海鮮都係蒸嘅好 銅鑼灣緣味小聚

新鮮嘅海鮮最啱就梗係蒸啦,蒸嘅海鮮非常鮮甜,而且夠晒原汁原味!但如果咁就叫滿足,少年未免太年輕喇!因為海鮮配上粥底火鍋,就完美吸收晒海鮮嘅精華。今日我哋就嚟到銅鑼灣嘅緣味小聚,嘆呢個霸氣阿拉斯加長腳蟹刁鑽海鮮蒸氣鍋,我哋由蒸海鮮,到打邊爐,最後以粥底作結,夠晒豐富呀!

Read more

[8月生日飯食乜好] 10大放題抵食自助餐優惠 任食點心/海鮮火鍋/日韓放題/酒店自助餐推介

一年一度嘅生日飯就梗係要食得盡興啦,所以唔少人都鍾意食放題同自助餐慶祝生日!我哋就為大家整理咗全港10間氣氛唔錯嘅生日餐廳,推介任食點心、海鮮火鍋、日韓放題同酒店自助餐俾大家,依家預訂仲有唔少優惠,一齊為下個生日嘅朋友帶嚟美食小驚喜啦!

Read more

誠意有心製作 牛頭角金飯館

身邊總有一個人係飯桶,每一餐都要有啲飯落肚先得。唔好以為M佬係飯桶呀,真實嘅飯桶係A姐呀!今日接咗佢收工之後,諗住喺附近行吓,買啲餸再番屋企煮飯仔,點知我哋就經過呢期新開嘅金飯館,餐廳光猛乾淨,加上店員推介佢哋嘅出品,我哋就入去試試,等A姐唔駛番到屋企仲要辛苦煮飯啦!

Read more

超濃郁蕃茄湯 上環勝香園

大排檔絕對係老香港的代表,而上環嘅勝香園絕對係我最喜愛嘅傳統港式大排檔!平日食飯時間,總係大排長龍,所以今日特登同A姐揀weekend嚟,人龍無平日咁多,等咗一陣就有位啦!勝香園除咗好味,仲有人情味,因為每次嚟到,見到依舊嗰班侍應婆婆,仍然身壯力健,就覺得好安慰。

Read more

主打粟米忌廉湯 土瓜灣一冰廳

近期M佬見到唔同傳媒報導,推介呢間位於土瓜灣嘅一冰廳,主打每日以新鮮粟米即磨嘅粟米忌廉湯湯底,佢就帶咗我嚟試試喇!唔知係唔係有太多媒體報導,所以等位嘅人數都唔少,但餐廳整體嘅安排同員工嘅工作態度就麻麻。雖然嚟食茶餐廳唔係追求酒店級嘅服務,但漏單同送錯餐嘅問題持續發生,咁唔知味道又點呢?

Read more

流淚行勝利道 占占酸辣米線

喺旺角行咗成日街,真係肚餓到流淚,所以坐火車返屋企之前就去食碗米線醫吓肚啦!喺勝利道嘅占占酸辣米線係我哋其中一間米線私竇,占占酸辣米線嘅酸辣比例好啱我哋口味,所以我哋嚟開呢頭,真係行過路過唔好錯過。

Read more

任飲任食打邊爐放題 旺角抵食一鍋堂

值得我哋一再encore嘅打邊爐放題,就係呢間位於旺角嘅一鍋堂!由你一出lift門嗰吓,你已經可以從佢嘅人流感受到呢間火鍋放題店嘅人氣,因為佢嘅CP值真係超高,所以想食嘅就記住提早book枱喇!

Read more

雀局督波兼食飯 佐敦名峻會

疫情終於緩和,我哋可以約埋朋友仔去食晚飯喇!但淨係食晚飯又好似單調咗啲,所以我哋嚟到佐敦名峻會,呢度除咗可以督波,仲可以打吓麻雀,一舉三得。而且名峻會仲有好多獨立嘅房間,私隱度非常高,講吓八掛嘢都唔拍嘈到人啦!至於晚餐方面,名峻會以中菜為主,食物選擇都唔少。

Read more

老香港傳統 中環蓮香樓

好多人都話掛住以前嘅香港,回憶那段年月有多好。講到回憶,仲記得以前去茶樓飲茶食點心嗎?以前食點心唔係剔紙仔,仲會有姨姨推住架點心車叫賣,如果你都試過呢種飲茶嘅體驗,咁絕對係暴露年齡喇!依家仲有點心車嘅老香港傳統酒樓買少見少,想回憶嗰種飲茶嘅氣氛,可以嚟到中環嘅蓮香樓。

Read more

三眼仔叉燒蛋飯 上環孖沙茶餐廳

無論係頹飯之選嘅餐肉蛋飯定黯然銷魂嘅叉燒蛋飯,相信好多茶餐廳都有得食,所以就要搞搞小意思,咁就成為相機食先嘅餐廳啦!上環孖沙茶餐廳就簡單將餐肉蛋飯同叉燒蛋飯由二眼仔飯變成三眼仔飯,咁就輕易成為佢嘅代表作喇!不過,餐廳嘅位置唔大,坐得好密,喺疫情期間嘅風險就比較高喇。

Read more