款式多高質中餐 調景嶺金公館

近排我個肚腩凸咗出嚟,A姐話我升呢成為大叔喇!為咗希望唔好再升級,所以我近期去咗跑步,不過,對我嚟講,跑步都唔係為咗減肥,只係為咗減少下一餐嘅罪惡咁,哈哈!今日就嚟到調景嶺嘅金公館,呢度粵菜、川菜、京菜都有,款式多而且質素都唔差,又可以放肆大食一餐。

Read more

天后地道住家上海菜 上海弄堂菜肉餛飩

同M佬嚟到天后嘅TUVE酒店玩Staycation慶祝佢嘅生日,夜晚嗰餐佢話想食得簡單啲,因為只要兩個人喺埋一齊,就係最幸福。所以我哋嚟到酒店附近嘅上海弄堂菜肉餛飩,餐廳店面細細,但菜式選擇唔少,味道甚有家嘅感覺,值得推介。

Read more

第一次日出康城 將軍澳京滬佳餚

一直以嚟將軍澳日出康城,除咗樓盤就係樓盤,我哋亦無朋友仔住喺嗰頭,所以一直以嚟都無去日出康城嘅衝動,直到佢嘅商場落成開幕,終於吸引到A姐嘅垂青。今日我哋就去到The LOHAS行新商場,至於晚餐就選擇咗主打京滬菜嘅京滬佳餚。

Read more

必食片皮鴨 太古金公館

逢星期三都係百貨公司嘅周三特價日,陪A姐喺康怡廣場嘅超級市場掃完貨,我哋拎住一袋二袋三袋同四袋,所以今晚嘅晚餐最緊要坐得闊落又舒服!所以今晚晚餐選定太古嘅金公館,順便回味一吓佢哋嘅北京填鴨啦!呢度嘅二人餐好抵食,仲已經有埋北京填鴨,CP值超高。

Read more

跑馬地老上海情懷 上海弄堂菜肉餛飩

今日同M佬懶浪漫咁坐叮叮吹風吹到跑馬地,而跑馬地嘅感覺離不開豪宅同馬場,望住呢度嘅景像,唔知我有無機會入住跑馬地呢?喺我發緊白日夢之際,M佬就話肚餓喇,其實食少幾餐,可能我哋都買得起跑馬地啦!邊行邊搵嘢食,呢間播住老上海情懷嘅歌,就一於試試上海弄堂菜肉餛飩都唔錯。

Read more

上海超強人氣過江龍 旺角朗豪坊桃園眷村

上次同M佬去上海迪士尼玩之前就係去咗桃園眷村食早餐,好難忘佢嘅台式古早味早餐三寶:油炸鬼、豆漿同燒餅,仲有簡約嘅文青裝修。自從桃園眷村上年發陸香港嘅旺角朗豪坊之後,一直都想再次回味呢份早餐,見到今日無咁多人排隊,就即刻試吓!

Read more

銅鑼灣協奏坊西餐廳 味歷亞洲海鮮自助晚餐

拍拖紀念日、相識紀念日、第1000日紀念日、第3344秒紀念日、第一次熱吻紀念日都有一個共通點,就係要慶祝啦!依家啲酒店buffet真係越賣越貴,budget唔多嘅,不如跟我哋去呢間位於銅鑼灣珀麗酒店嘅協奏坊西餐廳啦,近期推出「味歷亞洲海鮮自助晚餐」,一次過食晒中、日、韓、泰同新加坡嘅美食,記住15日前訂定枱,星期一至四埋單每位大人都係$288,而星期五至日、公眾假期同前夕每位大人都係$398咋!

Read more

低調高質上海菜 新蒲崗三分俗氣

新蒲崗??我同A姐真係好少去,但朋友介紹嗰度有唔少高質嘅餐廳選擇,我哋今日就去咗食上海菜,呢間三分俗氣雖然外表普普通通,但食物質素好有驚喜。而食上海嘢又點少得我最鍾意嘅小籠包呢?但A姐就最鍾意生煎包,每款都係4大隻,邊度食得晒,如果二揀一,點揀呀?

Read more

不失禮的上海菜 粉嶺湘川滬

話說,今日去見A媽,當然唔可以求其兩梳蕉去,所以特登去九龍城買日本生果,仲著得正式啲,唔可以失禮吖嘛,終於去到粉嶺,好遠呀!客套一番後,喺時候食飯啦,一早做定功課,知道A媽鍾意食上海嘢,見到粉嶺有湘川滬,啱晒!

Read more

街坊上海小店 筲箕灣阿翁廚房

自從搬咗去西灣河之後,筲箕灣突然變得好近,搭叮叮10分鐘就到啦!亦都因為咁,我哋美食地圖就擴展到去平時比較少去嘅港島東筲箕灣,今日我哋又去咗試天悅廣場附近嘅阿翁廚房,試下呢間街坊上海小店。

Read more