遠近馳名燒鵝 尖沙咀裕鵝莊

北京出名片皮鴨、美國出名唐老鴨,香港嘅鴨雖然唔太出名,但我哋都有脆皮燒鵝!想食燒鵝唔洗山長水遠入深井嘅,因為深井裕記燒鵝嘅傳人將祖傳秘方帶到嚟尖沙咀裕鵝莊,仲將餐廳嘅裝修同menu年輕化,勁方便就食到深井燒鵝嘅原味道啦!

Read more

高質粵菜推介 貼地價花膠扒 銅鑼灣灃味館

有一種味道叫享受!話說A姐嘅屋企人好鍾意食粤菜,作為未來女婿嘅我,腦海即刻浮現銅鑼灣嘅灃味館,呢度主打高質手工粵菜,其中代表菜式之一嘅巨型花膠扒,真係出得廳堂,而價錢夠晒貼地親民。適合嚟緊嘅長輩生日、父親節、母親節等慶祝聚餐,絕對會令長輩們食到舔舔脷,對你安排非常滿意!

Read more

飲茶推車仔集體回憶 老香港傳統上環蓮香居

以前細個去飲茶,真係好熱鬧又好有氣氛,推車仔嘅姨姨都會大聲叫賣佢哋車上嘅點心。但自從推出「即叫即蒸點心」之後,推車仔嘅姨姨就唔駛再推車仔,去酒樓食點心嘅氣氛亦大不如前。好彩香港仲有少數酒樓仍然保存點心車呢個集體回憶,今日我哋就嚟到上環嘅蓮香居,重拾呢種老香港嘅傳統氣氛啦!

Read more

款式多高質中餐 調景嶺金公館

近排我個肚腩凸咗出嚟,A姐話我升呢成為大叔喇!為咗希望唔好再升級,所以我近期去咗跑步,不過,對我嚟講,跑步都唔係為咗減肥,只係為咗減少下一餐嘅罪惡咁,哈哈!今日就嚟到調景嶺嘅金公館,呢度粵菜、川菜、京菜都有,款式多而且質素都唔差,又可以放肆大食一餐。

Read more

嘆精緻中菜午餐 銅鑼灣顏府御膳

對自己好啲,不如食精緻中菜啦!不過晚市食精緻中菜通常都比較貴,所以我哋選擇午市嚟到銅鑼灣嘅顏府御膳。呢度嘅午市套餐有齊前菜、湯、主菜同糖水,價錢唔貴又見得人,真係嚟個lunch business meeting都得。

Read more

當黃金流沙遇上龍蝦 尖沙咀翠林辣蟹舫

我未識M佬之前,好少食海鮮,因為我嫌食海鮮麻煩,又驚俾人呃,但自從識咗勁鍾意食海鮮嘅佢之後,我哋周不時都會去食海鮮,佢仲會幫我起殼去骨,等我食到啖啖肉,你話佢係咪好sweet呢?雖然好多人覺得食海鮮係貴價嘢,但我哋今次就嚟到主打食蟹、龍蝦同小菜嘅尖沙咀翠林辣蟹舫,近期仲有唔少優惠,海鮮夠晒新鮮,煮法又有創意。

Read more

紅磡抵食酒店點心放題 九龍海逸君綽酒店海雲天

喺星級酒店望住個海景食一盅兩件,你話幾歎呢!但A姐話一係就會食唔飽,一係就會好貴喎,邊個話㗎!今次我哋經KKday買咗呢個酒店點心放題套餐就夠晒抵食喇!嚟到位於黃埔嘅九龍海逸君綽酒店,佢哋嘅中餐廳海雲天推出咗午市及下午茶點心放題,因為價錢貼地,款式又多,所以一直人氣高企。

Read more

荃灣川龍端記茶樓 大帽山點心茶寮

大帽山係全香港最高嘅山,所以深得行山友喜愛!除此之外,喺山腰都有一間好出名嘅茶寮。無論你係唔係行山友,都可以喺荃灣港鐵站坐巴士或小巴上嚟川龍嘅端記茶樓嘆個早茶。如果你係自駕遊嘅朋友,旁邊仲有少量嘅免費車位畀你泊車添!

Read more

超豐富海鮮祭 銅鑼灣漁港薈

好多人都鍾意食海鮮,我家嘅M佬都唔例外,海鮮嘅鮮甜味,真係好吸引呀!但邊個話食海鮮就一定貴架?今日我哋就要打破呢個定律,嚟到銅鑼灣嘅漁港薈,呢度嘅海鮮蒸鍋好抵食之餘,仲要夠晒新鮮,好生猛架!

Read more

飲茶推車仔集體回憶 旺角倫敦大酒樓

唔知你仲記唔記得,細個嘅時候,去到茶樓飲茶,總會有啲推車仔嘅姨姨,大聲叫賣佢哋車仔上嘅點心。當推出一啲熱門嘅點心,好似係蝦餃、燒賣、馬拉糕(啲媽咪一定同姐姐講要邊)等,就會有好多人拎住點心卡衝埋去,呢一種味道叫「氣氛」!隨住時代嘅進步,大家都追求所謂嘅健康食物,又或者因為工序繁複,好多細個嘅美食,都慚慚離我哋而去,呢一種味道叫「懷舊」!當年有酒樓推出「即叫即蒸點心」之後,推車仔嘅姨姨就唔駛再推車仔喇。不過如果你想追求「氣氛」同「懷舊」,香港仲有一樣嘢叫「保留」,今日嚟到旺角嘅倫敦大酒樓,重拾推車仔點心嘅集體回憶。

Read more