尖沙咀嘆高質壽司 十和田總本店

太耐無去過日本旅行,好掛住拉麵、好掛住壽司呀!所以琴日食完拉麵,今日就食壽司啦!嚟到尖沙咀嘅十和田總本店,呢間壽司好高質,價錢仲要好合理,M佬直頭話係佢食過最高CP值嘅壽司店,下次要再嚟!

Read more

走進地獄之門 銅鑼灣鬼金棒 日本麻辣拉麵

以前喺香港食拉麵,湯底離不開豚骨、醬油同味噌口味,到後嚟傳入咗鹽味、白雞湯等等嘅口味,但其實喺日本,湯底嘅選擇又點止咁少呢!近期就有主打麻辣嘅拉麵由日本嚟到香港,我哋今日就去到位於銅鑼灣嘅鬼金棒。一入到餐廳,就聽到鼓樂聲,真係好似入咗地獄咁,好期待挑戰呢個地獄湯底啦。

Read more

日本燒肉過江龍 尖沙咀香港牛繁

一年一度嘅「雙五節」又嚟喇!咩叫「雙五節」?未就係M佬生日囉!不過,每年生日正日,我哋都會同媽咪嗲哋過,所以提前慶祝生日已成為我哋嘅習慣。今年因為無得去旅行,好耐無去過日本嘅M佬話好想好想食和牛,所以我就搵咗呢間日本過江龍,位於尖沙咀嘅燒肉店:牛繁。牛繁喺東京、神奈川縣、千葉縣同埼玉縣等等都有多間分店,好多人喺日本食過,都話又平又抵食,唔知香港分店又keep唔keep到呢?

Read more

入門級廚師發板 銅鑼灣雲壽司

唔知你會唔會同我一樣,有一個 “無所謂” 同 “是但” 嘅豬豬呢?當A姐心情唔好嘅時候,總會答呢兩個答案,而大家都知,答呢個答案,其實都係危機四伏。我決定將呢個危機交俾師傅,由師傅決定食啲咩啦!但一般嘅廚師發板(Omakase)價錢都好很貴,想食得平民價啲,可以嚟到銅鑼灣嘅雲壽司。

Read more

灣仔高質日式午餐 Misu Seafood Cuisine御家

經過一段時間嘅Home Office之後,今日終於正式重回辦公室。為咗午餐抖下氣,同埋食我哋好掛住嘅日本菜,我哋就揀咗去灣仔合和中心對面QRE Plaza嘅Misu Seafood Cuisine,食返個日式午餐!午市套餐除咗主菜外,仲有野菜沙律、日式蒸蛋、是日餐湯同時令水果。

Read more

元朗人氣長龍放題 校長燒肉日韓料理

每年嘅12月10日喺我哋相識紀念日,不過,由於係平日,所以我哋等到weekend再慶祝!講到慶祝當然離不開壽司刺身、或者韓燒、又或者打邊爐或buffet啦。難得係5周年慶祝,不如一次過食晒佢哋落肚啦。今日我哋就去到元朗新開嘅校長燒肉日韓料理。勁多人呀,想walk-in基本係無可能,好彩我哋一早訂咗位姐。

Read more

銅鑼灣經典放題 滿屋日本料理

同M佬識咗差唔多5年,其實大家又知唔知我哋點識嘅呢?話說喺一個落住雨嘅晚上,喺車站旁邊企住一個官仔骨骨嘅男仔,而佢因為無帶umbrella……日劇咩?認真,係好老土嘅,只係friend啲friend咁囉。但呢班friend同啲friend,我哋都會不時約出嚟食吓嘢。今日就係我哋嘅聚餐,嚟到銅鑼灣廣場嘅滿屋日本料理。

Read more

米芝蓮一星登港 中環金色不如帰

A姐:不如今晚食金色不如帰囉? M佬:吓,即日來回日本咁豪呀? A姐:乜你咁out架,仲話自己係拉麵控,香港都有啦! 一向自稱係拉麵控嘅M佬,雖則今次就out咗啲,但見到佢雙眼發晒光(梗係發光啦,上次喺日本排咗成個鐘,試到佢嘅黃金湯頭,真係好值得)!所以我哋今晚就嚟到啱啱登陸中環國際金融中心嘅金色不如帰,回味一吓啦!

Read more

記住要著深色衫 銅鑼灣咖哩爸爸

打邊爐相信你都一定食過沙嗲湯底,但咖哩湯底真係相對少見!今日嚟到銅鑼灣嘅咖哩爸爸,一入門口就聞到好香好香嘅咖哩香味,好吸引呀!但A姐由食第一啖開始就好唔開心,黑晒面喇!點算呀?唔係因為服務差,亦唔係食物有咩問題。而係佢勁唔小心咁彈咗咖哩汁去佢最鍾意嘅粉紅色衛衣度,我今晚有排受罪喇。所以A姐深情提醒大家,記住著深色衫嚟食咖哩火鍋喇。而餐廳雖然有限時,但如果無人等位,係唔會截你單,夠晒貼心。

Read more

大熱石燒牛 長沙灣牛極

最近香港開咗唔少熱石牛扒專門店,仲帶起咗食牛扒唔再係奢侈嘅事。今日同A姐去到長沙灣嘅牛極,呢度嘅牛扒主要嚟自美國、紐西蘭同日本,分為唔同種類同唔同份量,再喺塊火山石板上煎熟牛扒,而飯、沙律同日式牛肉湯都係無限添加,好抵食!

Read more