築地新鮮直送 灣仔家賀屋Harvest House Sushi慶祝母親節

生日呀、周年紀念呀、母親節呀、父親節呀,諗去邊到食飯真係諗到頭都大晒!特別係母親節,真係全年最瘋癲嘅日子,梗係啦,全部家庭主婦都是日休息一天,唔早啲訂枱真係食西北風喇!而我家A媽好彩唔太Like中菜,所以今年嘅母親節就去食日本嘢啦!位於灣仔嘅家賀屋Harvest House Sushi,食材都係由築地新鮮直送,絕對啱晒同我一樣高要求嘅A媽啦!

特選鮪盛

吞拿魚係唔少人食壽司刺身嘅必然選擇(我A姐食三文治,吞拿魚係必然選擇),一客六件,包括兩件大吞拿魚、兩件中呑拿魚同兩件吞拿魚,六件呑拿魚全部都無筋,而大同中呑拿魚仲有入口即溶嘅感覺,脂肪比例分佈得好平均!(A媽:可唔可以encore呀?)

燒油甘魚頭

魚頭係A媽嘅最愛,呢度有三文魚頭同油甘魚頭,A媽話油甘魚就食得多,但油甘魚頭就未試過。油甘魚頭魚油豐富,魚肉又夠晒嫩滑,正!

江戶 ‧ 刺身定食

晚餐嘅定食選擇,除咗有三文魚湯、田園沙律、日式燉蛋同烏冬之外,就係築地新鮮主打嘅8件刺身:築地鮮魚、吞拿魚、帆立貝、油甘魚同赤海蝦!大吞拿魚腩同油甘魚嘅油脂分佈好平均,最重要係超厚切呀!而赤海蝦嘅肉質超彈牙,仲有大量嘅蝦膏添!帆立貝超鮮甜,大大粒,好Juicy呀!而日式燉蛋都唔簡單,又滑又足料呀!

姬路 ‧ 刺身定食

晚餐嘅另一選擇就係姬路刺身定食,同樣地有三文魚湯、田園沙律、日式燉蛋同烏冬,仲有築地新鮮主打嘅7件刺身:油甘魚、吞拿魚、三文魚同大甘蝦!三文魚肥美厚切,真係齒頰留香,唔想吞落肚呀!大甘蝦雖然細隻小小,但蝦嘅肉質非常爽口鮮甜,真係Very good呀!

呢度仲有好多$12蚊一件嘅壽司,如果大食嘅朋友,可以叫多幾件嘆吓㗎!呢間餐廳坐位環境又夠舒服,我同A媽都好滿意呀!

家賀屋刺身寿司專門店 Harvest House Sushi
地址:灣仔灣仔道83號1樓
營業時間:星期一至六: 12:00-15:30; 18:00-23:15;星期日及公眾假期: 18:00-23:15
電話:+852 2836 6466

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
報料或合作:aandmdiaryhk@gmail.com

Leave a Reply

Your email address will not be published. Required fields are marked *