老香港傳統 中環蓮香樓

好多人都話掛住以前嘅香港,回憶那段年月有多好。講到回憶,仲記得以前去茶樓飲茶食點心嗎?以前食點心唔係剔紙仔,仲會有姨姨推住架點心車叫賣,如果你都試過呢種飲茶嘅體驗,咁絕對係暴露年齡喇!依家仲有點心車嘅老香港傳統酒樓買少見少,想回憶嗰種飲茶嘅氣氛,可以嚟到中環嘅蓮香樓。

Read more

週末西班牙Brunch 中環La Rambla

疫情前,我哋計劃咗下次嘅歐洲旅行會去西班牙,睇巴塞隆拿聖家堂,食西班牙海鮮飯。可惜計劃永遠趕唔上變化,已經兩年幾無飛過啦!既然第五波疫情好轉,不如出街食嗰西班牙菜Brunch!我哋就揀咗中環IFC嘅La Rambla,坐室外嘅Terrace位置,可以望住嗰維港景,風味十足。

Read more

嘆手工pizza 中環Amalfitana

中環蘭桂芳同蘇豪一帶有唔少異國風情嘅餐廳,真係好有旅行feel架!呢區嘅菜式選擇好多,我哋就揀咗好多香港人都鍾意食嘅意大利菜Amalfitana啦!Amalfitana第一間分店位於淺水灣,餐廳名氣及食物質素一向有保證,更獲雜誌選為「香港最佳餐廳」添!Amalfitana最大賣點係兩間分店都以意大利專業煤氣薄餅烤爐烤製,薄餅夠晒新鮮又正宗呀!

Read more

區區尋米線 全港十間在地人推介米線店

米線絕對係近年香港人嘅comfort food,一星期總會想食一至兩次熱辣辣嘅米線!喺香港除咗幾間大型連鎖嘅米線店,好似譚仔雲南米線、譚仔三哥米線同南記粉麵之外,我哋發覺每一區都有人氣嘅米線小店,所以邀請咗每一區嘅在地人報料,綜合咗以下十間在地人推介嘅米線店。

Read more

雞翼放題自肥企画 中環Wingman

挑戰雞翼放題!大胃王M佬同雞翼控A姐,今日嚟到中環Wingman嚟個雞翼放題PK戰,輸咗嘅就要負責今個星期屋企大掃除啦!一入到嚟Wingman,就會見到好多港式設計,例如仿九龍皇帝墨寶、霓虹燈等等,玩味十足。我哋今日就叫咗10款雞翼放題,連汽水、檸檬茶同啤酒都任飲,夠晒抵食!唔講咁多,即刻挑戰!

Read more

抵食越南風味茶餐 中環鳴越Pho

午飯時間嘅中環,對於打工仔嚟講真係一個重大考驗,堂食大排長龍,等得位同叫埋嘢食,午飯時間可能冇咗一大半;諗住叫外賣,點知就漏單,或者行到返公司,盒飯都已經唔夠熱。食餐飯姐,都唔可以好好享受吓!如果公司午飯時間可以彈性處理,兩點後嘅時段除咗人少啲,有啲餐廳仲已經提供下午茶優惠,今日就同B同事,嚟到中環嘅嗚越Pho,輕輕鬆鬆咁食個晏。

Read more

撐沙嗲牛肉麵 撐中環四季常餐

一直以嚟,無論早餐定常餐,我都係食沙嗲牛肉麵,但自從加入咗Facebook嘅香港沙嗲牛肉麵關注組之後,就連午餐、下午茶同晚餐,都好想食沙嗲牛肉麵呀!喺關注組入邊,有唔少嘅沙嗲牛肉麵推介,當然沙嗲牛肉麵要撐,中環四季常餐都要撐!

Read more

一日之計在於Rise 中環Rise by Classified

Classified,細細個就聽過呢個名。記得大學嗰陣,會專登去Classified食Brunch,好寫意!原來Classified旗下啱啱喺中環交易廣場開咗全新概念嘅Rise by Classified。餐廳以淺木色為主調,提供一系列手工麵包、健康輕食同咖啡體驗。不論朝早嘆杯咖啡,又或者食Lunch同Brunch,都適合不過!

Read more

港式情懷 中環紅城粉麵

今日放假,約咗喺中環返工嘅舊同事食lunch,仲記得以前我哋喺中環返工,趕住開會嘅我哋,都只會喺附近嘅茶記食下野,就趕返公司做埋啲手尾。以前其中一間屬於我哋嘅飯堂,就係位於中環中心隔離嘅紅城冰室。隔咗好耐冇嚟,原來喺旁邊,開咗一間食粉麵為主嘅紅城粉麵,又要趕返公司開會嘅佢,一於食個快嘅午餐啦!

Read more

念念不忘 中環Pho Bar

中環有好多唔同嘅菜式選擇,今日我哋就食主打越南嘢嘅Pho Bar啦!但呢間Pho Bar同一般越南餐廳隔局好唔同,佢似一間拉麵店多啲,長長嘅吧檯,可以望到廚師煮Pho架,夠晒新鮮熱辣!落單仲係自己填紙,想揀咩麵底或加咩配料都好方便,唔講真係以為自己去咗拉麵店呀。

Read more