旅行拍拖食買玩 2日1夜長洲之旅

好多人放假都鍾意去長洲度假,因為長洲嘅配套、打卡、景點都係各離島之最,所以成為全香港最受歡迎嘅離島,沒有之一。但好多人去長洲都離不開春天睇櫻花、夏天去東灣泳灘,再去食大魚蛋、芒果糯米糍、紅豆餅同手卷等等,如果你嘅必玩推介仲係以上行程,不如今個假期就跟住A姐同M佬推介,重新認識最新嘅長洲食買玩攻略,一齊去長洲打卡啦!

Read more

長洲豐富海鮮盛宴 濤濤居火鍋煲仔菜

好多人都鍾意去離島食海鮮,當中長洲貴為香港最受歡迎嘅海島,由碼頭至海旁一帶都有唔少海鮮餐廳嘅選擇。不過,長洲有唔少海鮮餐廳就唔多老實,我哋好耐之前就唔小心幫襯過黑店喇!好彩今日有A姐住喺長洲嘅好姊妹帶路,嚟到濤濤居火鍋煲仔菜,呢度嘅嘢食夠新鮮又有鑊氣,最重要係公道老實。

Read more

高質粵菜推介 貼地價花膠扒 銅鑼灣灃味館

有一種味道叫享受!話說A姐嘅屋企人好鍾意食粤菜,作為未來女婿嘅我,腦海即刻浮現銅鑼灣嘅灃味館,呢度主打高質手工粵菜,其中代表菜式之一嘅巨型花膠扒,真係出得廳堂,而價錢夠晒貼地親民。適合嚟緊嘅長輩生日、父親節、母親節等慶祝聚餐,絕對會令長輩們食到舔舔脷,對你安排非常滿意!

Read more

秘製馬拉辣汁海鮮shake 尖沙咀I Leisure

M佬終於完成咗個大project,一於食佢最鍾意嘅海鮮慶祝一吓啦!今日同佢嚟到尖沙咀嘅I Lesiure,呢度主打shake shake海鮮袋配獨創嘅秘製馬拉辣汁,辣得夠滋味!加上餐廳有幾張大鳥籠餐枱,環境好靚好chill,仲可以影相打卡呀!

Read more

即捉即食活海鮮放題 元朗天空之城醉辣鮮

世間上最好味一定係新鮮嘅食材,特別係新鮮生猛嘅海鮮,嗰種鮮甜味絕對係人間美食!但食新鮮嘅海鮮,荷包就要大出血?今日帶好鍾意食海鮮嘅M佬嚟到錦田天空之城嘅醉辣鮮,打破新鮮嘅海鮮就一定係貴嘅定律!呢度嘅海鮮任你揀任你捉,任食最鮮甜嘅海鮮,價錢仲要好抵食,呢個晚餐真係非常滿足。

Read more

勁易回本放題 尖沙咀殿大喜屋

食放題就算唔大食都唔緊要,最重要係餐廳提供嘅食物質素高,連平時屬於貴價貨都可以喺放題時段任食,咁就勁易回本啦!我哋今日嚟到尖沙咀嘅殿大喜屋,呢度嘅拖羅、鮑魚都係任叫任食,連細食嘅A姐都輕鬆回本。

Read more

食得夠尖夠地道夠風味 銅鑼灣信記避風塘海鮮美食

食海鮮你會去西貢?離島?流浮山定香港仔?但呢啲都滿足唔到為食又想打卡嘅我哋,因為今次我哋嚟到信記避風塘海鮮美食,呢度同一般嘅酒樓餐廳唔同,因為我哋要坐駁船去到銅鑼灣避風塘內嘅艇仔食飯,食真正嘅避風塘炒蟹,咁至係食得更尖、更地道同最夠風味!

Read more

銅鑼灣高質壽司丼飯 魚鮮生刺身專門店

銅鑼灣登龍街有唔少餐廳選擇,我同M佬每個月總有幾日會嚟呢度搵食!今次就嚟到呢間食日本嘢嘅小店:魚鮮生刺身專門店,魚鮮生堅持食材新鮮直送,所以魚生、刺身同壽司都係非常高質。加上店內嘅和風設計,真係好有日本風情。

Read more

肉食獸旺角啟動 八木橋日式燒肉

旺角作為香港嘅中心點,餐廳選擇好多,不過,高質從來都同旺角有段距離。但位於旺角T.O.P.嘅八木橋日式燒肉,就為大家帶嚟高質燒肉放題,肉類選擇好多,連和牛都係任叫任食呀!呢度嘅放題分為雪丶雲丶霞丶雨四個級別,今日就同A姐試試「霞」,足足有成94樣食材選擇㗎!

Read more

銅鑼灣高質和牛放題 尚鮮日式燒肉漁市場

放工就最好食放題,盡情享受工作辛勞後嘅美食,無壓力下想食乜就食乜,但講到尾最緊要係高質好食!位於鍋鑼灣嘅尚鮮日式燒肉漁市場就係一間A姐M佬推介嘅放題餐廳,款式勁多:燒烤、刺身、壽司、天婦羅等等,連和牛都係任叫任燒,入口即熔嘅感覺,正呀!

Read more