藍田站

以東九龍各區嚟講，藍田真係相對無乜嘢好食，咁點解今日我哋會嚟到藍田呢？話說A姐想試吓渣車返工嘅感覺，公司喺觀塘嘅佢，出車後又驚觀塘多車，又驚停車場啲泊位窄，所以佢由屋企出發之後，就將架車泊咗喺藍田再返工，但呢個計劃亦令佢醒覺以後都係搭車返工吧！結果放工之後，我就陪佢去藍田攞番架車，順便喺呢度搵食。我哋隨意就嚟到藍田大壹燒鵝，顧名思義餐廳主打港式燒味，食完之後，我哋推介呢度嘅燒鵝同叉燒，非常高質！