長洲

【長洲好去處2023 | 長洲一日遊食買玩推介】好多人放假都鍾意去長洲度假，因為長洲嘅配套、打卡、景點都係各離島之最，所以成為全香港最受歡迎嘅離島，沒有之一。但好多人去長洲都離不開春天睇櫻花、夏天去東灣泳灘，再去食大魚蛋、芒果糯米糍、紅豆餅同手卷等等，如果你嘅必玩推介仲係以上行程，不如今個假期就跟住A姐同M佬推介，重新認識最新嘅長洲食買玩攻略，一齊去長洲尋找長洲的日本秘景、長洲11大好去處及美食推介啦！

好多人都鍾意去離島食海鮮，當中長洲貴為香港最受歡迎嘅海島，由碼頭至海旁一帶都有唔少海鮮餐廳嘅選擇。不過，長洲有唔少海鮮餐廳就唔多老實，我哋好耐之前就唔小心幫襯過黑店喇！好彩今日有A姐住喺長洲嘅好姊妹帶路，嚟到濤濤居火鍋煲仔菜，呢度嘅嘢食夠新鮮又有鑊氣，最重要係公道老實。

通常大家去長洲都bookmark咗唔少小食名物，好似芒果糯米糍、大魚蛋等等。但今日我哋嚟長洲唔係掃街，因為有長洲在地人推介好味米線俾我哋，所以就嚟到火車頭酸辣小窩試吓蜆肉米線湯啦！