原來喇沙都有好多款 倫敦南洋菜Laksamania

平時都有食喇沙,一直以為喇沙只係得一款口味,最多係唔同餐廳可能會辣啲或鹹啲,但唔講唔知,原來南洋喇沙係根據地域有唔同口味㗎!喺倫敦嘅Laksamania就有多種喇沙,例如怡保喇沙、馬六甲喇沙、新加坡喇沙、檳城喇沙,甚至迎合倫敦人口味嘅倫敦喇沙等等,真係嚟足一星期先試得晒全部呀!

Read more

隱世越南小店 倫敦Eat Vietnam Bar B Grill

好耐無見喇,所以話英國絕對係一個重聚嘅地方!今日A姐就約咗個舊同事D姐見面,大家見面第一句係:「你肥咗呀!」係呀!大家咁多年無見,加上呢到好食好住,肥咗但亦都幸福咗!但係肥咗都要食好嘢,所以D姐帶年去到佢屋企附近嘅Eat Vietnam Bar B Grill食越南菜。

Read more

倫敦市中心任食韓燒 食肉獸天堂Kalbi Korean BBQ

喺倫敦最多香港人認識嘅任食韓燒,一定係位於New Malden嘅K-Town BBQ。不過,對於住喺倫敦北部嘅我哋嚟講,K-Town BBQ確實有啲遠,所以想食任食韓燒,其實市中心都有呢間Kalbi Korean BBQ。不過,Kalbi Korean BBQ嘅食物選擇無K-Town BBQ咁多,呢度主要係豬肉、雞肉同韓式熟食任叫任食。

Read more

烏冬專門店 倫敦Koya City

英國有唔少日本餐廳,除咗壽司之外,烏冬都非常受歡迎。今日就約咗朋友去到主打烏冬嘅Koya City,餐廳嘅烏冬選擇好多,有Atsu-Atsu(熱湯烏冬)、Hiya-Atsu(冷烏冬配熱湯)、Hiya-Hiya(冷沾烏冬)、Hiyashi Udon(冷湯烏冬),完全估唔到喺英國都有咁多款烏冬選擇,唔知味係點呢?

Read more

英倫式茶餐廳 倫敦Cafe Anglais

Cafe Anglais嘅門面非常低調,無論係遊客定移英嘅香港人,都好容易錯過咗呢一間餐廳。其實Cafe Anglais係一間倫敦舊式嘅茶餐廳,餐廳定價唔高,食物就以英式傳統美食為主,價錢唔貴之餘,味道重要唔錯,但重點當然係一嘗傳統嘅英倫式茶餐廳啦!

Read more

盡情嘆日本菜 倫敦放題Sushimania

喺倫敦食日本菜一啲都唔平,所以想食得盡興就梗係食放題啦!喺倫敦食日式放題嘅餐廳選擇唔多,其中一間大受歡迎嘅日式放題,就係呢間連鎖餐廳:Sushimania!Sushimania嘅人頭收費大約£20,以呢個價錢嚟講,真係勁易回本!至於質素同食物選擇就睇我哋以下嘅真實分享啦!

Read more

倫敦港式快餐店 Duck Duck Goose Express

估唔到倫敦竟然都有港式快餐店!呢間Duck Duck Goose Express以少見嘅港式快餐店形式營運,睇完menu之後去cashier落order再攞餐,加上餐廳嘅香港電車相片,真係好似去咗食得夠尖嘅大快活呀!港式快餐店雖然無一哥焗豬扒飯,但都有阿活咖喱同燒臘飯。

Read more

可能係全倫敦最抵嘅任飲任食打邊爐Laoma

我哋好鍾意打邊爐,特別鍾意勁滿足嘅打邊爐放題!其實喺倫敦都有唔少任食打邊爐,但同香港唔同嘅係呢度通常唔包嘢飲,要知道打邊爐真係唔可以唔飲嘢囉!終於俾我哋搵到Laoma,呢度係少有嘅任飲任食打邊爐,仲要唔洗加一,每位£25就埋單,可能係全倫敦最抵嘅任飲任食打邊爐。

Read more

倫敦最大型嘅亞洲Food Court Bang Bang Oriental Foodhall

嚟到倫敦之後,要適應同處理嘅事好多,所以我哋通常都會食亞洲菜,以填補同滿足空虛嘅心靈。喺倫敦食亞洲菜一啲都唔難,想選擇多嘅不如去倫敦最大型嘅亞洲Food Court:Bang Bang Oriental Foodhall。呢度有超過20間食店,港式點心、日式拉麵、韓國風味,甚至台灣菜、四川菜、印尼菜、泰國菜等等都有!而我哋今日就試咗其中三間。

Read more

繼續尋找英國米線 倫敦Lucky Dog Chinese Restaurant & Takeaway

喺英國居住嘅香港人都有一個技能,就係人人都可以神還原三哥米線。不過,喺A姐仲未達成呢個技能之前,我哋繼續尋找英國嘅米線。今日就去到倫敦Brick Lane嘅Lucky Dog。Lucky Dog主打東北菜同川菜,當然唔少得今日嘅目標:砂鍋米線啦!

Read more