期間限定打卡路線 同熱愛這「維港蛻變」

行維港海旁除咗睇燈飾夜景,依家仲有期間限定嘅藝術作品呀,所以趁嚟緊嘅weekend同公眾假期就帶A姐去打卡影相啦!今次活動由旅遊事務署呈獻、香港設計中心主辦,以「維港蛻變」為主題,由銅鑼灣避風塘起步至中環海濱,共有7個大型藝術裝置,令維港海旁突然變成露天城區設計廊,每一件作品都可以接觸互動,讓公眾與藝術共融。

Read more

記錄皇家香港警察 山頂警隊博物館

警隊博物館將於2021年5月31日起暫停開放以進行翻新,預計於2022年3月初才重新開放。相信屆時博物館內屬於皇家香港警察嘅大部分資料將會被消失,所以今日我哋嚟到位於山頂嘅警隊博物館,用相片記錄一個美好嘅時代。

Read more

輕鬆行山遊 香港仔水塘

嚟到weekend就梗係要同M佬拍拖啦!近期,我哋就愛上咗行山,除咗可以親親大自然同呼吸新鮮空氣之外,更加可以鍛鍊身體同減肥添!加上行山徑內亦有唔少打卡熱點,都好適合一家大細嚟上一堂大自然嘅通識科!今日我哋就嚟到香港仔郊野公園,由灣仔峽公園行去香港仔水塘。呢條郊遊路線輕鬆易行,十分適合行山初哥!

Read more

泰式風情小屋 山頂灣仔峽公園

灣仔區係全港18區當中,四個最細面積嘅分區之一,但原來景點一啲都唔少。我哋上次就行過寶雲道同姻緣石,今次再住上行,嚟到灣仔峽公園!點解會嚟灣仔峽公園?因為A姐近期睇到網上有唔少人介紹呢度嘅泰式風情小屋,充滿東南亞風情,啱晒大家weekend嚟打卡拍拖!

Read more

維港海邊走走 灣仔臨時海濱花園

如果話尼羅河係古埃及文明嘅起源,咁維多利亞港就係香港經濟嘅命脈喇!維港嘅日景同夜景舉世聞名,今日我哋就放慢腳步,嚟到灣仔臨時海濱花園,欣賞維港兩岸嘅景色,呢度仲有以老香港為題嘅微型藝術,絕對係灣仔打卡好去處。

Read more

香港漫畫打卡 動漫海濱樂園

迪士尼嘅動畫深受大家喜愛,所以就起咗迪士尼樂園;其實港產漫畫都有唔少支持者,所以就有呢個位於灣仔嘅動漫海濱樂園喇!嚟到灣仔動漫海濱樂園,可以見到一班香港動漫人物,啱晒大家嚟打卡架!另外,海濱動漫樂園其實係屬於維港海濱長廊其中一段:慶典主題區,今個週末好去處就可以由灣仔漫步到中西區,無論係拍拖定一家人,都好適合喺呢度玩番日。

Read more

香港小歐洲 灣仔日月星街

香港其實有唔少特色街道,其中位於灣仔同金鐘交界嘅星街小區就由附近嘅日街、月街、星街同永豐街組成,被喻為「灣仔後花園」。喺星街小區入面有唔少型格藝文店、家居精品店、花店、咖啡室、主題餐廳同酒吧等。由於鄰近中環同金鐘商業區,所以吸引唔少外國人喺呢度居住或放工嚟Happy Hour,加上建築風格,真係好似去咗歐洲小鎮咁,啱晒大家週末嚟到慢活同打卡啦!

Read more

全新灣仔北海濱長廊西段 期間限定粉紅通道

要數香港最靚嘅地方,又點少得維多利亞港呢?想欣賞維港靚景,除咗上山頂同去尖東海旁之外,喺灣仔嘅全新海濱長廊終於開放喇!呢條海濱長廊由會展新翼連接至灣仔碼頭同灣仔北臨時交通交匯處,依家仲有打卡一流嘅Chocolate Rain卡通主題佈置同期間限定嘅「粉紅通道」,仲好適合大家一邊做運動,一邊欣賞維港嘅景致!

Read more

灣仔脫單工程 寶雲道姻緣石

單身嘅你,寂寞嗎?定係愛情路上滿途荊棘?抑或係遇人不淑?等我M佬幫吓你啦!想求一段好姻緣,首先你要好好裝備自己,轉變一下形象,放下自己一啲固執嘅想法。準備好之後,嚟緊週末好去處就去灣仔寶雲道嘅姻緣石,祈求天賜良緣啦!(話說好多字母粉都擔心我同A姐係未遇上感情危機,放心放心,我哋只係嚟拍拖兼行山同打吓卡咋)

Read more

尋找灣仔公共空間 李節花園休憇空間

香港市區嘅人口稠密,建築物亦十分密集。雖然空間有限,但其實香港喺賣地嘅時候,都會要求發展商起樓時劃分一定面積作為公共空間,為大眾市民提供休憇地方。不過往往發展商唔會主動向市民提供相關資料,令大家都唔知道應有嘅權利。今日我哋就去到李節花園內嘅休憇空間,呢度貌似係私人屋苑嘅一部份,卻係一個歡迎大家休憇嘅公園。

Read more