超濃郁蕃茄湯 上環勝香園

大排檔絕對係老香港的代表,而上環嘅勝香園絕對係我最喜愛嘅傳統港式大排檔!平日食飯時間,總係大排長龍,所以今日特登同A姐揀weekend嚟,人龍無平日咁多,等咗一陣就有位啦!勝香園除咗好味,仲有人情味,因為每次嚟到,見到依舊嗰班侍應婆婆,仍然身壯力健,就覺得好安慰。

Read more

三眼仔叉燒蛋飯 上環孖沙茶餐廳

無論係頹飯之選嘅餐肉蛋飯定黯然銷魂嘅叉燒蛋飯,相信好多茶餐廳都有得食,所以就要搞搞小意思,咁就成為相機食先嘅餐廳啦!上環孖沙茶餐廳就簡單將餐肉蛋飯同叉燒蛋飯由二眼仔飯變成三眼仔飯,咁就輕易成為佢嘅代表作喇!不過,餐廳嘅位置唔大,坐得好密,喺疫情期間嘅風險就比較高喇。

Read more

由老婆餅開始 上環恆香冰室

恆香老婆餅絕對係元朗,甚至係代表香港嘅伴手禮。雖然恆香老餅家喺港九新界有唔少分店,但想坐喺度慢慢嘆番件新鮮熱辣嘅老婆餅,再加杯茶香奶滑嘅奶茶慢活人生,依家喺上環就開咗全港第一間恆香冰室喇!恆香冰室除咗恆香最出名嘅老婆餅之外,仲有唔少唐餅、麵包、蛋撻同冰室茶檔美食,加上店內播放懷舊廣東音樂,充滿港式情懷。

Read more

讓我倒流時光一起親身跟你去分享 上環精緻復古餐廳:荼香

「如果可以倒流時光,你最想去邊一個時空呢?」我最想去你出世嘅時空,見證你嘅成長故事。雖然穿越時空看似無可能,但我哋就去咗位於上環嘅人氣精緻復古餐廳:荼香。原來荼香嘅老闆本身喺銅鑼灣經營一間古董店,所以餐廳有不少古董做裝飾,彷彿走進時光隧道,環境氣氛非常有格調,我哋享受食物嘅同時就分享一吓我哋嘅成長故事啦!

Read more

平價低質一人前 上環連鎖燒肉Like

我真係好對唔住我個胃呀!話說今日A姐突然要開OT,所以我嘅晚餐就嚟到近期一間超強人氣嘅一人燒肉店:燒肉Like。餐廳以低至$48嘅燒肉定食招徠,但係食物出品低質。可能你會話咁嘅價錢,你想得到啲咩?我當然係想得到物超所值嘅餐飲體驗啦!

Read more

抵玩Staycation嘆好味晚餐 宜必思香港中上環酒店Le Bar

今次Staycation Package嘅CP值超高,住足24小時,仲要包埋早餐、晚餐同房間mini bar添!講緊嘅係位於上環嘅宜必思香港中上環酒店(詳情:24小時食住玩兼有維港景打卡),呢個Package嘅人頭價錢只係$352起,晚餐選擇咗喺酒店嘅Le Bar享用,餐廳並無將貨就價,選擇相當多,味道仲要唔錯添!

Read more

飲茶推車仔集體回憶 老香港傳統上環蓮香居

以前細個去飲茶,真係好熱鬧又好有氣氛,推車仔嘅姨姨都會大聲叫賣佢哋車上嘅點心。但自從推出「即叫即蒸點心」之後,推車仔嘅姨姨就唔駛再推車仔,去酒樓食點心嘅氣氛亦大不如前。好彩香港仲有少數酒樓仍然保存點心車呢個集體回憶,今日我哋就嚟到上環嘅蓮香居,重拾呢種老香港嘅傳統氣氛啦!

Read more

香料濃咖喱 上環印度皇

A姐雖然係港女,但亦係山系女孩;A姐雖然鍾意食日本菜,但亦好鍾意印度咖喱!今日我哋就約咗喺香港定居嘅印度朋友食飯,了解吓大家嘅近況。佢哋推介位於上環嘅印度皇,餐廳除咗環境舒適,就連當地人都讚呢度嘅印度菜夠地道,仲有個小酒吧,可以飲酒暢談。

Read more

超好味沙嗲牛肉麵 上環人氣郁健快餐

一直以嚟都好鍾意食沙嗲牛肉麵,但自從加入咗Facebook嘅香港沙嗲牛肉麵關注組之後,對於沙嗲牛肉麵嘅要求更加高。喺關注組入面,有唔少高質沙嗲牛肉麵嘅推介,其中呢間位於上環嘅郁健快餐就大獲好評,今日我就自己一支公嚟到朝聖啦!

Read more

上環濃香越南風味 一牛越南粉專門店

有一種味道叫「地道」!今日嚟到上環,好隨意咁經過一牛越南粉專門店,門前傳來一陣濃香嘅牛肉湯味,突然回憶起以前同M佬去越南旅行,夜晚一定要食番碗熱辣辣嘅PHO做宵夜,咁先夠滿足。所以我哋今晚就食個地道越南餐啦!

Read more
error: Content is protected !!