尖沙咀平民隱世食堂 海防道熟食中心鴻記茶檔

尖沙咀有唔少餐廳選擇,但講到平民價錢嘅隱世食堂,唔知你又有無去過海防道熟食中心呢?經歷接近兩年嘅大裝修,海防道熟食中心終於喺今年10月重開。熟食中心其實即係大排檔,入面有大概10間茶檔,主打都係港式風味,我哋今日就試吓呢間鴻記茶檔啦!

Read more

沙田雞粥 泰源大排檔

香港雖然唔大,但18區都各有特色名物,好似講起沙田嘅名物,又點少得沙田雞粥呢!但原來M佬從來都無食過,所以我哋今日揸住1064去到火炭,泊好車之後,就喺山尾街熟食市場隨意去咗呢間泰源大排檔。

Read more

超濃郁蕃茄湯 上環勝香園

大排檔絕對係老香港的代表,而上環嘅勝香園絕對係我最喜愛嘅傳統港式大排檔!平日食飯時間,總係大排長龍,所以今日特登同A姐揀weekend嚟,人龍無平日咁多,等咗一陣就有位啦!勝香園除咗好味,仲有人情味,因為每次嚟到,見到依舊嗰班侍應婆婆,仍然身壯力健,就覺得好安慰。

Read more

自駕遊龍鼓灘 屯門天然士多

有啲地方係揸車會比較方便,所以今個weekend自駕遊就去到屯門嘅盡頭:龍鼓灘!一個對於我哋陌生嘅地方,彷彿就好似去咗旅行咁。不過,龍鼓灘旁邊係發電廠同堆填區,所以呢個海灘,真係好污糟,絕對唔適合大家游水。入到嚟龍鼓灘,除咗BBQ之外,想搵間餐廳食啲嘢都好難,好彩呢度有一間天然士多,等我哋可以坐喺度享受呢個悠閒嘅假日。

Read more

鐵皮屋大牌檔 大坑炳記茶檔

被稱為銅鑼灣後花園嘅大坑,中、日、西、泰、越、星馬菜等等嘅特色食店都有。雖然依家嘅大坑比以前失色唔少,但都有唔少人氣排隊熱店,例如呢間喺街邊嘅炳記茶檔,賣點係鐵皮屋大排檔風味,每次weekend經過,都會大排長龍,所以我哋特登平日嚟,試吓佢嘅嘢食同埋奶茶啦!

Read more

為你甘去大排檔的人 柴灣竹園小館大排檔

細個係柴灣長大嘅A姐,佢話呢度充滿住無限童年回憶,佢今日話好想去行下,仲話要帶我食啲地道嘢。原來地道野,就係位於柴灣市政大廈嘅呢度嘅竹園小館大排檔!能夠有一個帶你去大排檔嘅女人,確實係唔話得。以熟食市場嚟講,呢度都算乾淨企理,街坊們就係唔係台一張枱食飯,都會飲酒,吹吓水,好有人情味!

Read more

後巷至頹蛋包飯 西灣河華記士多

喺Open Rice打上西灣河,第一位兼獲得最優秀東區開飯熱店就係呢間華記士多,而華記最出名嘅就係蛋包飯喇。今日,我就一於同M佬去試一試,呢度嘅午餐稱為:是日頹飯(其實我哋好欣賞呢個名,因為勾起好多讀大學嘅回憶)。而頹飯選擇有咖哩蛋包飯、芝士咖哩蛋包飯同滷肉飯,值得一讚係頹飯免費奉送橙汁或檸檬特飲或各冷熱飲品。雖然我哋最支持區內小店,但發現呢間小店嘅名聲大於實際。而且,講求要好衛生嘅朋友,千祈唔好嚟,因為坐位設於後巷內。

Read more

早餐由一個劣食開始 北角渣華道協成粥品

夜晚嘅渣華道市政大廈,真係有邊個唔識東寶吖!咁朝早呢? 朝早點可以唔食早餐吖!我同M佬上去熟食中心睇吓有無茶檔,諗住食番碗沙嗲牛肉麵,點知,原來朝早嘅渣華道市政大廈選擇有三:1間粥店、再1間粥店同1間食中式點心嘅餐廳。行過見到呢間粥店嘅婆婆負責拉腸粉,大女煮緊粥,細女就處理樓面工作,仲有唔同嘅女工負責唔同嘅部份。當我哋經過協成粥店時,佢哋都好落力叫我哋坐低,有粥有飯有麵,結果,感受到佢哋嘅熱情同人情味之後,我哋決定一試!結果……

Read more

北角渣華道街市東寶小館 地道美食配戰鬥碗

唔好睇呢碟嘢黑monk monk,就以為佢係衰嘢!! 眼利嘅朋友仔,見到後面嘅戰鬥碗,就會估到呢個係東寶嘅墨汁墨魚麵。嗰啲墨汁真係勁香同好厚身,沾晒落啲意粉度。嗰啲墨魚多到呢,食極都有,以為係五餅二魚!!! 仲要係煮得啱啱好,唔會太韌。 我哋仲叫咗黄金蝦,外面蛋黄嘅黃金外層香到一放低,就聞到黄蛋味!!!! 一咬落口個殼好鬆脆,蝦肉實淨,好明顯隻蝦係好新鮮。有好嘢食,膽固醇就梗係唔理啦。

Read more