海洋公園哈囉喂全日祭2018 當Sanrio遇上科技 入場前必睇攻略

想先睹為快?《率先試玩四大鬼屋 海洋公園哈囉喂全日祭2018

話咁快又一年啦,又係時候去玩海洋公園哈囉喂 (Ocean Park Halloween) 啦!今年同樣係全日祭,由朝玩到晚,有13個哈囉喂體驗同9 個嘩鬼表演。海洋公園今次大玩科技,更同Sanrio合作,打造一場全港最盛大嘅「HELLO-ween」聯萌派對。

極級驚慌鬼域

雅虎香港呈獻︰X 異域 – 高峰樂園動感天地 (下午 1 時 – 晚上 11 時)
呢個係全港首個多媒體互動鬼屋,以邪惡人工智能叛變為主題,,用360度互動投影同光雕投影技術(3D mapping),令遊人恍如置身其中,將會體驗十分鐘360度包圍嘅視覺衝擊。

MoneySQ.com 呈獻:屍營醫院 – 高峰樂園海洋天地 (下午 1 時 – 晚上 11 時)
鬼屋以鬧鬼的荒廢醫院為主題,大家會拎住靈異探測電筒進入醫院,小心途中靈異探測電筒會改變,A姐一定會大叫!

VR 屍間潛行 –  海濱樂園 海濱樂園廣場 (下午 1 時 – 晚上 11 時)
大家戴上VR虛擬實景眼鏡,進入陰森恐怖嘅停屍間,嚟一場逼真嘅超感官驚嚇。提提大家,9 歲以下小童不得使用 VR 設施。

SAMSUNG GEAR VR呈獻:「腥」級版越礦飛車 – 高峰樂園 越礦飛車 (上午 10 時 – 晚上 11 時)
哈囉喂特別版越礦飛車,戴上特製嘅VR虛擬實景眼鏡,穿越時空到暗黑鬼域,仲可以控制VR虛擬實景眼鏡捉惡鬼。提提大家,13 歲以下之小童不得使用 Gear VR。

深海怨靈 – 高峰樂園 急流天地 (下午 1 時 – 晚上 11 時)
鬼屋以神秘深海為主題,大家會化身為探險隊隊員,潛入海洋異域嘅神秘實驗室探險!

森魔屠園 – 高峰樂園 怡庭 (下午 5 時 – 晚上 11 時)
鬼屋以萬聖節最標誌性嘅南瓜做主角,南瓜同稻草人因為神秘力量,變成妖魔鬼怪,大家要設法逃出小村屋。

vivo 呈獻:妖怪大捕手(日間)- 海濱樂園 海濱樂園廣場 (下午 1 時 – 下午 5 時15 分)
呢個係日夜變身鬼屋,日間大家係化身驅魔師,以配備 AR 技術嘅古老滅魔神弓,擊退現身於屏幕嘅妖魔鬼怪。

vivo 呈獻:血祭地獄門(夜間)- 海濱樂園 海濱樂園廣場 (下午 5 時30 分 – 晚上11 時)
5點半之後,鬼屋馬上變身,大家會走過滾滾血池同勾舌刑場等恐怖場景!

藍妹啤酒呈獻:古靈精怪馬戲團(日間)- 高峰樂園 登山纜車廣場 (下午 1 時 – 下午 5 時15 分)
另一日夜變身鬼屋,日間大家會進入奇幻繽紛嘅馬戲團嘉年華,可以觀看魔術表演同玩小遊戲,仲可以同演出者Selfie。

藍妹啤酒呈獻:血腥馬戲團(夜間)- 高峰樂園 登山纜車廣場 (下午 5 時30 分 – 晚上11 時)
5點半之後,鬼屋變成危機處處嘅祭壇,惡魔異獸會藏身於陰森角落。

Sanrio 「HELLO-ween」派對

Sanrio 家族聯萌哈囉喂派對 – 海濱樂園 威威天地 (上午 11 時 – 晚上11 時)
今年大玩互動,大家會透過內藏魔法地圖嘅平版電腦,尋找被 Kuromi困於魔法森林中嘅Hello Kitty同好友。

Sanrio 家族糖果村 – 海濱樂園 自然大揭秘 (上午 11 時 – 晚上11 時)
大家一定唔可以錯過呢個全港最長室外萬聖節遊樂徑,沿途會見到趣怪嘅Hello Kitty同好友嘅造型南瓜,仲有唔同嘅遊戲任務,大朋友同小朋友只要挑戰成功,就可以贏走珍寶珠同萬樂珠。

Sanrio 家族哈囉喂見面會 – 海濱樂園 彈彈屋 (中午 12 時 – 晚上8 時 30 分(星期日) / 晚上 9 時 30分(其他日子))
嘩!大家可以一次過見晒Hello Kitty 、 Kuromi 、 gudetama (梳乎蛋)、Cinnamoroll (玉桂狗)及同Bad Badtz-maru(XO),佢換上海洋公園限定萬聖節造型,Selfie打卡必去!

