海鮮韓牛放題 元朗牛知己

上大棠睇紅葉就梗係要食飽飽,充滿能量再慢慢行啦!元朗雖然有好多地道野食,但今日嘅天氣真係好凍呀,所以我哋決定要打邊爐。嚟到元朗,我哋嚟到牛知己,餐廳主打少見嘅韓牛放題,除咗韓牛,仲有海鮮同韓式配料,任飲任食,非常滿足!

Read more

銅鑼灣$90點心放題 智選假日酒店聚盈樓

Family Day嘅節目又點少得一家大細去飲茶呢!我哋就推介位於銅鑼灣智選假日酒店嘅聚盈樓,聚盈樓近期推出午市點心放題,每位只要$90就可以任食點心90分鐘喇!重點係唔洗等位,點心選擇又超過30款,究竟抵唔抵食,味道又點呢?即刻睇吓本文內容推介啦!

Read more

台灣直送火鍋吃到飽 尖沙咀牛品台式火鍋

香港有唔少主打台式火鍋嘅餐廳,選擇好多唔知點揀好?近期我哋就推介呢間位於尖沙咀樂道,任飲任食吃到飽嘅牛品台式火鍋。牛品台式火鍋由屢獲殊榮嘅台灣廚師李龍翔師傅主理,湯料每日由台灣新鮮直送,讓大家輕鬆品嚐至新鮮嘅台式原味道!另一賣點係牛品台式火鍋提供多種台式小食,滿足好耐無去台灣嘅各位呀!牛品台式火鍋以牛肉等級分為多種唔同嘅吃到飽任飲任食放題套餐,我哋今日就揀咗主打澳洲M9和牛肩胛肉嘅牛御品吃到飽套餐。呢個牛御品吃到飽套餐有超過60款台灣高質食材,絕對能夠滿足一眾大胃王!

Read more

做冬食盆菜、聖誕食雞煲、嘆到凌晨兩點鐘 旺角新南苑私房菜火鍋鷄煲

相信12月係全年最開心,最令人期待嘅月份,因為真係好多假期呀!而放假就梗係要約埋朋友或者屋企人好好興祝,例如開聖誕party、一齊例數同食團年飯啦!位於旺角嘅新南苑私房菜火鍋鷄煲除咗任食雞煲打邊爐之外,近期推出時令嘅任食流浮山生蠔,仲有過節團年飯最愛嘅盆菜添,重點當然係餐廳開到凌晨兩點鐘,啱晒大家食住倒數直落啦!

Read more

嘆高質晚餐 觀塘Bella Shine

觀塘嘅日與夜分別真係好大,夜晚嘅觀塘,除咗多了一份寧靜,仲加添一份好味呢!話說觀塘俾唔少人嘅初感覺都係工廠林立,有好多茶記同快餐店,但其實尋求高質又有誠意嘅西餐,觀塘都有Bella Shine!觀塘嘅Bella Shine近期因推出90分鐘牛扒任食,而人氣高企。但其實餐廳嘅選擇非常多,我哋今日想咩都食啲,所以就叫咗A La Carte,非常有驚喜!

Read more

銅鑼灣至平任食打邊爐 包羅萬有(萬友)火鍋

「我之前落嘅生蠔,點解唔見咗?仲有呀,我塊黑豚肉呢?又係你食咗呀?」有時打邊爐落嘅食物,轉眼就會唔見咗,絕對唔係靈異事件,只係M佬食咗姐!所以我真係好鍾意一人一鍋形式嘅打邊爐,又唔驚佢落啲我唔鍾意食嘅嘢落去,破壞我嘅湯底!好多人覺得一人一鍋嘅打邊爐價錢都相對貴少少,但位於銅鑼灣嘅包羅萬有(萬友)火鍋就打破慣例,價錢抵食兼任飲任食,CP值超高呀!

Read more

海鮮和牛半自助晚餐 觀塘鴻圖道Give Me 5

觀塘有唔少樓上餐廳,要突圍而出,就一定要夠gimmick!今次能夠吸引A姐M佬嘅餐廳,就係位於觀塘鴻圖道嘅Give Me 5。Give Me 5晚市推出半自助晚餐,除咗一份主菜,半自助餐區更提供即燒海鮮、海鮮冷盤、沙律、飲品同甜品,加上餐廳設有飛標機同桌球俾食客玩,令呢餐晚餐性價比高之餘,夠飽又夠chill!

Read more

食蟹季節又嚟喇 任食奄仔蟹放題 銅鑼灣大澳德發

嚟到10月,又係食蟹嘅季節喇!食蟹最緊要係食得盡興,所以我哋推介銅鑼灣嘅大澳德發!餐廳推出任食奄仔蟹放題,加上依家正值食蟹嘅季節,所以隻隻奄仔蟹都爆膏甘香,蟹肉鮮甜,價錢仲非常親民,蟹迷當然唔可以錯過啦!

Read more

【大閘蟹季又嚟喇】荔枝角任食大閘蟹 相馬日式火鍋放題

早幾年因為我成日都要出trip,所以冷落咗A姐同大閘蟹,嚟到今年嘅大閘蟹季節,我唔可以再錯過喇!當我搵緊去邊度食大閘蟹嘅時候,就俾呢個「任食大閘蟹」深深所吸引。今次嚟到位於荔枝角嘅相馬日式火鍋,除咗可以任食大閘蟹,仲有日式火鍋同串燒放題,唔該俾多兩個胃我啦!

Read more

旺角無限時火鍋放題馬拉松 馬祖無限時台灣養生涮涮鍋

每次同朋友打邊爐,最怕就係有個店員行埋嚟同你講:仲有半個鐘!但我哋明明好似啱啱先開始食,真係食得唔夠過癮呀!如果你同我都有同樣嘅問題,可以考慮無限時嘅火鍋選擇。近期我哋就嚟到位於旺角嘅馬祖無限時台灣養生涮涮鍋,啱晒同樣鍾意慢慢食慢慢傾嘅你!

Read more