荃灣川龍端記茶樓 大帽山點心茶寮

大帽山係全香港最高嘅山,所以深得行山友喜愛!除此之外,喺山腰都有一間好出名嘅茶寮。無論你係唔係行山友,都可以喺荃灣港鐵站坐巴士或小巴上嚟川龍嘅端記茶樓嘆個早茶。如果你係自駕遊嘅朋友,旁邊仲有少量嘅免費車位畀你泊車添!

Read more

第一次日出康城 將軍澳京滬佳餚

一直以嚟將軍澳日出康城,除咗樓盤就係樓盤,我哋亦無朋友仔住喺嗰頭,所以一直以嚟都無去日出康城嘅衝動,直到佢嘅商場落成開幕,終於吸引到A姐嘅垂青。今日我哋就去到The LOHAS行新商場,至於晚餐就選擇咗主打京滬菜嘅京滬佳餚。

Read more

飲茶推車仔集體回憶 旺角倫敦大酒樓

唔知你仲記唔記得,細個嘅時候,去到茶樓飲茶,總會有啲推車仔嘅姨姨,大聲叫賣佢哋車仔上嘅點心。當推出一啲熱門嘅點心,好似係蝦餃、燒賣、馬拉糕(啲媽咪一定同姐姐講要邊)等,就會有好多人拎住點心卡衝埋去,呢一種味道叫「氣氛」!隨住時代嘅進步,大家都追求所謂嘅健康食物,又或者因為工序繁複,好多細個嘅美食,都慚慚離我哋而去,呢一種味道叫「懷舊」!當年有酒樓推出「即叫即蒸點心」之後,推車仔嘅姨姨就唔駛再推車仔喇。不過如果你想追求「氣氛」同「懷舊」,香港仲有一樣嘢叫「保留」,今日嚟到旺角嘅倫敦大酒樓,重拾推車仔點心嘅集體回憶。

Read more

高質點心放題 W酒店星宴中餐廳

好多人都會覺得喺酒店飲茶食點心係一件好奢侈嘅事,好似我同M佬咁,2個人食4至5個點心又驚唔夠飽,叫多幾個又驚over budget,點算?其實,近期好多酒店都推出Staycation套票,有得玩又有得食,好似一向走型格同Party路線嘅W酒店,就深得年輕一群嘅喜愛。不過如果唔想住過夜,唔少酒店餐廳都推出餐飲優惠,其中香港W酒店嘅星宴中餐廳就結合咗傳統同新派嘅點心,口碑一向唔錯㗎!但想食得更划算,就要試試呢個點心放題喇!

Read more

晚市夜茶小菜 鰂魚涌小皇府

有一種美食叫港式點心!我覺得港式點心真係香港嘅代表作,好多移咗民嘅朋友都同我哋講,好耐無食過點心喇!今日接A姐收工,再睇吓附近有咩食,心血來潮就決定食點心啦!夜媽媽就無點心食?邊個話㗎?呢間位於鰂魚涌嘅小皇府,夜茶點心夠精緻好味。

Read more

旺角好打耳主題點心 B.Duck & Buffy德記茶樓

主題呢家嘢真係深得女士們同小朋友喜愛,因為有得食又有得打卡麻!今日接咗姨甥女G女嚟玩,就搵咗呢間以B.Duck & Buffy為主題嘅德記茶樓,有得食點心,又有車仔麵同港式小食。最重要係有我做埋攝影師幫佢哋影相呀!

Read more

一盅兩件 旺角盈館

話時話,我哋A姐M佬都好耐無飲過茶啦!平時生活咁急速,難得放假,不如飲啖茶,食個包,休閒一下!今日嚟到旺角盈館,一於叫返一盅兩件,嘆吓先!

Read more

茶餐廳之過江龍 尖沙咀恆之茶居

茶餐廳明明係香港特色,都有過江龍?呢間位於力寶太陽廣場嘅恆之茶居,喺台灣都幾有名氣,賣點係港式點心、菠蘿包同蛋撻等等,而店面設計都好有香港特色。登陸香港後嘅恆之茶居,店面位置雖然唔多,但都保留唔少香港特色,而食物選擇就貴精不貴多。

Read more

西環周記點心 超人氣西多士

曾幾何時,A姐見到Facebook share嘅流心西多士,成日都話想去試,但次次都大排長龍,只好放棄。見近期人流少咗,我終於帶佢去到西營盤嘅周記點心食個tea!但佢話依家已經無人share厄like喇,唔緊要啦,味道最緊要。

Read more

飲啖茶食個包 太古玉桃軒酒家

A姐話好耐無見過A媽同A爸,所以剛過去嘅星期日就係Family Day,Family Day嘅活動第一件事就梗係飲茶啦!而飲茶等位呢啲粗重嘢就梗係我M佬做㗎啦!今日我哋就去到太古康怡廣場嘅玉桃軒酒家,位唔算等得耐,反而我同A媽同A爸就等咗A姐好耐囉。不過,可以一齊飲吓茶食個包,共聚天倫都唔錯。

Read more