川菜520 北角688

又麻又辣嘅川菜令人又愛又恨,愛佢嘅麻辣味道層次,但又恨佢嘅刺激麻痹感覺。不過,好味嘅川菜,真係我愛你呀!位於北角嘅688,餐廳由獲獎川菜名廚主理,將主打正宗家常小菜帶到香港,川菜又點止麻辣火鍋呢!

Read more

喺香港食晚餐嘅最終章 太子甜聚雪花冰甜品屋

喺香港,一餐完美嘅晚餐,又點少得甜品呢!特別係成班朋友雖然食飽飽,但又意猶未盡,甜品自然係最佳嘅選擇。位於太子嘅甜聚雪花冰甜品屋,除咗傳統嘅甜品,亦有新潮嘅選擇,好味之餘又可以打卡,第二個胃即刻啟動。

Read more

粉麵舖嘅靈魂 旺角雄記牛腩王

食港式嘅潮州粉麵,雲吞、水餃、魚蛋各有所好,但講到粉麵舖嘅靈魂,一定係嗰個又香又濃嘅腩汁。位於旺角嘅雄記牛腩王,喺門外路過已經聞到香噴噴嘅腩汁,作為我嘅comfort food之一,忍唔住入嚟食番碗先得。

Read more

膝頭哥唔食辣椒醬 但味蕾寶寶最鍾意灣仔辣椒醬

膝頭哥就梗係唔食辣椒醬啦,但我嘅味蕾就好鍾意喇!位於灣仔嘅辣椒醬,餐廳由泰國人主理,而辣椒醬嘅店面雖然無乜泰式擺設,但其實係走泰國嘅地道大排檔風格(好彩辣椒醬係有冷氣)!加上主打嘅泰國菜食物,流露住泰式暹羅風。

Read more

湘菜的香辣 屯門湘聚小館

講起食辣嘢,唔少人第一時間會諗起川菜,令同樣以辣為主導嘅湘菜被世人遺忘。其實湘菜同川菜由香料以至烹調方法,都有好大分別,最簡單嘅例子,湘菜嘅辣係無麻嘅感覺。嚟到屯門嘅湘聚小館,品嚐正宗嘅湘菜香辣味道。

Read more

當咖喱遇上Pizza 佐敦Pizza Max Bistro

Pizza上面放上菠蘿,啲意大利人話好葵介。嚟到佐敦嘅Pizza Max Bistro,餐廳由印度人主理,店主試試新意思,將印度烤雞放上pizza,相信同樣震驚意大利人,但原來味道唔錯,呢種crossover嘅感覺,為味蕾帶嚟新鮮嘅口味。

Read more

熱情不羈西班牙菜 銅鑼灣SABROSA

SABROSA!Sabrosa係西班牙文,意思係好味咁解。而西班牙一向俾人一種熱情不羈嘅感覺,如果將熱情不羈同好味連起,點解會有種色色嘅感覺?其實係銅鑼灣嘅西班牙餐廳SABROSA,餐廳設計走型格路線,但一束紅玫瑰,突顯西班牙情調,加上用心嘅製作,真係SABROSA!

Read more

嚟自福建嘅味道 紅磡沙縣特色小吃

香港有唔少福建人,但福建餐廳嘅選擇相對比較少,甚至想無知一問,其實福建菜係食咩呢?為咗挑戰自己嘅無知,嚟到紅磡嘅沙縣特色小吃,由當地嘅地道小食認識福建菜,當中嘅扁肉、拌麵、蒸餃、燉罐,堪稱為沙縣嘅名物。

Read more

初嚐大西北大漠風情 灣仔五指間蘭州牛肉麵

中國大江南北,有唔同嘅菜系同飲食習慣,各具特色。但對於唔少香港人嚟講,大西北嘅蘭州清真菜相對少接觸,亦都係我哋嘅第一次。位於灣仔嘅五指間蘭州牛肉麵,餐廳走快餐店佈局,啱晒初嚐大西北大漠美食嘅我哋。

Read more

紅色麻辣世界 油麻地川聚緣

唔知你最鍾意咩顏色呢?紅色唔容易係我身上見到,但我偏偏最鍾意川菜嘅赤紅色,香辣惹味,頓時令我胃口大開。隔咗一段時間,嗰種麻辣癮又返嚟,嚟到油麻地嘅川聚緣,投入川菜嘅紅色麻辣世界。

Read more