航空迷打卡必遊模擬控制塔 赤鱲角民航處航空教育徑

鐵路迷想去睇火車歷史,可以去到大埔嘅鐵路博物館;至於航空迷,就推介嚟到赤鱲角民航處總部嘅航空教育徑!喺教育徑內除咗介紹香港民航歷史同未來,仲可以睇到航空迷最想窺探嘅航空控制塔添。

Read more

與白雲打卡 香港藝術館

自從香港藝術館翻新之後,呢度嘅展覽比以前更豐富,更貼近現代藝術,加上經常更新,每次嚟到總會有新驚喜!近期推出嘅展覽,其中作品《雲圖境像(2013—2021)》就深得大家喜愛,更成為熱門嘅打卡熱點,所以我都唔執輸,捉埋M佬嚟做我嘅攝影師,順便感受一吓藝術氣息啦!

Read more

宋皇臺港鐵與歷史交融 聖山遺粹出土宋元文物展

「屯馬開通真的很興奮」,其實我哋都好興奮,因為去九龍城食泰國嘢真係方便咗好多呀!原來當日興建宋皇臺站嘅時候,就發現唔少宋元文物,當時港鐵曾承諾喺車站加設天花玻璃,仰視古蹟,但結果玻璃就未見到,只有喺車站收費區設有「聖山遺粹 ─ 宋皇臺出土宋元文物展」,展出大約400件宋元文物。

Read more

沒有香港故事的香港歷史博物館

香港歷史博物館曾經係我哋最鍾意嘅香港博物館,特別係「香港故事」內嘅各個場景,除咗可以影相打卡,更可以了解香港70-90年代最輝煌嘅歷史。不過,「香港故事」現正進行全面更新工程,所以今日嚟到只有「經典再現 — 香港故事精華展」作暫時替代。

Read more

香港大學打卡秘景 龍虎山環境教育中心

香港確實係一個好奇怪嘅地方,明明附近係高樓大廈,偏偏卻又保留一座歐洲白色別墅;明明人煙稠密,偏偏卻又有獨特嘅野生生態,原來城市與大自然係這麼近。上次同A姐行完龍虎山同松林炮台,應承帶佢去個秘景打卡,點知行咗另一條落山路線,而錯過咗呢個景點,所以今次重臨,嚟到呢個充滿歐洲風情嘅龍虎山環境教育中心影相兼認識生態。

Read more

柴灣客家遺蹟 羅屋民俗館

香港有四大民系,分別係廣府人、客家人、鶴佬人同蜑家人,其中識講客家話嘅香港人更超過25萬人口添。隨住城市嘅發展,香港嘅客家村落大部份集中喺新界,而喺柴灣原來仲有碩果僅存嘅傳統客家民居,我哋一於去到活化後嘅羅屋民俗館,了解本土文化,順便打吓卡啦!

Read more

前面轉彎大丸有落吖 佐敦小巴文化資料館

搭小巴絕對係一個心理戰,特別係第一次坐嘅路線,嗌落車真係一個大難題。話雖如此,但小巴卻係代表香港人嘅一種生活文化。今日我哋就嚟到全港首間,位於佐敦嘅小巴文化資料館,呢度展出一系列紅van嘅歷史資料,其中1:1嘅紅van車頭,更加係影相打卡熱點。

Read more

免費參觀兼與救護消防車打卡 消防及救護教育中心暨博物館

消防員係全世界最偉大嘅職業,沒有之一!做消防員可能係唔少男孩子嘅志願;而消防員嘅body就係A姐最想觸碰嘅區域。但想了解香港消防同救護嘅歷史或者有關消防員嘅訓練,就可以嚟到將軍澳嘅消防及救護教育中心暨博物館,呢度除咗有展板同短片介紹之外,更有多架已退疫嘅消防車、救護車,絕對係一個親子好去處。

Read more

將軍澳小小藝術空間 香港知專設計學院HKDI Gallery

香港有唔少大學,或者同藝術相關嘅學府,都設有藝術空間或博物館。其中位於將軍澳調景嶺嘅香港知專設計學院HKDI Gallery就會不定期舉辦藝術展覽,放假嚟開將軍澳,不妨嚟到HKDI Gallery提升一下你嘅藝術細胞啦!我哋今日嚟參觀嘅主題就係《石漢瑞的圖語世界》。

Read more

香港赤鱲角國際機場故事館 汀九機場核心計劃展覽中心

曾經香港有唔少大家引以為傲嘅品牌,其中代表香港門户嘅香港國際機場更加係蜚聲國際,曾多次榮獲全球第一嘅美譽。但相信去過香港國際機場嘅字母粉,都會發現近呢10年,無論硬件、軟件定保養都每況愈下,甚至唔再係世界第一。所以我哋今日自駕遊嚟到深井汀九嘅機場核心計劃展覽中心,重溫香港國際機場嘅歷史同光輝時代,期望再次起飛,成為香港人嘅驕傲。

Read more