【輕鬆行山路線】盤點10條新手行山郊遊打卡路線推介

近排天氣非常舒服,最啱就係行山郊遊,呼吸一吓新鮮空氣啦!但如果你同A姐一樣,行山經驗唔多,而且每次行山都只係為咗打卡影相,咁以下呢10條行山路線就非常適合行山初哥嘅你哋喇!呢10條行山路線輕鬆易行,有得打卡之餘仲唔會太辛苦,兼且可以影相打卡添,一齊睇睇以下A姐M佬嘅行山郊遊推介啦!

Read more

屯門傳統文化 花炮展覽館

老香港以漁業起家,興建唔少天后廟讓漁民祈求平安,至於每年嘅天后寶誕,都會獻上花炮拜祭天后娘娘,而漁民就會搶代表好運嘅第一號花炮。但香港近年已經好少製作花炮,令花炮成為罕有嘅非物質文化遺產,如果想了解花炮嘅文化價值,可以去到屯門嘅花炮展覽館。

Read more

環保通識參觀見學 香港四大回收中心

近年香港市民嘅環保意識大大提升,大家都為大自然盡一分力,例如用少咗膠袋飲筒、將垃圾回收作循環再造、而未能回收嘅就物盡其用,以減少製造廢物同減輕堆填區嘅壓力。但其實被回收嘅垃圾,佢哋之後嘅旅程又係點嘅呢?香港就有四間回收中心:T Park、WEEE Park、Eco Park同O Park1,4間中心分別負責唔同嘅回收物料,除咗適合小朋友親身嚟到上通識課,園內仲有唔少打卡位,更重要係免費參觀㗎!

Read more

[屯門好去處] 轉廢為材 屯門WEEE Park見學

唔知你細個有無去過可樂廠、益力多廠參觀呢?或者去旅行時有無參觀啤酒廠、飛機廠呢?不如下個留港假期,去屯門WEEE Park參加免費見學參觀活動,寓學習於娛樂,了解廢電器同電子產品嘅處理同回收設施啦!WEEE Park絕對係一個適合親子嘅通識活動,而身為地球村嘅一員,我哋更加要物盡其用,減少廢物製造,為環保出一分力啦!

Read more

[屯門好去處] 與藝術共融 屯門河畔公園

每個新市鎮都好似有一條代表嘅河流,好似大埔就有林村河、沙田就有城門河、上水就有雙魚河,粉嶺就有梧桐河,至於屯門就有屯門河喇!以前香港嘅河流,都係污糟邋遢同臭崩崩,後嚟經過多年嘅清理,今日嘅河流已經大不同。屯門河除咗係區內居民跑步嘅熱點之外,喺屯門河畔公園其中一段嘅欄杆,就擺放咗本土藝術家創作嘅藝術裝置!

Read more

[屯門好去處] 親子免費通識課 屯門公園爬蟲館

終於嚟到久仰大名嘅屯門公園喇!認識呢個公園,全因為呢度曾經係大媽大叔勁歌熱舞嘅熱門地點,直至屯門公園嘅自娛區被取消,公園回復昔日平靜,除咗成為附近居民嘅優憩地方之外,其實屯門公園亦有唔少打卡熱點,而園內嘅爬蟲館更加係一個免費入場,比小朋友學習通識嘅地方添!

Read more

[屯門好去處] 屯門兩大主題街市 山景友愛買餸兼打卡

細個時候行街市,總係覺得街市濕濕立立、污糟邋遢、臭崩崩,但今時唔同往日,部份街市經過重建之後,加入唔少主題,其中位於屯門嘅山景街市就以歐陸火車為主題;而位於屯門嘅友愛街市就以夢幻繽紛為主題,令唔少靚太買餸同時打卡,買餸變得唔再可怕!不過,變靚咗嘅街市由於租金上漲,所以作為消費者買棵菜就變貴咗!

Read more

[屯門好去處] 多用途打卡球場 屯門兆禧運動場

運動場除咗做運動之外,仲可以做咩?當然就係打卡啦!位於屯門嘅兆禧運動場,呢度嘅打卡主題絕對唔係射籃、跑步同健身,因為運動場經活化後重新包裝,球場色彩繽紛,充滿活力,作為影相背景非常吸引。

Read more

[屯門好去處] 情侶打卡熱點 屯門海濱幻愛橋

《幻愛》係近年其中一套我哋好鍾意嘅港產愛情電影,電影大部份嘅取景都嚟自屯門,令唔少景點成為戲迷,甚至非戲迷嘅打卡熱點。其中屯門碼頭長廊盡頭嘅燈塔更被網民命名為「幻愛橋」,加上受電影劇情嘅影響,呢條幻愛橋顯得更加浪漫,啱晒情侶嚟拍拖打卡啦!

Read more

[屯門好去處] 環保由你我做起 參觀屯門環保園

細細個就聽過地球先生病咗,佢一直病到依家都未好番,清況仲越嚟越差添!所以身為地球村嘅一員,我哋能夠做到嘅當然係愛護環境,為環保出一分力啦!嚟到位於屯門嘅環保園,呢度以環保回收為主題,亦可以了解香港推填區嘅歷史、運作同將來發展,絕對適合帶埋小朋友嚟上一堂通識課!

Read more