和風洋食 太古Quattro’s Kitchen

日本菜絕對係港人至愛,魚生壽司、和牛鐵板燒、豚骨拉麵等,真係諗起都即時患上選擇困難症。但相對嚟講,和風洋食真係比較少接觸。平時睇卡通片,見到啲日本人行完百貨公司之後,都會搵間和風洋食嘆吓,我哋照板煮碗,嚟到太古嘅Quattro’s Kitchen。

Read more

日式Foodcourt食乜好 太古城Tonkotsu 8 by三田製麵所

香港嘅小韓國喺金巴利道、小印度喺重慶大廈,咁你知唔知小日本喺邊度呢?答案就係太古城喇!因為有唔少居港嘅日本人住喺大古城,所以喺太古站附近,就有兩間大型日本百貨公司,仲有選擇清一色為日本菜嘅Foodcourt呢!雖然選擇多,但拉麵控嘅M佬目標明確,直接就去咗Tonkotsu 8 by三田製麵所喇!

Read more

港式羅宋湯真味道 太古城Wheatfield X 羅宋湯專門店

羅宋湯究竟係源自俄羅斯定烏克蘭?近期俄烏兩國除咗局勢持續緊張,其實兩國仲有羅宋湯衝突。喺2022年,烏克蘭版本嘅羅宋湯正式被聯合國教科文組織列入瀕危非物質文化遺產。不過,無論俄版定烏版嘅羅宋湯,口味都未必適合香港人,所以喺港式餐廳食到嘅都係港式羅宋湯。如果你都鍾情港式羅宋湯,推介太古城嘅Wheatfield X 羅宋湯專門店。

Read more

小清新日系Cafe 太古PHI COFFEE & PANCAKE

太古城雖然有唔少餐廳,但想搵間小清新cafe好似就比較少見。近期終於新開一間日系嘅文青cafe:PHI Coffee & Pancake。餐廳主打空氣梳乎厘同簡餐,鹹點同甜點都有,味道唔錯,加上坐得舒服,啱晒喺太古城shopping之後,嚟呢度休息嘆吓啦!

Read more

集15間韓日風味 太古城KollaBo

一次過滿足3個願望有幾難吖,等我M佬帶A姐去滿足15個願望啦!A姐出名鍾意食韓國菜,炸雞、韓燒、醬油海鮮、春村雞、韓國奧巴都係佢嘅最愛,所以我哋嚟到位於太古城嘅KollaBo,呢間東京過江龍,集合咗15間韓日地道餐廳嘅人氣料理同配方,滿足各位嘅韓日風味!

Read more

我最懷念的台灣 太古城百芳池上便當

以前搭長途台鐵,總會買份便當,喺㗎火車度欣賞風景,然後會有一個台灣靚仔行埋嚟同我打招呼,問我目的地去邊……發完白日夢喇,原來坐我隔離嘅唔係台灣靚仔,只係M佬;火車嘅風景亦只係太古城誠品嘅畫面;但好彩仍然有份百芳池上便當,滿足了。

Read more

必食招牌海南雞 太古城Chatterbox Express

邊個話食快餐店就唔駛追求質素㗎?今日同A姐嚟到太古城,一於試試嚟自新加坡文華酒店嘅過江龍 – Chatterbox Express!Chatterbox Express主打海南雞同新加坡菜,由於太古城分店係快餐店形式,所以比尖沙咀嘅cafe分店嚟講,價錢普遍會平少少,絕對係用一個快餐店嘅價錢試到酒店級嘅美食。

Read more

備長炭煲仔飯 太古新店點煲

返工最期待嘅一定係每日lunch time同班姊妹嘅講是非時段啦!喺太古城返工嘅我哋,發覺食嚟食去無咩新意,終於等到有間新開嘅餐廳,好感動呀!呢間新開嘅餐廳主打點心同煲仔飯,所以餐廳名夠直接,就叫點煲!點煲作為港式食店,就連餐廳嘅設計都以香港功夫為主題,夠晒貼題又獨特。

Read more

晚市夜茶小菜 鰂魚涌小皇府

有一種美食叫港式點心!我覺得港式點心真係香港嘅代表作,好多移咗民嘅朋友都同我哋講,好耐無食過點心喇!今日接A姐收工,再睇吓附近有咩食,心血來潮就決定食點心啦!夜媽媽就無點心食?邊個話㗎?呢間位於鰂魚涌嘅小皇府,夜茶點心夠精緻好味。

Read more

必食片皮鴨 太古金公館

逢星期三都係百貨公司嘅周三特價日,陪A姐喺康怡廣場嘅超級市場掃完貨,我哋拎住一袋二袋三袋同四袋,所以今晚嘅晚餐最緊要坐得闊落又舒服!所以今晚晚餐選定太古嘅金公館,順便回味一吓佢哋嘅北京填鴨啦!呢度嘅二人餐好抵食,仲已經有埋北京填鴨,CP值超高。

Read more