高質鐵板餐 北角冰室99

北角和富中心自從翻新咗之後,商場裏面多咗唔少餐廳選擇,所以M佬話要帶我去搵吓好嘢食。行過商場見到呢間冰室99,冰室99 menu上面嘅鐵板餐價錢夠晒抵,食完之後更加覺得CP值高,值得推介。

羅宋湯配丹麥酥
同M佬一人一份鐵板餐,每個餐除咗飲品之外,仲有跟湯同麵包,呢度嘅麵包唔係餐包,竟然係丹麥酥呀!丹麥酥牛油味香濃,入口鬆化,配埋個湯一齊嚟食,正呀!

咖哩海鮮配農夫包
農夫包大大隻,烘得香口,裏面裝住唔少海鮮,意想不到嘅係佢唔係用冰鮮什錦海鮮,而海鮮有蝦、青口、蜆、蟹柳、大致等等,咖喱香濃而且個醬汁唔會太稀,因為太稀嘅咖喱會令到農夫包變腍,所以食到尾嘅時候,農夫包仍然夠脆。

食肉獸之選
鐵板上面放住嘅係16安士嘅肉眼扒,我哋叫咗五成熟,上枱嘅時候借助鐵板嘅熱力,就變成我哋最鍾意嘅七成熟啦!肉眼扒厚身又大塊,肉味香濃柔嫩,勁juicy,估唔到係冰室都會食到有質素嘅牛扒。

特大雞脾扒配帆立貝
雞髀扒雖然唔係厚切,但都有兩大塊,雞扒亂畫,加埋黑椒汁就更加好味。但係亦都唔可以忽視呢度嘅配菜,薯角炸得香脆,薯味香濃,口感厚實。

冰室99
地址:北角和富道21-53號和富中心地下G16號舖

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
大眾點評:A姐M佬
Trip Advisor:AandMDiary
Youtube:A姐M佬玩樂日記
報料或合作:keepintouch@aandmdiary.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published.