登上香港之巔 雲海日落大帽山

大帽山係香港最高嘅山,海拔足足957米,但千祈唔好俾佢嘅高度嚇怕你。因為大帽山全程都係石屎車路,路段相對第二同第三高嘅鳳凰山同大東山更易行,而且坐巴士已經可以到達490米嘅大帽山,如果坐的士或者自駕遊更可以到達700米嘅大帽山,所以要登上香港之巔睇雲海、日落、芒草同打卡真係一啲都唔難!

Read more

零梯級打卡山步行 屯門菠蘿山大峽谷

鍾意行山打卡但又好怕行樓梯?如果你都有同感,我哋就推介位於屯門嘅菠蘿山(良田坳峽谷)。呢條菠蘿山大峽谷郊遊路線全程斜路,完全無樓梯,難得唔高之餘,重點係大峽谷嘅風景好靚,更有港版嘅美國大峽谷之稱,啱晒大家影相打卡呀!

Read more

全港最靚日落 流浮山下白泥

下白泥沿岸都係香港少見嘅泥灘,呢度除咗出產流浮山生蠔之外,更有天空之鏡嘅美譽。除咗以上嘅賣點,大家認識下白泥大概都係因為呢度嘅日落!下白泥嘅日落係全港數一數二,所以有唔少人專登入嚟影相打卡,如果運氣好,仲可以睇到彩霞架!

Read more

由東壩六角柱玩到西壩 西貢萬宜水庫打卡漫遊

位於西貢嘅萬宜水庫除咗係香港儲水量最大嘅水庫之外,喺東壩旁邊因為有多個地質景點,好似係六角柱石群、斷層、扭曲石柱等而被聯合國教科文組織列入世界地質公園;加上西壩有多個水務建築同天文公園,成為近期一個熱門嘅打卡郊遊景點。今日我哋就由東壩玩到西壩,漫遊8個景點,同A姐瘋狂打卡!

Read more

香港最遠嘅歷史 西貢火山探知館

香港地方雖然細細,但對於地質學嚟講,絕對係一個寶庫。因為早喺1.4億萬年前,位於香港嘅西貢就有多座活火山,喺火山物質嘅冷凝過程中,因為收縮而形成獨特六多形岩柱嘅地貌,所以西貢可以話保留住香港最遠古嘅歷史。想了解當然要親臨西貢嘅東壩啦,但出發前後都可以去到西貢市中心嘅火山探知館,作一定嘅認識。

Read more

露營賞花打卡秘景 西貢隱世白腊村

香港雖然無荷蘭式風車,但就有期間限定嘅荷蘭式花海喇!今日我哋行萬宜水庫東壩嘅時候,就順便嚟到位於西貢嘅隱世村莊 – 白腊村。雖然白腊村嘅荷蘭式花海係期間限定,不過,呢度都有啱晒打卡嘅彩色屋仔,加上仲有一間臨海士多,啱晒行麥里浩徑一段(萬宜水庫段)嘅時候作中段休息補給啦!

Read more

願我會揸火箭帶你到天空去 西貢天文公園

香港雖然係繁盛嘅商業大都會,但其實都有唔少地方嘅光污染較少,適合大家觀星。我哋今日行萬宜水庫東壩嘅時候就順路去埋以天文為主題嘅天文公園,公園內設有唔同嘅觀星設備,就算無任何觀星器材嘅市民都可以輕輕鬆鬆免費到天空去。不過,我哋今次係中午嘅時候嚟到,下次一定要喺萬里無雲嘅夜晚再次到訪。

Read more

五分鐘粉嶺行山打卡探秘路線 隱藏嘅皇后山印度廟及皇后山軍營

平時大家行山打卡都係以大自然風景為主,原來香港都有唔少軍事級數嘅打卡景點架!今日我就帶A姐嚟到粉嶺嘅皇后山打卡,唔好聽到個山字就以為有排行,其實識行或者跟住我哋以下嘅行程,唔洗5分鐘就會去到香港少見,以蓮花形狀為外觀嘅印度廟同皇后山軍營喇!呢度充滿荒廢感,啱晒大家影相打卡架!

Read more

【聖誕好去處2021】大埔白鷺湖湖畔聖誕小鎮 十大打卡必玩全攻略

踏入12月,香港真係充滿聖誕氣氛,但講到最浪漫嘅聖誕節,當然就係白色聖誕啦!想過白色聖誕唔洗坐飛機嘅,坐火車就得喇!我哋嚟到大埔嘅白鷺湖互動中心,喺聖誕期間,呢度變身成為湖畔聖誕小鎮,除咗有啱晒打卡嘅10米高聖誕樹同聖誕老人之外,仲有攤位遊戲同工作坊,重點當然係飄雪效果啦!即睇十大打卡必玩全攻略,過一個濃厚氣氛嘅聖誕節。

Read more

Art Jam打卡推介 荃灣Iridescent Studio

想放鬆心情,唔知你會唔會畫畫呢?近期Art Jam非常流行,唔需要任何畫畫經驗,大家只要放鬆心情投入創作,享受屬於自己嘅畫畫時間。過程除咗令人非常療癒之外,你所創作嘅作品仲可以打卡添。我哋就嚟到位於荃灣嘅Iridescent Studio,讓自己放鬆心情,享受me time啦!

Read more