平價低質一人前 上環連鎖燒肉Like

我真係好對唔住我個胃呀!話說今日A姐突然要開OT,所以我嘅晚餐就嚟到近期一間超強人氣嘅一人燒肉店:燒肉Like。餐廳以低至$48嘅燒肉定食招徠,但係食物出品低質。可能你會話咁嘅價錢,你想得到啲咩?我當然係想得到物超所值嘅餐飲體驗啦!

Read more

不得了的入口即溶和牛 銅鑼灣過江龍Yakiniku Kakura

Yakiniku Kakura係嚟自日本九州佐賀嘅過江龍燒肉店,喺黃埔開設香港首間海外分店之前,我同M佬都唔太認識呢間餐廳(我哋太孤陋寡聞喇)。但因為餐廳嘅和牛係嚟自評為高等嘅佐賀和牛,口碑同品質非常有保證!Yakiniku Kakura提供九州產極上A5等級嘅黑毛和牛,更供應唔少罕有嘅牛肉部位,今日我同M佬就嚟潮聖,試試傳說中的入口即溶啦!

Read more

光波爐韓燒放題 銅鑼灣韓牛牧場

好耐無食韓燒喇!今日就嚟到近期一直人氣高企,位於銅鑼灣嘅韓牛牧場。餐廳除咗提供香港少見嘅高質韓牛之外,更採用光波爐燒烤!用光波爐烤烤嘅好處係唔會太大油煙,就算食完之後,啲衫都唔會臭崩崩。加上光波爐嘅熱力平均,而且亦會自動旋轉,所以肉質非常juicy!

Read more

豐富抵食鐵板燒 佐敦樂Teppanyaki

鐵板餐就食得多,但喺香港食鐵板燒就真係好少。因為香港食鐵板燒一啲都唔平,但今日我哋就搵到一間豐富又抵食嘅鐵板燒,呢間位於佐敦嘅樂Teppanyaki,提供多款入門級別嘅鐵板燒套餐,價錢由$880起,份量仲要一啲都唔少,係平嘆鐵板燒之選。

Read more

久違的日本旅行 尖沙咀牛八和牛燒肉屋Express

日本係唔少香港人嘅鄉下,久違嘅日本旅行,最掛住嘅當然係日本美食啦!今日M佬就帶我嚟到位於尖沙咀The One嘅牛八和牛燒肉屋Express,嚟一次日本偽旅行!餐廳佈置成一個機場咁,細心到入座仲會一人有一張登機證添,之後就由機長Captain Gyuhachi喺呢2個小時帶我哋向日本出發啦!

Read more

集15間韓日風味 太古城KollaBo

一次過滿足3個願望有幾難吖,等我M佬帶A姐去滿足15個願望啦!A姐出名鍾意食韓國菜,炸雞、韓燒、醬油海鮮、春村雞、韓國奧巴都係佢嘅最愛,所以我哋嚟到位於太古城嘅KollaBo,呢間東京過江龍,集合咗15間韓日地道餐廳嘅人氣料理同配方,滿足各位嘅韓日風味!

Read more

石燒肉眼Steak 北角Olive Cafe

北角薈自從重新裝修之後,引入咗唔少餐廳,所以今日接埋A姐放工之後,我哋又嚟到北角薈搵嘢食。今日好肚餓嘅我,加一個唔係太肚餓嘅A姐,食石板燒就最啱啦,因為可以根據個人嘅肚餓程度揀選牛肉嘅份量,加上Olive Cafe係半自助形式,沙律、白飯同湯都係任食,質素尚算唔錯。

Read more

肉食獸旺角啟動 八木橋日式燒肉

旺角作為香港嘅中心點,餐廳選擇好多,不過,高質從來都同旺角有段距離。但位於旺角T.O.P.嘅八木橋日式燒肉,就為大家帶嚟高質燒肉放題,肉類選擇好多,連和牛都係任叫任食呀!呢度嘅放題分為雪丶雲丶霞丶雨四個級別,今日就同A姐試試「霞」,足足有成94樣食材選擇㗎!

Read more

銅鑼灣高質和牛放題 尚鮮日式燒肉漁市場

放工就最好食放題,盡情享受工作辛勞後嘅美食,無壓力下想食乜就食乜,但講到尾最緊要係高質好食!位於鍋鑼灣嘅尚鮮日式燒肉漁市場就係一間A姐M佬推介嘅放題餐廳,款式勁多:燒烤、刺身、壽司、天婦羅等等,連和牛都係任叫任燒,入口即熔嘅感覺,正呀!

Read more

東薈城丼飯 牛角次男坊

今日同A姐去咗東涌Outlet行街shopping,全新開嘅東薈城2期除咗多咗好多鋪頭之外,估唔到餐廳嘅選擇都多咗好多,連A姐成日話想試嘅牛角次男坊都有。邊個話東涌無好嘢食㗎?其實牛角次男坊係日式燒肉店「牛角」嘅兄弟,主打即叫即燒嘅燒肉丼,由於我哋唔想撞晚市時間,驚人多又要排長龍,所以特登揀喺17:30前入座,原來仲有下午茶(14:30-17:30供應),夠晒抵食呀!

Read more