週末打卡遊坪州 食買玩最強策劃

放假去離島玩係唔少遊客嘅心水選擇,最受香港人歡迎嘅離島點少得長洲、南丫島同大嶼山呢?喺咁多個離島之中,曾為工業小島嘅坪洲經常俾人遺忘,所以相對寧靜,係一個適合大家慢活享受假期嘅小島。其實坪洲亦有唔少打卡景點、行山郊遊同人氣食店,真係玩大半日都冇問題。今日我就同A姐plan好行程,由坪洲玩到去愉景灣,嚟個周末打卡旅行團!

Read more

坪洲必食芝麻餅 A NOY麵包舖

喺坪洲行完最高嘅手指山之後,梗要搵啲小食醫吓肚啦!長洲最出名嘅小食係大魚蛋,而坪洲最出名嘅小食就係芝麻餅喇!位於坪洲永興街嘅A NOY 麵包舖除咗有各式港式麵包,當然仲有名物南乳芝麻餅。每逢南乳芝麻餅出爐,都會好多人排隊,真係手快有手慢就無。

Read more

人氣強就好味 坪洲祺森冰室

要數坪洲最受歡迎嘅食店,又點少得祈森冰室呢?我哋平日嚟到都要排長龍,就知佢嘅人氣一直高企啦!祈森冰室位於坪洲嘅商業區 – 永安街,呢度嘅招牌菜有吉列豬扒麵同遠近馳名嘅蝦多士,一於試試係咪值得排隊啦!

Read more

工業風打卡秘景 坪洲秘密花園

想當年坪洲仲係一個工業小島,喺呢個只有大約1平方公里面積嘅地方就有超過三十種工業,包括灰窯廠同火柴廠等等。雖然依家嘅坪洲已經再無工業發展,但仍保留唔少廢棄工廠。其中近期打卡熱點就有呢間屬於三級文化古蹟嘅牛皮廠,經活化成一個以藝術為題嘅秘密花園,真係好有台灣文創園嘅感覺呀!

Read more

漫遊坪愉徑靚景 必影坪洲史諾比石

坐完30分鐘嘅船嚟到坪洲,第一站就行家樂徑熱吓身先啦!坪洲嘅面積同馬灣相若,係香港第21大面積嘅島嶼,而最高點亦只不過係海拔95米高嘅手指山。不過話明係熱身,我哋再行得簡單啲,就係以平路為主嘅坪愉徑,順便尋找史諾比石啦!

Read more