青島

海鮮蒸鍋香港都有啦，做咩要嚟青島食？皆因青島海鮮新鮮之餘，價錢又平。餐廳位於浮山溪谷隔離，距離市中心景點唔遠。提提大家，餐廳座位唔多，記住一定要預先訂位！ 蒸鮮環境清幽，係青島數一數二行文青風嘅海鮮蒸鍋店，更有魚缸，睇完咩海鮮新鮮先叫。餐廳仲有專人幫你蒸，唔洗擔心會蒸到過火！