【萬聖節好去處2022】香港7大萬聖節必玩推介!海洋公園哈囉喂/迪士尼Halloween/萬聖節市集/打卡位

【香港7大萬聖節好去處必玩推介2022】一年一度嘅萬聖節哈囉喂Halloween又殺到嚟啦!我哋為大家整理7大必去萬聖節好去處2022推介,有海洋公園哈囉喂全日祭、海洋公園水上樂園哈囉喂派對、迪士尼樂園Halloween反轉迪士尼活動、期間限定萬聖節活動、萬聖節必去打卡位、萬聖節市集同萬聖節主題Staycation等。仲唔快啲一文睇清萬聖節2022好去處推介。

Read more

【香港沙灘好去處】嚴選十個最方便自駕、最佳水質嘅香港打卡沙灘

想同夏天玩遊戲,就梗係要去沙灘游水,玩刺激嘅水上活動,曬吓太陽,當然仲要同A姐一齊為夏天帶嚟美腿啦!雖然香港係一個石屎森林,但其實香港、新界同離島合共有42個公眾沙灘,我哋就為大家嚴選咗10個最方便自駕、最佳水質嘅香港沙灘,等大家喺香港都可以尋找港版嘅峇里陽光與海灘啦!

Read more

登上香港之巔 雲海日落大帽山

大帽山係香港最高嘅山,海拔足足957米,但千祈唔好俾佢嘅高度嚇怕你。因為大帽山全程都係石屎車路,路段相對第二同第三高嘅鳳凰山同大東山更易行,而且坐巴士已經可以到達490米嘅大帽山,如果坐的士或者自駕遊更可以到達700米嘅大帽山,所以要登上香港之巔睇雲海、日落、芒草同打卡真係一啲都唔難!

Read more

Art Jam打卡推介 荃灣Iridescent Studio

想放鬆心情,唔知你會唔會畫畫呢?近期Art Jam非常流行,唔需要任何畫畫經驗,大家只要放鬆心情投入創作,享受屬於自己嘅畫畫時間。過程除咗令人非常療癒之外,你所創作嘅作品仲可以打卡添。我哋就嚟到位於荃灣嘅Iridescent Studio,讓自己放鬆心情,享受me time啦!

Read more

港版千本鳥居 荃灣海安路之巨型橙色隧道

A姐有一本打卡攻略,將好多香港打卡熱門地點bookmark,到我哋weekend嘅時候,佢就會攞住本秘笈叫我車佢去玩。今日佢就話想去荃灣嘅千本鳥居,我真係聞所未聞,但原來呢度就係成日都會路過嘅海安路橙色隔音隧道,只要透過男朋友嘅攝影技術,輕易就影到日本嘅感覺啦!

Read more

香港赤鱲角國際機場故事館 汀九機場核心計劃展覽中心

曾經香港有唔少大家引以為傲嘅品牌,其中代表香港門户嘅香港國際機場更加係蜚聲國際,曾多次榮獲全球第一嘅美譽。但相信去過香港國際機場嘅字母粉,都會發現近呢10年,無論硬件、軟件定保養都每況愈下,甚至唔再係世界第一。所以我哋今日自駕遊嚟到深井汀九嘅機場核心計劃展覽中心,重溫香港國際機場嘅歷史同光輝時代,期望再次起飛,成為香港人嘅驕傲。

Read more

港版姆明公園兼5大打卡點 親子週末遊荃灣公園

今個weekend同A姐去咗荃灣如心海景酒店玩Staycation,我哋食飽飽就喺旁邊嘅荃灣公園散吓步同拍吓拖啦!公園以海洋為主題,當然唔少得有個遊樂場俾小朋友放吓電。呢度除咗係親子好去處之外,估唔到仲有唔少打卡位,當中包括港版姆明之家等5大熱點,絕對係大家拍拖週末嘅好去處。

Read more

超靚景打卡 汀九灣泳灘

香港係一個沿海城市,所以有唔少公眾泳灘。喺夏天嘅時候,好多人都鍾意去泳灘消吓暑,玩吓水上活動。大部份嘅泳灘都集中喺離島區、西貢區同南區,其實荃灣都有唔少泳灘㗎!今日我哋自駕遊嘅拍拖好去處就嚟到汀九灣泳灘,雖然因應近期天氣同疫情情況,我哋未有落水玩,但因為呢個海灘鄰近汀九橋同青馬大橋,所以都好適合大家嚟打卡影相㗎!

Read more

壁畫彩虹樓梯 荃灣光板田村

香港有唔少壁畫村,除咗我哋之前介紹過嘅錦田壁畫村同西營盤藝里坊之外,位於荃灣嘅光板田村,名氣一啲都唔少,其中最受歡迎嘅就係村內嘅彩虹樓梯。呢度嘅壁畫大概有15幅,絕對係一個親子好去處同拍拖好去處,今個weekend就同A姐嚟呢度打卡影相啦!

Read more

自駕遊香港 青嶼幹線訪客中心及觀景台

我哋買咗車喇!其實我同M佬上年一齊學車,結果我1 take就pass咗,而M佬就考咗2次,竟然我有嘢叻過佢(佢話因為佢考試時嘅路面情況比較混亂喎),哈哈,係咩?我哋本身學車係諗住去旅行時可以自駕遊,但依家無得去旅行,只好留喺香港自駕遊啦!其實香港嘅交通好方便,所以我哋都睇吓有啲咩地方要揸車先去到,順便練吓車,今日我哋就嚟到青衣嘅青嶼幹線訪客中心及觀景台。

Read more
error: Content is protected !!