大埔藍帶名廚 竺扶大班燒味
食神駕臨大埔呀！喺灣仔大受歡迎嘅人氣食店：竺扶大班燒味，喺大埔開設全新分店，餐廳同樣由藍帶名廚主理，所以燒味出品極具口碑，除咗啱晒大埔街坊們去斬料加餸之外，仲可以好似我哋咁，約埋住喺大埔嘅屋企人坐低慢慢嘆呢！
Read more
大埔墟站
大埔南歐風情 白鷺湖Billow
喺香港擁有獨立平房嘅餐廳唔多，嚟到大埔就有位於白鷺湖嘅Billow。Billow主打多國菜，除咗食物唔錯之外，更吸睛嘅係餐廳以全白色為外觀，充滿南歐風情。背景配上白鷺湖、火車同吐露港，用美景襯托菜式，真係好似去咗旅行咁。今日我哋就約埋朋友P夫婦，嚟到白鷺湖自駕遊兼瘋狂打卡啦！
Read more
香港零距離 忠誠茶座泰國菜
自從買咗車之後，真係香港零距離！想去火炭食沙田雞粥定去深井食燒鵝，真係揸住1064話去就去。今日問A姐想去邊度食飯，佢話不如入大尾督食泰國菜喎，so easy，一於帶埋1064去啦！大尾督除咗燒嘢食出名，其實都有好多泰國餐廳選擇，雖然大部份都無提供車位，但大尾督就有勁多咪錶停車位，泊車無難道啦！而我哋就嚟到忠誠茶座泰國菜，嘆一個泰國大餐，味道整體唔錯，但略嫌份量唔多。
Read more
大尾督任燒任食BBQ 巴希雅海灣重慶燒烤
呢啲天氣除咗郊遊，又點少得BBQ呢？講起BBQ就一定會諗起大尾督，今日就踩單車入大尾督BBQ啦！喺大尾督有好多任燒任食嘅燒烤場，其中一間頗有名氣嘅就係巴希雅海灣重慶燒烤。巴希雅海灣重慶燒烤同平時嘅燒烤場好唔同，佢哋會先將食物用串吉好，形成串燒，大家可以好方便咁利用枱上嘅燒烤爐整熟，食得夠晒方便。
Read more
大尾篤想見你 R&Y’s International Cuisine
「釘釘…釘釘…」迎面吹來一陣海風，當我張開雙眼，嚟到大尾篤，見到前面一個男生嘅背影，我追住佢部單車，佢回頭叫我快啲啦，點知佢跌低咗…突然一聲「起身喇！」，我坐咗喺架私家車入邊，我改變唔到佢跌低嘅歷史，但昔日嘅男生已成長，成為我嘅司機，帶我嚟到大尾篤嘅R&Y’s International Cuisine。餐廳以家庭小店經營，味道有一定水準，食飽飽再踩單車，自製大尾篤一天遊。
Read more
【車仔麵推介2023】香港10大必去人氣車仔麵店推薦
【車仔麵推介2023 | 10大香港必去人氣車仔麵店推薦】每次去完旅行返嚟，我哋好多時候都會即刻去食車仔麵，可以一次過叫好多個餸！我哋試過好多間車仔麵店，真係有唔少車仔麵私心推介。我哋就精選咗10大港九新界全港嘅車仔麵餐廳！
Read more
由細食到大車仔麵 大埔萬利小食店
作為大埔舊街坊嘅我哋，萬利小食店絕對係我哋嘅童年回憶。以前中學就喺附近，早餐就食腸粉燒賣，午餐就嚟呢度買車仔麵。佢嘅濃郁湯底，真係第二道食唔到，所以每次返大埔，萬利小食店都係我哋嘅必然選擇。
Read more
排隊就不必喇 大埔粉果佬
因為Facebook嘅香港燒賣關注組，令我哋bookmark咗呢間位於大埔嘅粉果佬，但次次嚟到都大排長龍，人氣高企，直到某一日朝早，我哋路過竟然只有5個人排緊隊，終於有機會俾我哋試吓大埔粉果佬嘅名物喇！大埔粉果佬係港式小食店，當中最出名嘅就當然係魚肉燒賣同家鄉粉果啦！我哋就每樣都買咗啲試試，睇吓係咪真係咁好味啦！
Read more
初心Cafe 大埔Homeland
時代嘅轉變無論幾大，都希望你嘅初心唔會轉變。初心亦都同樣適用於呢間位於大埔嘅Homeland，幾個年青人憑藉住佢哋嘅努力，開咗呢間象徵佢哋屋企嘅餐廳。6點鐘已經排晒隊，唔知味道又點呢？
Read more
中西薈萃 大埔茶餐廳2.0
一個星期總有一日返娘家食飯，不過，A爸同A媽真係好極端，A爸就好鍾意食唐餐，但A媽就話平時屋企都煮唐餐啦，所以佢話出街就梗係唔好食中菜啦。今日去到大埔嘅茶餐廳2.0，款式夠多，優錢夠經濟實惠，佢兩個都好滿意。
Read more