回到十年前的價格 葵涌抵食合發小食

港式嘅街頭小食係唔少人嘅早餐、下午茶或者宵夜嘅選擇!世界就有一本經濟雜誌每年都會公佈巨無霸指數,等大家了解每年嘅巨無霸價格同世果各地嘅價錢。你話如果本地雜誌都可以搞個18區煎釀三寶/魚肉燒賣指數,咁就夠晒創意喇!依家買煎釀三寶越嚟越貴,但位於葵涌嘅合發小食竟然定價為$1,大大打破依家嘅通漲水平,彷彿回到10年前呢!

Read more

旅行拍拖食買玩 2日1夜長洲之旅

好多人放假都鍾意去長洲度假,因為長洲嘅配套、打卡、景點都係各離島之最,所以成為全香港最受歡迎嘅離島,沒有之一。但好多人去長洲都離不開春天睇櫻花、夏天去東灣泳灘,再去食大魚蛋、芒果糯米糍、紅豆餅同手卷等等,如果你嘅必玩推介仲係以上行程,不如今個假期就跟住A姐同M佬推介,重新認識最新嘅長洲食買玩攻略,一齊去長洲打卡啦!

Read more

長洲豐富海鮮盛宴 濤濤居火鍋煲仔菜

好多人都鍾意去離島食海鮮,當中長洲貴為香港最受歡迎嘅海島,由碼頭至海旁一帶都有唔少海鮮餐廳嘅選擇。不過,長洲有唔少海鮮餐廳就唔多老實,我哋好耐之前就唔小心幫襯過黑店喇!好彩今日有A姐住喺長洲嘅好姊妹帶路,嚟到濤濤居火鍋煲仔菜,呢度嘅嘢食夠新鮮又有鑊氣,最重要係公道老實。

Read more

堅守大排檔精神 必食沙嗲牛肉麵 長洲蓮香咖啡

傳統嘅冬菇亭大排檔喺香港已經所剩無幾,但原來喺長洲仲保留住一個!有長洲嘅老街坊就向我哋推介呢間屹立超過40年嘅蓮香咖啡,餐廳由第一代傳到第三代,八十後嘅老闆放棄文職工作,堅守大排檔情懷,為街坊保留熟悉嘅味道,更新增唔少嘅創意食物,讓大排檔加入青春活力。

Read more

可能係全城至抵 觀塘德興車仔麵

平時食車仔麵,你哋會叫幾多個餸?我同A姐每次都習慣每人叫三或四個餸,然後再share食,價錢大概係$40左右。但今次嚟到觀塘嘅德興車仔麵,食12個餸都只係$40,但價錢平唔通每樣餸都只係得一舊?絕對唔係!呢碗車仔麵嘅份量超多,有可能係全城至抵食嘅車仔麵呀!

Read more

超嚡沙牛麵 九龍城樂園

喺唔少沙嗲牛肉麵關注組,除咗好好運同永順,位於九龍城市政大廈嘅樂園都有唔少人吹捧,當年蔡瀾食完甚至贈左一句:勝過鮑參肚翅!今日同A姐坐屯馬線嚟到九龍城,一於去樂園潮聖食碗沙嗲牛肉麵做tea啦!

Read more

全城至平自助餐 新蒲崗順豐良心飯店

今日要介紹嘅呢間自助餐,無魚生、無牛扒、無生蠔亦都無甜品,但佢有嘅係良心!位於新蒲崗彩虹道熟食中心嘅順豐良心飯店,一直以嚟只做午市嘅港式自助餐,每位$32就可以任食小菜、白飯同例湯,係唔少藍領及弱勢人士嘅飯堂。

Read more

[糧尾救星] 抵食吉豬沙牛麵 黃竹坑南朗山發記

一個月一次嘅糧尾period又嚟喇,就梗係要搵啲抵食又飽肚嘅餐廳啦!今次介紹呢間位於黃竹坑南朗山熟食市場嘅發記,呢度除咗係糧尾救星,更加適合細食嘅朋友,因為早餐可以自由組合,想食幾多就叫幾多,豐儉由人。

Read more

柴灣最好味沙牛麵 澤記快餐飯店

呠呠車出現咗啲小問題,所以趁下奏有時間,就拎咗去柴灣車房修理。喺修理等候期間,一於喺附近搵間茶記嘆份港式下午茶啦!好隨意就嚟到澤記快餐飯店,見網上食評都係推介澤記嘅巨大魚柳包,但因為午餐都未食,為咗飽肚就叫咗碗沙嗲牛肉麵,估唔到勁驚喜。

Read more

[大嶼山好去處] 早餐嘆名物蠔餅 深屈村坤叔茶座

同A姐自駕遊大嶼山,早餐唔通食東涌快餐店咁無誠意咩?所以做吓功課,嚟到位於沙螺灣同大澳之間嘅隱世村落:深屈村。平時除咗村民,就只有行東澳古道嘅行山人仕會嚟到深屈村作中途休息。深屈村有3間士多,我哋就揀咗坤叔茶座,早餐一於蠔一蠔,試吓深屈名物:蠔餅。

Read more