尖沙咀平民隱世食堂 海防道德發牛丸粉麵

「係咁先喇,下次再見啦!」經歷完兩年大裝修嘅尖沙咀海防道熟食中心,終於同大家再見喇!熟食中心入面有10間茶檔,大部份都係主打港式風味,其中德發牛丸粉麵絕對係卧虎藏龍,德發嘅牛什同牛丸係唔少街坊由細食到大嘅選擇,絕對係一種熟悉嘅好味道。

Read more

超驚喜濃郁咖喱 銅鑼灣洛奇冰室

銅鑼灣近期開咗唔少冰室茶餐廳,其中呢間位於登龍街,新開嘅洛奇冰室就夠晒驚喜!大家對於冰室嘅認識,離不開常餐、沙嗲牛肉麵等等,但嚟到洛奇冰室,就一定要試吓佢嘅咖哩,仲有各式各樣嘅鑊氣小炒喇!我哋真心欣賞呢度嘅廚房出品,味道確實不錯架!

Read more

平價低質一人前 上環連鎖燒肉Like

我真係好對唔住我個胃呀!話說今日A姐突然要開OT,所以我嘅晚餐就嚟到近期一間超強人氣嘅一人燒肉店:燒肉Like。餐廳以低至$48嘅燒肉定食招徠,但係食物出品低質。可能你會話咁嘅價錢,你想得到啲咩?我當然係想得到物超所值嘅餐飲體驗啦!

Read more

不得了的入口即溶和牛 銅鑼灣過江龍Yakiniku Kakura

Yakiniku Kakura係嚟自日本九州佐賀嘅過江龍燒肉店,喺黃埔開設香港首間海外分店之前,我同M佬都唔太認識呢間餐廳(我哋太孤陋寡聞喇)。但因為餐廳嘅和牛係嚟自評為高等嘅佐賀和牛,口碑同品質非常有保證!Yakiniku Kakura提供九州產極上A5等級嘅黑毛和牛,更供應唔少罕有嘅牛肉部位,今日我同M佬就嚟潮聖,試試傳說中的入口即溶啦!

Read more

重返地獄之門 銅鑼灣鬼金棒

作為芫荽迷就一定要bookmark呢間日本過江龍,鬼金棒嘅芫荽味噌拉麵啦!其實2009年登陸東京神田嘅鬼金棒除咗芫荽味噌拉麵,另一代表作就係麻辣味噌拉麵!湯底用豬骨、雞骨同鮮魚熬製超過10個鐘,加上佢哋獨創嘅5級自選麻辣,無論係食辣嘅初哥,定係想提升自己嘅嗜辣程度,都可以嚟挑戰一吓!所以我哋再次重臨銅鑼灣嘅鬼金棒拉麵店,挑戰開始。

Read more

食蟹季節又嚟喇 任食奄仔蟹放題 銅鑼灣大澳德發

嚟到10月,又係食蟹嘅季節喇!食蟹最緊要係食得盡興,所以我哋推介銅鑼灣嘅大澳德發!餐廳推出任食奄仔蟹放題,加上依家正值食蟹嘅季節,所以隻隻奄仔蟹都爆膏甘香,蟹肉鮮甜,價錢仲非常親民,蟹迷當然唔可以錯過啦!

Read more

【大閘蟹季又嚟喇】荔枝角任食大閘蟹 相馬日式火鍋放題

早幾年因為我成日都要出trip,所以冷落咗A姐同大閘蟹,嚟到今年嘅大閘蟹季節,我唔可以再錯過喇!當我搵緊去邊度食大閘蟹嘅時候,就俾呢個「任食大閘蟹」深深所吸引。今次嚟到位於荔枝角嘅相馬日式火鍋,除咗可以任食大閘蟹,仲有日式火鍋同串燒放題,唔該俾多兩個胃我啦!

Read more

灣仔度假feel午餐 Mr. Crab by The Captain’s House

近呢年幾都無得去旅行,大家都四圍尋求度假feel,今日M佬帶我去玩Staycation,就由一個充滿假期度假feel嘅午餐開始。嚟到位於灣仔嘅Mr. Crab by The Captain’s House,餐廳設計佈置成漁人碼頭,好有海邊嘅感覺。平時Mr. Crab by The Captain’s House就主打海鮮包,但我哋今日就嚟食吓呢度嘅set lunch,味道又唔錯喎。

Read more

旺角無限時火鍋放題馬拉松 馬祖無限時台灣養生涮涮鍋

每次同朋友打邊爐,最怕就係有個店員行埋嚟同你講:仲有半個鐘!但我哋明明好似啱啱先開始食,真係食得唔夠過癮呀!如果你同我都有同樣嘅問題,可以考慮無限時嘅火鍋選擇。近期我哋就嚟到位於旺角嘅馬祖無限時台灣養生涮涮鍋,啱晒同樣鍾意慢慢食慢慢傾嘅你!

Read more

簡單嘅二人晚餐 銅鑼灣波士冰室

近期熱門嘅Netflix劇集當然就係《魷魚遊戲》啦!我哋今晚決定喺屋企附近,搵間茶餐廳快快脆脆食個晚餐,再盡情返屋企煲劇喇!喺銅鑼灣嘅餐廳選擇其實好多,今日我哋就嚟到波士冰室,食一個簡簡單單嘅中式小菜晚餐。餐廳嘅晚餐餐牌每日都會更新,過幾日再嚟食都唔會悶啦!

Read more