大埔

自從買咗車之後，真係香港零距離！想去火炭食沙田雞粥定去深井食燒鵝，真係揸住1064話去就去。今日問A姐想去邊度食飯，佢話不如入大尾督食泰國菜喎，so easy，一於帶埋1064去啦！大尾督除咗燒嘢食出名，其實都有好多泰國餐廳選擇，雖然大部份都無提供車位，但大尾督就有勁多咪錶停車位，泊車無難道啦！而我哋就嚟到忠誠茶座泰國菜，嘆一個泰國大餐，味道整體唔錯，但略嫌份量唔多。

作為大埔舊街坊嘅我哋，萬利小食店絕對係我哋嘅童年回憶。以前中學就喺附近，早餐就食腸粉燒賣，午餐就嚟呢度買車仔麵。佢嘅濃郁湯底，真係第二道食唔到，所以每次返大埔，萬利小食店都係我哋嘅必然選擇。