和富美食廣場 北角NY Garden

以前住喺北角,因為附近無咩大型商場,所以我哋間唔時都會去和富薈行吓,食吓嘢,再去海旁吹吹風。有一排無去過北角,今日嚟到,發覺呢度都變咗好多,連和富薈都裝修過喇!入到商場,餐廳主要集中喺美食廣場,而美食廣場以異國風情為主要裝飾,店內掛滿土耳其玻璃吊燈,配上色彩繽紛嘅圖案設計,充滿濃厚嘅民族色彩。美食廣場內嘅選擇好多,而我哋就揀咗南洋風味嘅NY Garden。

Read more

上環南洋餐室 榮華南洋冰室

喺香港有唔少小店都好有特色,值得我哋去細味同發掘!而上環除咗有唔少舊香港情懷嘅餐廳,都有唔同嘅菜式,呢間榮華南洋冰室顧名思義就係主打南洋風,由裝修以至餐牌設計都好有南洋風味,我哋放假嚟到,就享受一吓慢活嘅一天啦!

Read more

粉紅粉紅趣緻的鍋 旺角美滋鍋

由一踏入火鍋店就俾迷人嘅粉紅色吸引住,雖則我A姐唔係一個粉紅色愛好者,但都被呢度嘅粉紅色迷惑到,未開餐已經可以無限selfie喇!而喺等位嘅時候,餐廳都安排咗小食同飲品俾大家食住等,但最開心一定係小朋友,因為呢度仲有寶寶樂園,小朋友都有自己嘅放電空間。

Read more

新加坡過江龍 天天海南雞飯

去新加坡旅行,又點少得去到牛車水嘅麥士威熟食中心(Maxwell Food Centre)食吓平民必吃美食嘅天天海南雞飯呢?依家想食天天唔駛飛去新加坡,近近哋銅鑼灣都有!但港版嘅天天海南雞,唔係行大排檔風味,反而主打fine dine,仲有米芝蓮加冕,相當有保證!

Read more

食到一肚氣 大坑肉骨皇

每日返屋企都會路過大坑浣紗街嘅肉骨皇,而每次同M佬行過都會被佢嘅香味所吸引,但每次都係食飽先行番屋企,所以一直都未有機會入去試試。今日我哋特登bookmark定日子,餓住個肚行返屋企,但當一踏入餐廳,就feel到嗰度嘅氣場不妙!個女店員(或者係老闆)口黑面黑,勁無禮貌咁叫我哋「坐啦」!亦由呢句「坐啦」開始呢餐飯!

Read more

貼地肉骨茶真係咁正? 銅鑼灣兩草

肉骨茶可以話係星馬嘅平民美食,但當肉骨茶嚟到香港,就變咗上等菜(同泰國船麵一樣),貴得嚟味道仲要好參差。今日同M佬去到位於大坑,由舖搬到去大舖嘅人氣排隊餐廳兩草,餐牌選擇雖然唔多,但價錢大眾化,主菜由$20起跳,驚喜係連胡椒肉骨茶都只係$35,價錢就夠晒貼地,唔知味道又點呢?

Read more

隱蔽藍色的茶餐室 上環榮華南洋冰室

星期日同A姐行吓上環,感受一吓老香港嘅生活同景象,令我哋回憶起香港從前嘅美好時光。行吓行吓,行到差館上街見到呢間藍色嘅建築,原來係以南洋風情為主打嘅榮華南洋冰室。餐廳設計用上南洋風情嘅瓦仔地板、木枱木凳,好有去咗旅行嘅感覺。

Read more

星洲火鍋 太子有囍

有留意我哋A姐M佬都知,我哋最鍾意就係打邊爐,一個星期打足7日就唔得,但打足6日都真係無咩問題,因為有個黑洞胃M佬同牛肉系A姐,但係新加坡式嘅打邊爐真係未試過,今日就去到太子嘅有囍試試啦!呢間餐廳光猛企理,又坐得舒服,最重要係一入嚟已經聞到藥材味重嘅肉骨茶啦。

Read more

黃埔滿屋廚房 認真浪漫滿屋

A姐:考下你,如果我係一封信,咁你係咩? M佬:(又痴咗邊條筋?)我知道啦,你是一封信,我是郵差吖嘛。 A姐:好醒目喎!下一題,我係智恩,咁你係邊個? M佬:Um…… A姐:唔知呢?係李英宰呀! M佬:乜水? A姐:有無搞錯,浪漫滿屋嘅男女主角呀,宋慧喬同Rain呀! 下,我又會知啦!不過放工唔洗諗公司嘢,同A姐講下呢啲無聊嘢,都幾浪漫吖。今晚一於去黃埔滿屋廚房Fullhouse Kitchen食飯,嚟個真•浪漫滿屋。

Read more