全港唯一分店 旺角大力水手炸雞

以前喺香港機場上機前,A姐都好鍾意食大力水手炸雞(Popeyes),除咗因為趕時間上機,最緊要快靚正之外,更重要係機場曾經係大力水手炸雞嘅唯一分店,別無他選。大力水手炸雞其實源自美國路易斯安那州嘅新奧爾良,係全球第二大嘅炸雞專門店。不過,因應疫情,機場分店已結業,依家想食大力水手炸雞就只有位於旺角T.O.P嘅分店。

Read more

踩單車休息站 科學園WM Café & Bar

近排天氣好,最啱就係做運動,一於就同A姐挑戰全港最長嘅新界單車徑啦!呢條單車徑喺2020年9月全面開放,由屯門起點,經元朗、新田、上水、粉嶺、大埔、沙田,最後連接馬鞍山,全長達60公里。不過一向少運動嘅我哋又點可以踩足全程呢?所以我哋只係踩咗成段裏面最受歡迎嘅吐露港段。由沙田踩到大埔,中間經過嘅科學園就係今次嘅中途站,嚟到WM Café & Bar 食個午餐,補充體力啦!

Read more

一日之計在於Rise 中環Rise by Classified

Classified,細細個就聽過呢個名。記得大學嗰陣,會專登去Classified食Brunch,好寫意!原來Classified旗下啱啱喺中環交易廣場開咗全新概念嘅Rise by Classified。餐廳以淺木色為主調,提供一系列手工麵包、健康輕食同咖啡體驗。不論朝早嘆杯咖啡,又或者食Lunch同Brunch,都適合不過!

Read more

人氣手打Burger 銅鑼灣MOO MOO Plus

今日同A姐去銅鑼灣買啲家庭日品,喺返屋企之前,我哋都決定食咗嘢先。買到一袋二袋,最緊要就係坐得舒舒服服啦!所以我哋去到Fashion Walk搵嘢食,路過MOO MOO Plus被佢嘅美食香味深深吸引,再望吓價錢又唔算貴,加上餐廳以英倫風設計,而且廚房採半開放式設計,感覺好舒服喎!另外,呢度有吧台又有梳化位,同朋友飲吓酒傾吓計都唔錯。

Read more

港式懷舊的味道 紅磡時新漢堡飽

漢堡包,食就食得多,唔知港式漢堡包你又有無食過呢?就算無,相信都聽過呢間位於紅磡嘅時新漢堡飽啦!記得上次嚟仲係舊舖,但今日重臨,原來已經搬到位於黃埔嘅新址,店面光鮮咗,座位舒服咗,從外觀上雖然無咗懷舊嘅味道,但味道依然,勾起好多回憶!

Read more

人氣漢堡店 灣仔Burger Joys

人氣呢樣嘢,好簡單,喺疫情稍為緩和嘅時候,邊度出現人龍,就知大家有啲咩係好耐未食過又好想第一時間回味啦。今日我哋再次嚟到灣仔嘅Burger Joy,好彩一收工就嚟到,遲多幾分鐘已經大排長龍,究竟有咩吸引到我哋要嚟encore呢!

Read more

Healthy Monday@太古坊 Bread & Beast X Impossible Burger

今個weekend食咗好多嘢,所以嚟到Monday決定食得Healthy啲,但Healthy都要好味先得架!所以如果你同A姐一樣喺太古坊返工,可以試試今期Food Truck嘅漢堡包!漢堡包都健康?因為今次嘅漢堡包係由Bread & Beast聯乘Impossible Burger推出嘅植物肉漢堡。

Read more

大大啖漢堡 灣仔Burger Joys

「大大隻嘅漢堡包,一啖咬落去,牛肉漢堡好juicy,加上脆卜卜薯條,配埋啤酒再睇曼聯,咁先係男人嘅浪漫!」就係收到一個朋友打嚟嘅電話,我今晚就撇甩A姐,去咗灣仔Burger Joys,同球迷一齊大叫ole!

Read more

運動為主題 銅鑼灣The Stadium

每日都食好嘢,一定要做運動,如果唔係我就變咗肥A!如果可以一路食一路做運動,唔知又會唔會特別效果呢?呢間位於銅鑼灣嘅The Stadium,以運動為主題,入面有桌球枱,仲有跑步道。不過,嘢食都係要趁熱食,食咗再算。

Read more

食漢堡聽音樂 旺角朗豪坊Texas Burger

呢個M佬食完就瞓,瞓完就食,同隻豬有咩分別?成日都咁懶瞓,星期六又瞓到十二點幾先起身,浪費咗成個上午,打亂我Plan好嘅行程,好嬲呀!成程車我都無同嗰死佬講嘢,等佢下個星期仲敢唔敢! 唉!平時返工都已經要早起身,我都係想星期六日訓到自然醒啫…..好啦,即刻上網搵間餐廳同A姐食返嗰Brunch,就去朗豪坊12樓新開嘅Texas burger,環境開揚舒服,仲咁啱隔離有朗豪坊Live Band表演,啲音樂可以緩和彊硬嘅氣氛!

Read more