澳門3大期間限定 遊訪癲噹蠟筆小新同teamLab

又到聖誕,又要去玩喇!如果好似A姐M佬咁買唔到平機票嘅,不如就過大海啦!想做文青嘅,可以去氹仔舊城區藝術空間睇唐娜阿拉岡 (Ana Aragão)插圖展覽:「幻想世界」或者搵間Cafe嘆吓都唔錯架。之但係咁樣又點會滿足到A姐呢,所以最啱就帶佢去睇埋期間限定嘅《癲噹暢遊氹仔舊城區》、《蠟筆小新特展春日部大冒險》同《澳門teamLab藝術展:Learn & Play!Future Park》啦!

Read more

期間限定 全球十大必睇展覽 深圳teamLab

深圳?諗起羅湖過關咁多人,已經嚇死A姐喇,所以我哋都有N年無去過。不過,連續兩年被意大利《Designboom》評選為全球 10 大必睇嘅藝術展teamLab,先後喺日本、美國、韓國、印尼、加拿大、新加坡、台灣等地舉辦展覽,而由依家至11月30日,嚟到深圳展出,名為《舞動藝術展&未來遊樂園》,仲係teamLab有史以嚟場館面積最大、作品最多嘅一次展覽!鍾意玩嘅我哋,一於上去玩番轉啦。 由落馬洲港鐵站過關,大概坐30分鐘深圳地鐵到深圳灣公園站落車,由E出口經歡樂海岸行5分鐘,就會見到呢隻蛋蛋,就係展區所在地喇! 要留意,展區門口只接受支付寶或信用卡購票 (要留意信用卡外地簽賬或有手續費,請向發卡銀行查詢),我哋就提早上Klook買飛,夠晒方便。

Read more