區區尋米線 全港十間在地人推介米線店

米線絕對係近年香港人嘅comfort food,一星期總會想食一至兩次熱辣辣嘅米線!喺香港除咗幾間大型連鎖嘅米線店,好似譚仔雲南米線、譚仔三哥米線同南記粉麵之外,我哋發覺每一區都有人氣嘅米線小店,所以邀請咗每一區嘅在地人報料,綜合咗以下十間在地人推介嘅米線店。

Read more

貴價米線小店 長沙灣麻辣川

好耐之前,有長沙灣在地人就推介我哋食麻辣川米線,麻辣川米線嘅味道其實唔錯,我哋都食過兩三次。不過,麻辣川米線啲姐姐都幾串,除咗經常性黑面,有時仲要受吓佢哋氣添,加上價錢越嚟越貴,所以今次應該係我哋最後一次食麻辣川米線喇!

Read more

做冬食盆菜、聖誕食雞煲、嘆到凌晨兩點鐘 旺角新南苑私房菜火鍋鷄煲

相信12月係全年最開心,最令人期待嘅月份,因為真係好多假期呀!而放假就梗係要約埋朋友或者屋企人好好興祝,例如開聖誕party、一齊例數同食團年飯啦!位於旺角嘅新南苑私房菜火鍋鷄煲除咗任食雞煲打邊爐之外,近期推出時令嘅任食流浮山生蠔,仲有過節團年飯最愛嘅盆菜添,重點當然係餐廳開到凌晨兩點鐘,啱晒大家食住倒數直落啦!

Read more

熱辣辣煲仔菜 銅鑼灣百味

冬天食小菜嘅最佳選擇就係煲仔菜,因為夠晒熱辣辣又非常惹味!位於銅鑼灣新開嘅百味,餐廳主打粵菜同川菜,所以餐牌選擇非常多,廣東小炒同麻辣選擇都有,當然唔少得煲仔菜啦,真係胃口大開,一定要叫多兩碗白飯靚仔先!

Read more

爆汗食辣之旅 銅鑼灣川滿居

呢啲天氣,最啱就係食辣野,出一身汗,咁就夠晒暖笠笠啦!其實我哋兩個平時都鍾意食辣嘢挑戰自己,但有唔少川菜餐廳,都曾經令我哋失望過。今日嚟到位於銅鑼灣嘅川滿居,餐廳嘅辣度好有層次,食到我哋爆晒汗,飲水都唔能夠撲熄我哋嘅慾火呀!

Read more

入冬熱辣辣 天后見見面

天氣涼咗凍咗,終於有啲秋冬天氣嘅感覺喇!見天氣涼浸浸,最好就係食啲辣嘢暖吓身啦!加上天氣凍冰冰,所以都唔想去得太遠,嚟到屋企附近,位於天后新開嘅一間川菜料理:見見面。

Read more

免加一打邊爐放題 旺角至尊重慶雞煲

雞煲打邊爐絕對係成班朋友聚餐嘅熱門選擇!今次我哋就約埋幾個朋友嚟到位於旺角嘅至尊重慶雞煲,餐廳價錢相當實惠,任飲任食兩小時仲要免加一,所以成日都full booking!我哋特登提早預約,終於嚟到食至尊重慶雞煲嘅大日子,究竟係未真係咁抵食呢?

Read more

任食超新鮮海鮮及高質肥牛 灣仔新南苑私房菜火鍋鷄煲

出咗消費券就梗係要食餐好嘅滿足一吓自己啦!今日就帶A姐嚟到灣仔嘅新南苑私房菜火鍋鷄煲,餐廳以學校為主題,除咗大禮堂,包廂更命名為實驗室、家政室同圖書館等,我終於可以成為被A姐暗戀嘅學長喇!至於食物方面,我哋就揀咗至尊餐,除咗活海鮮拼盤之外,其他好似和牛、安格斯牛小排、海鮮等打邊爐配料,連同雞煲都係任叫任食,真係非常滿足!食物選擇超多,唔知餐廳可唔可以考慮整埋個操場,等我哋食飽飽可以做吓運動呢!

Read more

旺角在地人米線推介 勝利道占占酸辣米線

食米線真係會上癮㗎,但當同一間米線食得多,有時都會想轉吓場,刺激一吓味蕾。近日,我哋得到旺角在地人米線推介,嚟到位於勝利道嘅占占酸辣米線,呢度酸辣嘅比例啱啱好,加上店舖新開張,所以店主好有誠意,仲詢問我哋食後感,希望繼續用心經營!

Read more

又愛又恨嘅辣烤魚 尖沙咀麻辣五三五

食辣絕對係一個挑戰,特別係辣得嚟又香又有層次嘅麻辣,真係令人非常喜愛;但每次食完麻辣之後,第二朝肚仔總會唔舒服。不過,唔理得咁多,好味嘅嘢當然要食咗先講。今日同M佬嚟到尖沙咀麻辣五三五,呢度嘅川菜價錢非常親民,嚟到就一定要試吓佢嘅烤魚啦!

Read more