旺角新世紀廣場金尚宮Kim’s Gourmet 極上二人韓燒放題套餐

A姐:M佬,我哋今晚食咩話?
M佬:韓燒呀!
A姐:Ahhhh!崔尚宮?
M佬:你就崔尚宮,《大長今》上腦呀?
A姐:唔係崔尚宮咩?咁係咩?
M佬:係金尚宮呀!

無錯,我哋今日嚟到旺角新世紀廣場MOKO嘅金尚宮Kim’s Gourmet,試下佢哋嘅二人特選燒烤放題 ($415兩個人,都幾抵食!)。

韓式前菜

食韓國嘢無可能無泡菜,金尚宮有好多選擇,除咗基本嘅泡菜同芽菜,仲有飯卷!

韓牛牛骨湯 或 傳統石頭飯 (2揀1)

識揀梗係揀韓牛牛骨湯啦,傳統石頭飯雖然都好吸引,不過食飯好飽㗎嘛,梗係留返嗰肚食其他嘢啦!牛骨湯煲到奶白色,好香牛味,加埋蛋絲,唔錯!

韓國雙色薄餅

呢個雙色薄餅,一半係泡菜,一半係原味,非常足料,不過如果再薄身啲會更好。

燒烤拼盤 (醃牛仔骨、辣八爪魚、大虎蝦、扇貝)

呢個燒烤拼盤一啲都唔少嘢,有4件醃牛仔骨、大大隻辣八爪魚、2隻大虎蝦同2隻扇貝,樣樣都好新鮮。

牛仔骨:醃得好香濃,好入味,牛味濃郁。識食一定係食連骨嘅牛仔骨,因為有埋脂肪位,燒完特別香。

辣八爪魚:嘩!你睇下隻八爪魚幾大隻!食得辣嘅朋友應該會好鍾意,因為嗰辣醬真係好辣,好過癮。

大虎蝦:大大隻,有一隻手掌咁長,而且非常新鮮,肉實鮮甜。M佬提提大家,燒嘅時候,記住加啲鹽,提升鮮味。

扇貝:扇貝都係好大隻,好厚肉,上面嘅生蒜有的太多,食落蓋咗啲鮮味。

基本自助放題
套餐仲包括基本韓燒放題,有超過20款材料畀你揀,特別推介韓式醃牛肉同韓式辣豬肉。

大家仲可以飲真露或者特式飲品2杯(草莓鮮奶冰山、朱古力鮮奶冰山、青提鮮奶冰山)。今次真係食到攬住個肚走。

金尚宮 Kim’s Gourmet
地址:旺角太子道西193號新世紀廣場3樓346-356號舖
電話:+852 3690 1373

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
報料或合作:aandmdiaryhk@gmail.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published.