港沙嗲牛肉麵關注組之後,就連午餐、下午茶同晚餐,都好想食沙嗲牛肉麵呀!喺關注組入邊,有唔少嘅沙嗲牛肉麵推介,當然沙嗲牛肉麵要撐,中環四季常餐都要撐!

滑蛋多士
先要讚一讚滑蛋同多士,滑蛋嘅蛋味好香,喺無加牛奶同忌廉嘅情況之下,炒蛋非常嫩滑;至於多士牛油味好香,烘得好鬆脆。

特濃沙嗲牛肉麵
身為主角嘅沙嗲牛肉麵,因為湯唔多,所以無將沙嗲汁溝淡,加上本身沙嗲味就好香濃,花生同沙嗲嘅比例啱啱好,食落好有層次。至於公仔麵軟硬度適中,係我最鍾意嘅黃金比例。唯一要批評嘅就係個牛肉,份量少得可憐。

熱奶茶
本身叫熱檸茶嘅我(張單都係打咗熱檸茶),上枱唔知點解俾咗熱奶茶,但今日店員比較少,所以店員放低杯嘢之後,就即刻去咗第二枱做嘢,我為免添加佢哋嘅麻煩,所以我就照飲呢杯熱奶茶啦。但係茶味太濃,奶味太淡,令到杯奶茶唔夠香滑,比例差咗少少。

四季常餐 Cafe Seasons
地址:中環德輔道中88號地舖
電話:+852 3594 6612
營業時間:星期一至日 07:30 – 21:30

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
大眾點評:A姐M佬
Trip Advisor:AandMDiary
Youtube:A姐M佬玩樂日記
報料或合作:keepintouch@aandmdiary.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published.