哈囉喂動物大搜查
齊來同公園可愛動物同慶萬聖節﹗海洋奇觀、熱帶雨林天地及冰極天地動物展館內增添了哈囉喂特色動物展板,讓大家認識更多有趣搞鬼嘅動物小百科﹗

嘩鬼表演

冥府有囍 – 海濱樂園 怡慶坊
每年哈囉喂都一定要睇埋嗰大Show先走,今年係講被閻羅王迫婚嘅魔王之子決定逃婚,就偶遇迷人天使,墮入愛河,展開咗一段跨越天界同陰間嘅異界之戀,好似好吸引喎!

除咗「冥府有囍」大家之外,公園周圍都仲有大大小小嘅嘩鬼表演,山下有搗蛋怪家族、妖怪襲少林林同妖域時空老大街,山上有地獄火舞台、扯線詭舞王、正邪小丑大格鬥、扭擰異人行同迴魂怪醫夜!

票價

海洋公園門票
成人HK$480,小童(3至11歲)HK$240
買普通門票嘅朋友預咗要排隊,有可能玩唔晒啲鬼屋。

哈囉喂優越門票
成人HK$860,小童(3至11歲)HK$430
唔想排隊嘅朋友可以買至尊飛,咁貴當然有好多特權!
– 可以無限次優先進入哈囉喂景點(Sanrio 家族聯萌哈囉喂派對、Sanrio 家族哈囉喂見面會、「腥」級版越礦飛車、VR 屍間潛行同「冥府有囍」表演除外)
– 一次性優先進入Sanrio 家族聯萌哈囉喂派對、「腥」級版越礦飛車、「冥府有囍」
– 享用「海洋快證」嘅特快通行待遇7次
– 免費豉油皇雞脾一隻
– HK$50 Sanrio 紀念品現金券
– 小食亭消費滿港幣 80 元減港幣 30 元折扣券
– 「買$50 送$50」攤位遊戲券
– 限量版 Sanrio 家族哈囉喂可摺式旅行袋一個

智紛全年入場證會員
哈囉喂全日祭期間,優越卡、金卡、銀卡^智紛全年入場證會員無須額外購票進場

憑有效嘅會員証就可入場,亦可以加以下價錢就可以升級至哈囉喂優越門票﹗
優越卡會員 – 成人HK$170,小童(3至11歲)HK$85
金卡及銀卡*會員 – 成人HK$342,小童(3至11歲)HK$171
*銀卡會員請留意,只限於適用之入場日期方可享有此優越門票升級優惠。

另外,每位智紛會員在哈囉喂全日祭期間,可以優惠價成人HK$774 、小童HK$387 為朋友購買哈囉喂優越門票#。

哈囉喂「屍」家極樂之旅
每團HK$8,888  (每團最多6人)
呢嗰團真係終極VIP,唔洗排隊、有極樂之旅大使安排最佳路線,玩到最多嘅景點同節目,可全日尊享哈囉喂景點及遊樂設施特快通行禮遇,跟換上全新萬聖節造型的 Sanrio 家族「萌」友互動合照,仲預留優越座位畀你欣賞「冥府有囍」,獨家參觀猛鬼化妝間,同時更可尊享 Sanrio 家族哈囉喂限定店購物折扣等園內購物及餐飲優惠,真係好高級。不過以上價錢係未包海洋公園入場門票,需另外購買。而智紛全年入場證會員可享「哈囉喂『屍』家極樂之旅」折扣優惠。
導賞語言:廣東話、英語或普通話
報名方式:喺遊覽日至少4日前致電 +852 3923 2323或電郵至vip.premium.tour@oceanpark.com.hk報名同付款。

世界各地/香港景點門票邊度買至平?
–> 詳情請睇:https://wp.me/p8vzXP-6G <–

海洋公園哈囉喂全日祭2018 (Ocean Park Halloween 2018)
日期:10 月 5-7﹑12-14﹑17-21﹑25-28 及 31 日(共16日)
時間:10:00 – 23:00 * 部份哈囉喂景點於上午 11 時、下午 1 時、下午 5 時或下午 5 時 30 分開放。
門票:成人HK $480;小童(3至11歲) HK $240
網址:www.oceanpark.com.hk

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
報料或合作:Keepintouch@aandmdiary.com

Leave a Reply

Your email address will not be published. Required fields are marked *