深度遊心靈一天團 香港宗教多元之旅

香港係一個宗教自由嘅地方,加上曾經為英國嘅殖民地,所以歷史上有唔少宗教團體都會植根香港,再面向中國;加上多元種族同文化背景,香港有超過三百萬人信奉唔同宗教。為咗了解更多有關香港嘅少數教派故事,我哋就參加咗Hong Kong Free Tours舉辦嘅香港宗教多元之旅一天團,走訪四間較少人認識嘅宗教:伊斯蘭教、印度教、耶穌基督後期聖徒教會(摩門教)同錫克教,深入宗教場所了解佢哋嘅故事,係一個充滿深度嘅旅行團呀!

Read more

假如真的再有個約會 大坑虎豹樂圃

仲記得小時候,A姐嘅公公帶過我去位於大坑嘅虎豹別墅玩,講到以前虎豹別墅最深刻嘅景點,當然係十八層地獄啦!細細個覺得好恐怖架,但至少學識咗唔少做人道理。經過咗活化後嘅虎豹別墅已成為虎豹樂圃,免費開放俾大家參觀,今個weekend不如同虎豹別墅再約會啦!

Read more

禁止閒人進入嘅打卡熱點 唯一圓型公屋大坑勵德邨

講到香港最靚嘅公屋,又點少得位於大坑嘅勵德邨呢!勵德邨除咗位處豪宅區及名校網之外,部份嘅單位更加坐擁維港煙花景色,此外,勵德邨曾經住咗好多名人,包括林珊珊、林曉峰、林海峰、張國強同李麗珍之外,仲有大家最愛嘅A姐!A姐今日番到嚟,除咗探訪鄰居街坊之外,當然就係嚟打卡啦!

Read more

香港歷史深度一天團 香港墳場歷史導賞團

我哋曾經去過歐洲嘅墳場參拜名人畫家,其實歐洲啲墳場真係好靚,每個逝者墓地都好似一件藝術品,氣氛雖然莊嚴,卻又非常閒適平和。喺跑馬地就有一個香港少見嘅歐陸式墳場,但嚟到華人社會,大家對於墳場就會有好多避忌,去墳場參觀?「大吉利是」咩!其實每個逝者背後都有一個故事,當中有唔少故事更影響深遠。我哋近期就參加Hidden Gems Travel舉辦嘅銅鑼灣與香港墳場歷史導賞團,認識安葬喺香港嘅歷史人物故事,深度了解香港嘅本土歷史。

Read more

【期間限定】還原沉沒了的故事 銅鑼灣鐵達尼號展覽

相信有唔少人認識鐵達尼號都由1997年的同名電影開始,男女主角嘅愛情故事確實令人刻骨銘心,加上大部份人物、情節,以至郵輪上嘅設施都盡量還原,成為當時一套經典嘅電影。鐵達尼號至今雖然已經沉沒超過一百年,但大眾對呢架船仍然充滿好奇,今日我哋就嚟到銅鑼灣嘅iLab科文館參加香港首個鐵達尼號專題展,小至一粒煤炭,大至椅子,都可以讓大家觸碰歷史,了解鐵達尼號嘅真實故事。

Read more

由一個動人故事開始 《媽媽的神奇小子》電影展覽暨慈善義賣

香港嘅運動員唔係垃圾,因為我哋有蘇樺偉!從《媽媽的神奇小子》呢套真人真事改編嘅電影(詳細電影影評按此),讓我哋了解到呢位奪得殘奧第一金嘅動人故事。電影公司更將劇照、場景、蘇樺偉嘅獎牌同生活點滴,透過今次嘅展覽讓我哋了解到蘇樺偉同蘇媽嘅奮鬥歷程,而展覽中更義賣電影精品,非常有意義!

Read more

期間限定打卡路線 同熱愛這「維港蛻變」

行維港海旁除咗睇燈飾夜景,依家仲有期間限定嘅藝術作品呀,所以趁嚟緊嘅weekend同公眾假期就帶A姐去打卡影相啦!今次活動由旅遊事務署呈獻、香港設計中心主辦,以「維港蛻變」為主題,由銅鑼灣避風塘起步至中環海濱,共有7個大型藝術裝置,令維港海旁突然變成露天城區設計廊,每一件作品都可以接觸互動,讓公眾與藝術共融。

Read more

[銅鑼灣好去處] 王菀之的粉紅世界 期間限定The Pink Room展覽

「我嘅世界係粉紅色!」睇全民造星3嘅時候,曾經有參賽者咁樣講過,但其實粉紅色嘅世界又會係點嘅呢?位於銅鑼灣嘅The Pink Room,由著名創作人王菀之為我哋揭開佢嘅粉紅色世界。展覽以「標籤文化」作主題,啱晒大家嚟影吓相打卡㗎!

Read more

百年歷史 怡和午炮

「2020年12月26日正午12點,呢一刻係屬於我哋嘅!」即係咁,雖然M佬同我講呢句說話係幾浪漫,但係喺烈日當空下,真係有啲曬囉!其實今日M佬帶我嚟到銅鑼灣海傍嘅怡和午炮,同我感受一吓呢個由殖民時期至今嘅傳統。

Read more

馬照跑舞照跳 香港賽馬博物館

「馬照跑,舞照跳」係當年鄧小平講過嘅說話,其實香港自1997年回歸開始,經歷咗好多,好似政治體制、疫症、新聞同學術自由、經濟衰退等等,但至少仲有一樣嘢係未改變嘅,就係香港嘅賽馬文化。縱使投注額下降,又或者你唔係賭馬嘅人,但至少都會記得曾受大眾留意嘅巴基之星。今日我哋嚟到跑馬地馬場嘅香港賽馬博物館,了解香港賽馬150多年來嘅輝煌歷史。

Read more