絕美東區打卡靚景 90分鐘登上柏架山

90分鐘可以做啲咩?可以睇套戲、食dinner、玩密室……但你又有無諗過90分鐘可以行山兼登上港島第二高峰呢?香港雖然係一個已發展城市,市中心人煙稠密,仲有唔少高樓大廈,但喺我哋身邊都有唔少郊遊遠足路線,今次我就同A姐嚟到鰂魚涌嘅柏架山,沿路輕鬆易行,除咗有勁多打卡位,仲睇到港島東同九龍東嘅維港靚景,90分鐘絕對值得!

Read more

活化鰂魚涌紅磚屋由通識開始 林邊生物多樣性自然教育中心

香港有唔少博物館,大家所認識嘅博物館大部份都集中喺尖沙咀,另外仲有大大小小嘅博物館分別位於各區。我同A姐今日去柏架山行山郊遊時,就順便參觀埋少有位於郊遊徑內嘅博物館啦!由二級歷史古蹟嘅林邊屋活化成林邊生物多樣性自然教育中心,教育中心內有唔少喺叢林生活嘅動植物介紹,絕對一個適合親子參觀同學習通識嘅地方。

Read more

置身歷史遊走大自然 鰂魚涌樹木研習徑

想尋找輕鬆嘅市區郊遊路線?我哋就推介鰂魚涌樹木研習徑喇!因為呢條鰂魚涌樹木研習徑,非常輕鬆,而且集大自然同歷史於一身,適合小朋友置身歷史,接觸大自然,順便同佢哋上一堂通識教育課啦!雖然我同M佬就無小朋友,但呢度都有唔少打卡點,而且行山又可以順便減吓肥,一舉幾得啦!

Read more

荷里活電影場景 鰂魚涌海山樓

海山樓本身只係一座普通過普通嘅住宅大廈,而居民本身亦只係過住簡單平靜嘅生活,但因為唔同嘅電影取景,而成為網民打卡熱點。不過,有唔少遊客唔識尊重他人,甚至隨意放航拍機,打擾住戶生活同私隱,令曾經嘅打卡熱點不再,希望大家能夠學識尊重,否則只係同啲大媽五十步笑百步。

Read more

維港海濱長廊西段 中西區海濱長廊

海濱長廊對我嚟講真係一個好有意義嘅地方,當開心嘅時候,會喺海濱長廊歡愉散步;唔開心嘅時候,又會買支啤酒喺海濱長廊散心;拍拖嘅時候,海濱長廊嘅夜景又會係一個浪漫嘅地方。而位於維多利亞港最西面嘅中西區海濱長廊,分為4段:由舊碼頭活化嘅西區副食品批發市場段、有天空之鏡之稱嘅西區公眾貨物裝卸區、有全新開放,可以體驗農耕活動嘅卑路乍灣海濱長廊同好多人釣魚嘅堅尼地城城西道海旁。除咗適合大家休閒散步之外,亦有唔少打卡熱點!

Read more

多啦A夢捐山窿公園 豐物道海濱休憩用地

睇日本嘅卡通片,無論係櫻桃小丸子、蠟筆小新定係多啦A夢,主角們都鍾意去到空地同成班同學一齊玩。其中多啦A夢嘅空地上面就有三支水管最深入民心,除咗係大雄匿埋嘅地方,亦係技安開演唱會嘅地方。其實喺香港維多利亞港嘅豐物道海濱休憩用地,就有一個同多啦A夢空地好相似嘅捐山窿公園,除咗係其中一段嘅海濱長廊,亦吸引好多人嚟打卡。

Read more

港版嵐山竹林打卡 元朗秘景河背水塘

太耐冇去過日本,令一眾思鄉病嘅香港人尋找港版日本風情畫。所以上次同A姐去完西貢北港屋場嘅竹林之後,深受大家歡迎,所以今次我哋走嚟到錦田嘅河背水塘,全程簡單而行,同樣有京都嵐山竹林feel,一於帶定相機,去轉輕輕鬆鬆嘅週末打卡旅行啦!

Read more

週末打卡遊坪州 食買玩最強策劃

放假去離島玩係唔少遊客嘅心水選擇,最受香港人歡迎嘅離島點少得長洲、南丫島同大嶼山呢?喺咁多個離島之中,曾為工業小島嘅坪洲經常俾人遺忘,所以相對寧靜,係一個適合大家慢活享受假期嘅小島。其實坪洲亦有唔少打卡景點、行山郊遊同人氣食店,真係玩大半日都冇問題。今日我就同A姐plan好行程,由坪洲玩到去愉景灣,嚟個周末打卡旅行團!

Read more

週末郊遊苦路之旅 大嶼山聖母神樂院

今個假期同A姐嚟個港版跳島遊(Island Hopping),玩完坪洲就坐街渡去埋愉景灣啦!街渡設有一個中途站,仲係一個我哋熟悉嘅地方:熙篤會聖母神樂院。話說上次去梅窩都已經想行山去埋,但因為時間關係無奈放棄,難得今次街渡途經聖母神樂院,絕對係今個旅程嘅bonus!

Read more

坪洲必食芝麻餅 A NOY麵包舖

喺坪洲行完最高嘅手指山之後,梗要搵啲小食醫吓肚啦!長洲最出名嘅小食係大魚蛋,而坪洲最出名嘅小食就係芝麻餅喇!位於坪洲永興街嘅A NOY 麵包舖除咗有各式港式麵包,當然仲有名物南乳芝麻餅。每逢南乳芝麻餅出爐,都會好多人排隊,真係手快有手慢就無。

Read more