【期開限定】中秋白鷺湖賞巨型大月亮 白鷺團圓花燈許願祭

就嚟到中秋節喇,A姐M佬恭祝各位字母粉中秋節快樂!講到中秋節嘅活動,一家人食完團圓飯之後,就梗係要去賞月啦!今年玩大啲,不如摘個月亮落嚟,等A姐慢慢影相啦!我哋就嚟到大埔白鷺湖互動中心嘅白鷺團圓花燈許願祭,呢度有一個3米高嘅巨型月亮,影相超靚架!

Read more

【期開限定】大埔白鷺湖水上樂園 水上充氣競技場Flow Academy Aqua Park

近排天氣咁熱,最啱嘅消暑方法,就梗係玩水上活動啦!位於大埔嘅白鷺湖互動中心就推出期間限定嘅水上充氣競技場(Flow Academy Aqua Park)。佔地約3萬呎嘅水上充氣競技場,除咗有離心力代表嘅十米高瀡滑梯、炮彈飛人等等之外,仲可以玩埋水上障礙賽,挑戰個人極限,絕對係尖叫聲不絕。

Read more

全新人造沙灘 大埔龍尾泳灘

耗資約2億元,首個由政府興建嘅人工沙灘,位於大埔大尾督嘅龍尾泳灘,終於喺爭議聲中對外開放!沙灘全長約200米,背靠八仙嶺,面對吐露港,旁邊就係大美督同船灣淡水湖,環境真係幾靚!加上沙灘嘅設施齊全,除咗深得泳客喜歡,亦吸引咗海膽同水母(其實係人類出現咗喺佢哋居住嘅地方)。

Read more

活化舊大埔警署 大埔綠匯學苑

M佬上次偷食咗我包黑松露薯片,我就送佢去到粉嶺嘅前裁判法院接受審判。 估唔到佢一而再,再而三犯下偷食罪行, 今次佢就食咗我包法國芝士撈麵,簡直罪無可恕!所以今次自駕遊去到舊大埔警署自首,最終我判佢幫我喺呢個充滿歷史性嘅地方瘋狂影相打卡啦!

Read more

郊遊探索自然生態一日遊 大埔嘉道理農場暨植物園

Weekend放假我哋就鍾意出身汗,同陽光及大自然玩遊戲,所以我哋嚟到大埔嘅嘉道理農場暨植物園。園內分為唔同景區,亦有唔同動植物保育活動同展覽,絕對係一個適合親子探索自然生態嘅好地方。加上園內一年四季都有唔同品種嘅花卉盛開,打卡check-in,玩足一日都得㗎!

Read more

港版富良野 大埔海濱公園

曾經喺大埔生活嘅我哋,對於大埔海濱公園絕對唔陌生。我同A姐初初拍拖嘅時候,都會去到大埔海濱公園散吓步,漫步海濱。大埔海濱公園除咗係一個區內人休憩嘅公園,唔少區外嘅人都會嚟到踩單車,甚至會嚟呢度賞花,令大埔海濱公園有港版富良野之稱。

Read more

大埔蝶豆花園觀光農場 親子好去處與草泥馬打卡

放假想去轉小旅行?就同A姐去農莊玩吓啦!A姐好開心咁問去3日2夜台中清境農場定4日3夜那須草泥馬牧場?今年雖然帶唔到你去旅行,但其實香港都有唔少觀光農場,今個weekend嘅好去處,我哋就揸車去到大埔嘅蝶豆花園,呢到有唔少打卡影靚相位置,仲有少女們最愛嘅草泥馬,一家大細都好啱玩㗎!

Read more

新娘潭鬼故 照鏡潭瀑布

新娘潭最出名嘅就係靈異事件,我哋都有一個同你分享:話說今日M佬帶我嚟到新娘潭,但我哋行嚟行去都搵唔到新娘潭瀑布,只係搵到照鏡潭瀑布!我哋有試過問中途遇見嘅行山友,但佢哋都話呢度得照鏡潭瀑布(好驚呀)!雖然我哋最後去唔到新娘潭瀑布,但好彩照鏡潭瀑布又幾靚喎!

Read more

香港紅葉季 大埔九担租

A姐話難得放假,好想去賞楓打卡。今年雖然去唔到日本,但其實每年12月至翌年嘅1月中都係香港嘅紅葉季節,而最熱門嘅賞楓地點當然係元朗大棠啦!但A姐嫌大棠人多,又要行少少山路,如果你都有同感,不妨考慮呢個位於大埔烏蛟騰嘅紅葉秘景:九担租。

Read more

鐵道迷大埔好去處 香港鐵路博物館

好多鐵道火車迷去到日本,都被JR、新幹線、觀光列車深深吸引,甚至會特登參觀日本嘅鐵道博物館。我同A姐都唔係鐵道迷,但去旅行都好鍾意坐火車,慢活之餘,又可以欣賞沿路風景。今個weekend,飛機就無得坐喇,嚟到大埔嘅香港鐵路博物館,好似坐咗時光機咁,返到去1913年嘅舊大埔火車站。

Read more