盡情嘆日本菜 倫敦放題Sushimania

喺倫敦食日本菜一啲都唔平,所以想食得盡興就梗係食放題啦!喺倫敦食日式放題嘅餐廳選擇唔多,其中一間大受歡迎嘅日式放題,就係呢間連鎖餐廳:Sushimania!Sushimania嘅人頭收費大約£20,以呢個價錢嚟講,真係勁易回本!至於質素同食物選擇就睇我哋以下嘅真實分享啦!

Read more

倫敦港式快餐店 Duck Duck Goose Express

估唔到倫敦竟然都有港式快餐店!呢間Duck Duck Goose Express以少見嘅港式快餐店形式營運,睇完menu之後去cashier落order再攞餐,加上餐廳嘅香港電車相片,真係好似去咗食得夠尖嘅大快活呀!港式快餐店雖然無一哥焗豬扒飯,但都有阿活咖喱同燒臘飯。

Read more

可能係全倫敦最抵嘅任飲任食打邊爐Laoma

我哋好鍾意打邊爐,特別鍾意勁滿足嘅打邊爐放題!其實喺倫敦都有唔少任食打邊爐,但同香港唔同嘅係呢度通常唔包嘢飲,要知道打邊爐真係唔可以唔飲嘢囉!終於俾我哋搵到Laoma,呢度係少有嘅任飲任食打邊爐,仲要唔洗加一,每位£25就埋單,可能係全倫敦最抵嘅任飲任食打邊爐。

Read more

倫敦最大型嘅亞洲Food Court Bang Bang Oriental Foodhall

嚟到倫敦之後,要適應同處理嘅事好多,所以我哋通常都會食亞洲菜,以填補同滿足空虛嘅心靈。喺倫敦食亞洲菜一啲都唔難,想選擇多嘅不如去倫敦最大型嘅亞洲Food Court:Bang Bang Oriental Foodhall。呢度有超過20間食店,港式點心、日式拉麵、韓國風味,甚至台灣菜、四川菜、印尼菜、泰國菜等等都有!而我哋今日就試咗其中三間。

Read more

繼續尋找英國米線 倫敦Lucky Dog Chinese Restaurant & Takeaway

喺英國居住嘅香港人都有一個技能,就係人人都可以神還原三哥米線。不過,喺A姐仲未達成呢個技能之前,我哋繼續尋找英國嘅米線。今日就去到倫敦Brick Lane嘅Lucky Dog。Lucky Dog主打東北菜同川菜,當然唔少得今日嘅目標:砂鍋米線啦!

Read more

一次與阿富汗最近距離的接觸 倫敦Ariana II

世界有196個國家,當中有唔少國家都好神秘,卻偏偏成世人都唔會去,其中一個相信就係阿富汗。想同阿富汗嚟一次最近距離嘅接觸,最好嘅方法就梗係食阿富汗菜啦!嚟到倫敦呢個國際大都會,好多唔同種類嘅環球美食都有,當然唔少得阿富汗菜啦!所以我哋今晚就去到Ariana II初賞阿富汗美食。

Read more

超抵食點心放題 倫敦Goldfish

喺倫敦食點心,閑閑哋都要£5一籠,所以喺英國食點心真係一啲都唔平,但勢估唔到有價有市嘅點心喺倫敦都有點心放題。我哋嚟到倫敦Hampstead嘅Goldfish,呢度嘅點心放題每位價錢都只係£22.8,蝦餃燒賣仲要係任叫任食,性價比超高,呢個點心放題真係非常滿足呀!

Read more

生日豪嘆Omakase 倫敦Cubé – Japanese tapas and sushi fine dining

嚟咗英國一個月,就遇著M佬生日,而慶祝生日就梗係要食好嘢啦!講到我哋最掛住嘅嘢食,就梗係日本菜啦,所以我就book咗呢間食Omakase嘅Cube同M佬慶祝生日。本身以為喺英國食日本菜好貴,Omakase就更加係離地食物,但Cubé – Japanese tapas and sushi fine dining嘅Omakase非常抵食,由日本廚師主理,性價比超班!

Read more

40年歷史嘅街頭小食店 倫敦La Creperie de Hampstead

以前喺香港行行吓肚餓,簡單快捷嘅頂肚小食,當然就係咖哩魚蛋同魚肉燒賣啦!但喺英國,啲英國人想頂肚,佢哋真係好少會一路行一路食嘢,至少都會入去coffee shop食個牛角包同嘆杯咖啡。咁其實倫敦有無街頭小食呢?街頭小食通常都係熱狗、Churros,仲有今日我哋特登去到Hamstead,主打Crepe嘅La Creperie de Hampstead。

Read more

日本餐廳食韓國菜 倫敦Udon Cafe

喺英國嘅超級市場買烏冬一啲都唔平,所以如果大家去開倫敦,可以帶幾包烏冬探我哋㗎!不過,未等到你哋嚟,我哋今日就去咗屋企附近嘅Udon Cafe食晚餐。一入到去就聽到老闆講廣東話,非常親切,然後我哋俾menu嘅石頭飯深深吸引住,本身諗住嚟食烏冬變咗食韓國大餐!但試問喺英國一間香港人開嘅日本餐廳食韓國菜係咩玩法呢?

Read more