東薈城丼飯 牛角次男坊

今日同A姐去咗東涌Outlet行街shopping,全新開嘅東薈城2期除咗多咗好多鋪頭之外,估唔到餐廳嘅選擇都多咗好多,連A姐成日話想試嘅牛角次男坊都有。邊個話東涌無好嘢食㗎?其實牛角次男坊係日式燒肉店「牛角」嘅兄弟,主打即叫即燒嘅燒肉丼,由於我哋唔想撞晚市時間,驚人多又要排長龍,所以特登揀喺17:30前入座,原來仲有下午茶(14:30-17:30供應),夠晒抵食呀!

Read more

高質日式燒肉放題 銅鑼灣燒鬼

因為疫情嘅關係,大家呢排都冇得飛。A姐嗰日講特別掛住日本,無他嘅,有邊個女仔唔鍾意去日本shopping同食嘢啊。為咗一解思鄉之情,我哋今晚決定揀一間日本燒肉餐廳。咁啱見到銅鑼灣新開嘅燒鬼,主打高質和牛日式燒肉放題自助餐,就決定去試吓啦!

Read more

日本燒肉過江龍 尖沙咀香港牛繁

一年一度嘅「雙五節」又嚟喇!咩叫「雙五節」?未就係M佬生日囉!不過,每年生日正日,我哋都會同媽咪嗲哋過,所以提前慶祝生日已成為我哋嘅習慣。今年因為無得去旅行,好耐無去過日本嘅M佬話好想好想食和牛,所以我就搵咗呢間日本過江龍,位於尖沙咀嘅燒肉店:牛繁。牛繁喺東京、神奈川縣、千葉縣同埼玉縣等等都有多間分店,好多人喺日本食過,都話又平又抵食,唔知香港分店又keep唔keep到呢?

Read more

沙田人氣韓式燒烤 馬場洞烤肉專門店

好耐無去過沙田喇,原來新城市廣場變咗好多,嚟到三期更加面目全非,有一種新鮮又迷失嘅感覺。A姐話好耐無食過韓國嘢喇,所以今日我哋就去慰藉一吓佢寂寞嘅胃,嚟到馬場洞烤肉專門店等佢happy吓。

Read more

元朗人氣長龍放題 校長燒肉日韓料理

每年嘅12月10日喺我哋相識紀念日,不過,由於係平日,所以我哋等到weekend再慶祝!講到慶祝當然離不開壽司刺身、或者韓燒、又或者打邊爐或buffet啦。難得係5周年慶祝,不如一次過食晒佢哋落肚啦。今日我哋就去到元朗新開嘅校長燒肉日韓料理。勁多人呀,想walk-in基本係無可能,好彩我哋一早訂咗位姐。

Read more

同學各位找個位 將軍澳炑八韓烤

過期學生證除咗係回憶,仲有咩用?望住A姐中二張學生證,明明好清純,但依家點家咁……我為保生存,我講唔到落去喇!所以過期學生證真係無用?少年,你太年輕了!只要持有學生證,喺2019年8月28日至10月4日,逢星期一至四晚市時段消費,即可獲得全單6折。即刻約埋成班同學食SEM飯啦,齊齊同學各位找個位,這是你的開學禮啦!記得要提早一日訂位先可以enjoy優惠架。

Read more

人生交叉點邊爐與韓燒 荃灣校長燒肉日韓料理

近期A姐又唔知睇咗邊套電視劇,問埋啲假設性問題:如果我同M媽跌落海,你會救邊個先?(當然A姐問得‘更’有深度啦:佢問如果我想食韓燒,M媽想食打邊爐,你會揀邊一個?)呢啲係咩問題嚟架?點解要迫人去人生交叉點?一次過食晒兩樣,大家都開心唔好咩?今日嚟到人氣強勁嘅,位於荃灣嘅校長燒肉日韓料理,有人龍嘅支持,食物一定夠新鮮啦。

Read more

韓牛新鮮現切 旺角柞木炭家

喺香港唔難食到韓牛,不過,韓牛出口唔多,所以質素都幾參差,如果你都想食到好似A姐一樣咁靚嘅韓牛,推介你嚟旺角T.O.P.嘅柞木炭家啦!我哋上次嚟試過韓牛肋眼上蓋,一直念念不忘,所以今次encore,叫咗韓牛精選拼盤,試齊各個部位,就叫滿足?少年,你太年輕了!更滿足係韓牛即點即切,夠晒新鮮!

Read more

尖沙咀高質燒肉放題 本佐日本燒肉料理

唔知M佬呢排做乜成日都好肚餓,食完一餐,唔夠兩個鐘又口痕想再食嘢!係咁肚餓嘅情況之下,就最啱食放題啦!呢間位於尖沙咀嘅本佐日本燒肉料理,除咗燒肉,仲有刺身、炸物、小食等,選擇好多,正!餐廳夠大夠闊落,坐得好舒服,特別鍾意佢用iPad點餐,全程無漏單情況。

Read more

屋邨抵食韓國菜 樂富梨滿園韓國料理

每次我同M佬諗唔到去邊,就會喺港鐵地圖Random指一個比較少去嘅地鐵站去發掘一下,今次就揀咗樂富,嗰商場有都幾多嘢行喎,行到咁上下就要醫下肚,喺梨滿園韓國料理門口聞到好香韓國燒肉味,就入去試吓啦!

Read more