荃灣川龍端記茶樓 大帽山點心茶寮

大帽山係全香港最高嘅山,所以深得行山友喜愛!除此之外,喺山腰都有一間好出名嘅茶寮。無論你係唔係行山友,都可以喺荃灣港鐵站坐巴士或小巴上嚟川龍嘅端記茶樓嘆個早茶。如果你係自駕遊嘅朋友,旁邊仲有少量嘅免費車位畀你泊車添!

Read more

超豐富海鮮祭 銅鑼灣漁港薈

好多人都鍾意食海鮮,我家嘅M佬都唔例外,海鮮嘅鮮甜味,真係好吸引呀!但邊個話食海鮮就一定貴架?今日我哋就要打破呢個定律,嚟到銅鑼灣嘅漁港薈,呢度嘅海鮮蒸鍋好抵食之餘,仲要夠晒新鮮,好生猛架!

Read more

飲茶推車仔集體回憶 旺角倫敦大酒樓

唔知你仲記唔記得,細個嘅時候,去到茶樓飲茶,總會有啲推車仔嘅姨姨,大聲叫賣佢哋車仔上嘅點心。當推出一啲熱門嘅點心,好似係蝦餃、燒賣、馬拉糕(啲媽咪一定同姐姐講要邊)等,就會有好多人拎住點心卡衝埋去,呢一種味道叫「氣氛」!隨住時代嘅進步,大家都追求所謂嘅健康食物,又或者因為工序繁複,好多細個嘅美食,都慚慚離我哋而去,呢一種味道叫「懷舊」!當年有酒樓推出「即叫即蒸點心」之後,推車仔嘅姨姨就唔駛再推車仔喇。不過如果你想追求「氣氛」同「懷舊」,香港仲有一樣嘢叫「保留」,今日嚟到旺角嘅倫敦大酒樓,重拾推車仔點心嘅集體回憶。

Read more

晚市夜茶小菜 鰂魚涌小皇府

有一種美食叫港式點心!我覺得港式點心真係香港嘅代表作,好多移咗民嘅朋友都同我哋講,好耐無食過點心喇!今日接A姐收工,再睇吓附近有咩食,心血來潮就決定食點心啦!夜媽媽就無點心食?邊個話㗎?呢間位於鰂魚涌嘅小皇府,夜茶點心夠精緻好味。

Read more

一盅兩件 旺角盈館

話時話,我哋A姐M佬都好耐無飲過茶啦!平時生活咁急速,難得放假,不如飲啖茶,食個包,休閒一下!今日嚟到旺角盈館,一於叫返一盅兩件,嘆吓先!

Read more

必食片皮鴨 太古金公館

逢星期三都係百貨公司嘅周三特價日,陪A姐喺康怡廣場嘅超級市場掃完貨,我哋拎住一袋二袋三袋同四袋,所以今晚嘅晚餐最緊要坐得闊落又舒服!所以今晚晚餐選定太古嘅金公館,順便回味一吓佢哋嘅北京填鴨啦!呢度嘅二人餐好抵食,仲已經有埋北京填鴨,CP值超高。

Read more

銅鑼灣利寶閣 高質粵菜放題

有時去酒樓餐廳叫小菜,好多樣嘢都想叫,但得我同M佬兩個人,都唔叫得多,如果想一次過食好多款,小菜放題就啱晒!嚟到銅鑼灣嘅利寶閣嘆呢個兩小時高級粵菜放題,有超過50款食物,由晚上6時至晚上10時,入單起計兩小時。星期一至四,成人HK$238 ,小童HK$119;星期五、六、日同假日,成人HK$258,小童HK$129,附加茶芥同加一服務費。即刻試試。

Read more

名人飯堂 佐敦新新酒樓

小時候,總會跟住M媽去佐敦探公公婆婆,而佢哋就最鍾意去新樂酒店嘅新樂酒家嘆吓一盅兩件,話咩水滾茶靚喎,小時候嘅我,仲記得食住蝦餃睇兒童周刊,成家人坐埋一齊,傾吓計,呢啲就係我嘅回憶。記得先前新樂酒店進行大裝修,一度以為新樂酒家會成為我嘅記憶,但原來新樂酒家嘅原班人馬喺莊士倫敦廣場,重新打造咗新新酒樓,新新酒樓屹立半世紀,係唔少名人嘅飯堂,今日就同A姐去尋找那些年的原味道。

Read more

飲啖茶食個包 太古玉桃軒酒家

A姐話好耐無見過A媽同A爸,所以剛過去嘅星期日就係Family Day,Family Day嘅活動第一件事就梗係飲茶啦!而飲茶等位呢啲粗重嘢就梗係我M佬做㗎啦!今日我哋就去到太古康怡廣場嘅玉桃軒酒家,位唔算等得耐,反而我同A媽同A爸就等咗A姐好耐囉。不過,可以一齊飲吓茶食個包,共聚天倫都唔錯。

Read more

米芝蓮閩菜 尖沙咀莆田

福建菜(閩菜)嘅印象對我哋嚟講,就係當日去福建旅行食過嘅福州魚蛋、沙茶麵同土筍凍。身為中國八大菜系之一嘅福建菜,又點會咁簡單!呢間嚟自新加坡嘅莆田,主打高質福建菜,仲係米芝蓮一星餐廳,今日同M佬行過尖沙咀美麗華廣場,見到新推出嘅莆田紅菇節,身為「A菇」嘅我,即刻試試先得。

Read more