誠意有心製作 牛頭角金飯館

身邊總有一個人係飯桶,每一餐都要有啲飯落肚先得。唔好以為M佬係飯桶呀,真實嘅飯桶係A姐呀!今日接咗佢收工之後,諗住喺附近行吓,買啲餸再番屋企煮飯仔,點知我哋就經過呢期新開嘅金飯館,餐廳光猛乾淨,加上店員推介佢哋嘅出品,我哋就入去試試,等A姐唔駛番到屋企仲要辛苦煮飯啦!

Read more

打邊爐靚景 天后靖·火鍋

A姐其中一個好姊妹就嚟要移民喇,佢話佢最唔捨得嘅嘢食就係打邊爐,所以今日就嚟到天后嘅靖·火鍋,食移民前最後一次嘅打邊爐啦!呢間火鍋店除咗食物質素唔錯,更重要係有一個無敵維港靚景,望住香港獨有嘅景色打邊爐,真係一生難忘。

Read more

遠近馳名燒鵝 尖沙咀裕鵝莊

北京出名片皮鴨、美國出名唐老鴨,香港嘅鴨雖然唔太出名,但我哋都有脆皮燒鵝!想食燒鵝唔洗山長水遠入深井嘅,因為深井裕記燒鵝嘅傳人將祖傳秘方帶到嚟尖沙咀裕鵝莊,仲將餐廳嘅裝修同menu年輕化,勁方便就食到深井燒鵝嘅原味道啦!

Read more

旅行拍拖食買玩 2日1夜長洲之旅

好多人放假都鍾意去長洲度假,因為長洲嘅配套、打卡、景點都係各離島之最,所以成為全香港最受歡迎嘅離島,沒有之一。但好多人去長洲都離不開春天睇櫻花、夏天去東灣泳灘,再去食大魚蛋、芒果糯米糍、紅豆餅同手卷等等,如果你嘅必玩推介仲係以上行程,不如今個假期就跟住A姐同M佬推介,重新認識最新嘅長洲食買玩攻略,一齊去長洲打卡啦!

Read more

長洲豐富海鮮盛宴 濤濤居火鍋煲仔菜

好多人都鍾意去離島食海鮮,當中長洲貴為香港最受歡迎嘅海島,由碼頭至海旁一帶都有唔少海鮮餐廳嘅選擇。不過,長洲有唔少海鮮餐廳就唔多老實,我哋好耐之前就唔小心幫襯過黑店喇!好彩今日有A姐住喺長洲嘅好姊妹帶路,嚟到濤濤居火鍋煲仔菜,呢度嘅嘢食夠新鮮又有鑊氣,最重要係公道老實。

Read more

高質粵菜推介 貼地價花膠扒 銅鑼灣灃味館

有一種味道叫享受!話說A姐嘅屋企人好鍾意食粤菜,作為未來女婿嘅我,腦海即刻浮現銅鑼灣嘅灃味館,呢度主打高質手工粵菜,其中代表菜式之一嘅巨型花膠扒,真係出得廳堂,而價錢夠晒貼地親民。適合嚟緊嘅長輩生日、父親節、母親節等慶祝聚餐,絕對會令長輩們食到舔舔脷,對你安排非常滿意!

Read more

款式多高質中餐 調景嶺金公館

近排我個肚腩凸咗出嚟,A姐話我升呢成為大叔喇!為咗希望唔好再升級,所以我近期去咗跑步,不過,對我嚟講,跑步都唔係為咗減肥,只係為咗減少下一餐嘅罪惡咁,哈哈!今日就嚟到調景嶺嘅金公館,呢度粵菜、川菜、京菜都有,款式多而且質素都唔差,又可以放肆大食一餐。

Read more

全城至平自助餐 新蒲崗順豐良心飯店

今日要介紹嘅呢間自助餐,無魚生、無牛扒、無生蠔亦都無甜品,但佢有嘅係良心!位於新蒲崗彩虹道熟食中心嘅順豐良心飯店,一直以嚟只做午市嘅港式自助餐,每位$32就可以任食小菜、白飯同例湯,係唔少藍領及弱勢人士嘅飯堂。

Read more

當黃金流沙遇上龍蝦 尖沙咀翠林辣蟹舫

我未識M佬之前,好少食海鮮,因為我嫌食海鮮麻煩,又驚俾人呃,但自從識咗勁鍾意食海鮮嘅佢之後,我哋周不時都會去食海鮮,佢仲會幫我起殼去骨,等我食到啖啖肉,你話佢係咪好sweet呢?雖然好多人覺得食海鮮係貴價嘢,但我哋今次就嚟到主打食蟹、龍蝦同小菜嘅尖沙咀翠林辣蟹舫,近期仲有唔少優惠,海鮮夠晒新鮮,煮法又有創意。

Read more

來一場肉餅之旅 元朗屏山老地方

唔知你哋有冇玩過情侶Bingo遊戲呢?例如問題係對方鍾意咩顏色,然後一齊講個答案出嚟,睇吓答得啱唔啱,就知道有幾了解對方啦!如果講中式小菜Bingo,A姐最鍾意一定係肉餅!所以食親飯,肉餅總是常出現,咁如果成間餐廳都只係得肉餅,唔知A姐又會唔會好興奮呢!今日我哋去到元朗嘅屏山老地方,呢間舖頭超過50款肉餅選擇,A姐話連續食50日都唔會厭。

Read more