石澳好去處

天氣雖然開始熱，但如果有靚景俾A姐打卡，佢都會無懼炎熱，陪我一齊郊遊行山嘅！今次佢想去嘅打卡目的地就係位於小西灣嘅「海景大電視」，我哋就由石澳嘅大浪灣出發，經砵甸乍山郊遊徑、歌連臣角道、再駁返去龍躍徑往小西灣。路線輕鬆易行，大量打卡位滿足大家。

石澳係香港島嘅後花園，有沙灘、燒烤場、歐陸風情嘅村落、泰式同西式嘅餐廳、仲有行山郊遊嘅路線，絕對適合大家放假嚟呢度鬆一鬆。而今日我就同A姐嚟到修復並重新開放嘅藍橋，同佢感受一吓香港嘅南歐風情。

近期石澳鶴咀成為大熱嘅行山郊遊路線，除咗路線唔難行，風景又靚，有燈塔、海蝕洞同一望無際嘅南中國海海景之外，仲有豆香十足嘅豆腐花同石澳必買手信，今個weekend好去處就同A姐嚟個鶴咀食買玩一日遊啦！