香港生活飲食旅遊電影博客 Hong Kong Foodie, Lifestyle, Food, Travel and Movie Blogger & KOL
【香港釣蝦場推介2023 | 釣蝦場邊間好？】釣蝦係近期放假大熱嘅活動之一，無論係一班朋友定一家大細，都鍾意去到香港各大釣蝦場消遣，令香港釣蝦場越開越多，除咗室外釣蝦場，亦有唔少室內釣蝦場選擇，例如觀塘釣蝦場、元朗釣蝦場、荃灣釣蝦場、新蒲崗釣蝦場同佐敦釣蝦場等。釣蝦場之所以深受大家歡迎，係可以即釣即食，夠晒新鮮彈牙！釣蝦場邊間好？今期我同A姐就嚴選推薦6間香港釣蝦場/流水蝦場，讓你體驗釣蝦樂趣。
Read more
作為米線控，我哋每星期真係最少食一次米線架！除咗嗰幾間連鎖店之外，其實唔同地區都有好多米線小店。話說半年前，有新蒲崗嘅粉絲就推介呢間雲南人家風味餐廳，但我哋每次都黑氣石纏身，第一次就東主有喜，第二次係我哋無check清楚，遇着例假休息，最後終於喺無心插柳情況下，食到雲南人家風味餐廳喇！
Read more
今日要介紹嘅呢間自助餐，無魚生、無牛扒、無生蠔亦都無甜品，但佢有嘅係良心！位於新蒲崗彩虹道熟食中心嘅順豐良心飯店，一直以嚟只做午市嘅港式自助餐，每位$32就可以任食小菜、白飯同例湯，係唔少藍領及弱勢人士嘅飯堂。
Read more
M佬最愛咩？咁當然係我A姐啦！第二位就係海鮮啦！海鮮最正係清蒸，咁先食到佢嘅鮮味！今日，我哋去到新蒲崗蟹仙海鮮蒸氣鍋，老闆係做海鮮批發，唔靚嘅海鮮唔入，每位HK$298 (星期五、六、日、公眾假期及前夕，每位加HK$28)，就有八款海鮮加蔬菜，真係幾抵食！
Read more
新蒲崗？？我同A姐真係好少去，但朋友介紹嗰度有唔少高質嘅餐廳選擇，我哋今日就去咗食上海菜，呢間三分俗氣雖然外表普普通通，但食物質素好有驚喜。而食上海嘢又點少得我最鍾意嘅小籠包呢？但A姐就最鍾意生煎包，每款都係4大隻，邊度食得晒，如果二揀一，點揀呀？
Read more
雖然我哋好鍾意打邊爐，不過打得多都熱氣啦，飲多涼茶廿四味都唔掂，所以我哋今晚決定食清啲。粥夠清啦，不過唔係普通嘅粥，係海鮮蒸氣鍋之後嘅粥，哈哈！經過明查暗訪，我哋去到新蒲崗蟹仙海鮮蒸氣鍋，只需HK$198一位 (星期五、六、日、公眾假期及前夕，每位加HK$28)，就可以品嚐八款海鮮加有機蔬菜。
Read more
近排A姐話自己肥咗，所以去咗新蒲崗學瑜伽（其實計我話小小肥先好攬架！吖，唔係，佢都無都肥過，都唔知減邊忽），佢話做得咁辛苦，嚟到weekend，要俾自己放肆吓！所以等佢放學後，我哋就去咗新蒲崗嘅玫瑰餐廳陳儀興，嘆番個雞煲獎勵一吓自己！不過，為免佢前功盡廢，所以今餐唔係叫咗好多嘢，估唔到有邊爐癮嘅A姐，今晚又咁忍得口。
Read more