中華白海豚之家 沙洲海岸公園

平時睇中華白海豚,好多人都會諗起大澳,但其實中華白海豚嘅屋企,係位於沙洲同龍鼓洲一帶海域。不過,隨住機場填海、港珠澳大橋等等嘅污染,好多環境學家都話中華白海豚都甚少喺香港海域出沒,但今日有機會同A姐嚟到呢個杳無人煙嘅離島:沙洲,就同大家分享一下啦!

Read more

週末跳島遊 橋咀島滘西洲雙島遊

今年所有旅行計劃都被迫取消,所以M佬話趁呢段時間帶我嚟個香港跳島遊!今次我哋就嚟到香港面積第6大嘅島嶼:滘西洲。滘西洲其實係由政府免費借出土地,再由香港賽馬會撥捐款興建作為高爾夫球場用途。就算無興趣打golf,總有興趣入嚟食番餐!所以今日我哋就去到場內嘅賽馬會滘西洲高爾夫餐廳食個Tea Buffet啦!

Read more

一生人一次 鳳凰山日出

小學讀常識科都有教過香港山多平地少,咁你又知唔知香港最高嘅三個山係邊幾個呢?太平山?馬鞍山?獅子山?等我依次序話你知正確答案啦:大帽山、鳳凰山、大東山。香港第二高嘅鳳凰山位於大嶼山,海拔高度934米,雖然比大帽山矮23米,但因為大帽山最高點係天文台同解放軍嘅禁區,所以鳳鳯山係一般市民可到達嘅最高點。好多行山友都鍾意嚟到鳳凰山睇日出同雲海,我哋雖然唔係行山常客,但我同A姐都決定挑戰自己,登上鳳凰山!天公做美,我哋好幸運睇到日出,見到呢個靚景,我哋覺得一生人總要嚟一次,但由於太攰,所以亦覺得一生人只會嚟一次。

Read more

週末閒遊 機場以外的赤鱲角

香港有咁多海島(總共有成263個島),咁你又唔知頭面積最大嘅三個島嶼係邊幾個呢?長洲?大嶼山?南丫島?等我依次序話你知正確答案啦:大嶼山、香港島、赤鱲角。赤鱲角經過填海後,取代南丫島成為三甲位置,而赤鱲角除咗機場客運大樓,酒店同禁區內嘅跑道之外,原來都有唔少秘景,不如今個weekend就去神探赤鱲角啦!

Read more

週末好去處 假日遊吉澳

今個weekend終於等到好天氣,最啱就係同陽光玩遊戲啦!我哋諗住去離島行吓,不過因為估計南丫島同長洲都會好多人,所以今日就帶A姐去啲冷門少少嘅離島,由馬料水碼頭搭船去吉澳,嚟個週末輕遊啦!

Read more

日落機場打卡熱點 赤鱲角機場維修區

以前一年總會去幾次機場,台北、東京、曼谷、倫敦,好掛住你哋呀!但因為疫情嘅關係,冇得去旅行,不如望梅止渴,我哋嚟到機場維修區,同飛機嚟一個近距離嘅接觸,咁就當去咗轉旅行啦!

Read more

週末自駕郊遊樂 迪欣湖活動中心

今個weekend終於陽光普照喇!M佬話要出去呼吸下新鮮空氣,順便帶埋我同二奶(佢部座駕)四圍去!由屋企出發途經青馬大橋,嚟到香港迪士尼樂園!今日我哋就唔係玩機動遊戲,主要去咗迪欣湖活動中心同迪士尼碼頭行下同影相打卡。

Read more

香港週末好去處 大嶼山昂坪360

留港旅行,又點少得去大嶼山玩呢?大嶼山嘅旅遊資源豐富,無論係上山下海,刺激定係文靜嘅活動都有。今日我哋帶埋屋企人去天壇大佛玩,最好就梗係坐昂坪360啦,除咗慳番好多時間,重點係坐得舒服,老人家們又唔洗兜山路,對佢哋嚟講,輕鬆得多。我哋仲選擇坐水晶車箱,夠晒興奮。

Read more

大嶼山輕鬆行 昂坪心經簡林

坐完昂坪360嚟到昂坪,除咗參拜天壇大佛同寶蓮襌寺,不如行多15分鐘,嚟埋心經簡林啦!呢度刻有《心經》嘅文章,背山面海,心情好平靜舒暢,而呢段路程以平坦石屎路為主,絕對輕輕鬆鬆就可以睇到靚景喇!

Read more

香港旅遊點的代表作 大嶼山昂坪天壇大佛

香港有好多唔同嘅旅遊景點,而香港旅遊發展局向外宣傳嘅旅遊片段,頭三名一定離不開太平山頂、維港夜景同位於大嶼山昂坪嘅天壇大佛。今日趁住好天氣,我同M佬坐昂坪360輕輕鬆鬆咁就嚟到喇!作為香港其中一個最重要嘅旅遊景點,天壇大佛嘅魅力之處又係咩呢?

Read more