旅行拍拖食買玩 2日1夜長洲之旅

好多人放假都鍾意去長洲度假,因為長洲嘅配套、打卡、景點都係各離島之最,所以成為全香港最受歡迎嘅離島,沒有之一。但好多人去長洲都離不開春天睇櫻花、夏天去東灣泳灘,再去食大魚蛋、芒果糯米糍、紅豆餅同手卷等等,如果你嘅必玩推介仲係以上行程,不如今個假期就跟住A姐同M佬推介,重新認識最新嘅長洲食買玩攻略,一齊去長洲打卡啦!

Read more

長洲豐富海鮮盛宴 濤濤居火鍋煲仔菜

好多人都鍾意去離島食海鮮,當中長洲貴為香港最受歡迎嘅海島,由碼頭至海旁一帶都有唔少海鮮餐廳嘅選擇。不過,長洲有唔少海鮮餐廳就唔多老實,我哋好耐之前就唔小心幫襯過黑店喇!好彩今日有A姐住喺長洲嘅好姊妹帶路,嚟到濤濤居火鍋煲仔菜,呢度嘅嘢食夠新鮮又有鑊氣,最重要係公道老實。

Read more

堅守大排檔精神 必食沙嗲牛肉麵 長洲蓮香咖啡

傳統嘅冬菇亭大排檔喺香港已經所剩無幾,但原來喺長洲仲保留住一個!有長洲嘅老街坊就向我哋推介呢間屹立超過40年嘅蓮香咖啡,餐廳由第一代傳到第三代,八十後嘅老闆放棄文職工作,堅守大排檔情懷,為街坊保留熟悉嘅味道,更新增唔少嘅創意食物,讓大排檔加入青春活力。

Read more

馬灣泰國菜小店 泰屋粉麵小廚

難得風和日麗嘅假期,M佬帶我嚟馬灣本地遊(詳情:拍拖親子小旅行 8大必遊打卡熱點)。一直以嚟都以為馬灣只有珀麗灣同挪亞方舟,孤陋寡聞嘅我今次嚟到先發現,原來馬灣都有小社區同舊城區,喺開始今日小旅行之前,就去到馬灣大街嘅泰屋粉麵小廚食個泰式午餐啦!

Read more

歐洲宮殿打卡餐廳 東涌La Rosabelle Bar & Grill

同A姐一齊咗都一段時間,我哋嘅感情不知不覺都昇華咗,好耐都無好似以前咁,會為佢搞吓小驚喜。今日係我哋嘅紀念日,為咗重拾初相識嘅拍拖時刻,嚟到東涌嘅La Rosabelle Bar & Grill慶祝。餐廳主打歐洲宮殿風,一於邊打卡邊食lunch,作為今日行程嘅開始啦!

Read more

長洲在地人米線推介 火車頭酸辣小窩

通常大家去長洲都bookmark咗唔少小食名物,好似芒果糯米糍、大魚蛋等等。但今日我哋嚟長洲唔係掃街,因為有長洲在地人推介好味米線俾我哋,所以就嚟到火車頭酸辣小窩試吓蜆肉米線湯啦!

Read more

[大嶼山好去處] 隱世齋菜 大嶼山靈隱寺

以前細個去親大嶼山,午餐一定係食齋嘅!因為大嶼山有唔少道場,其中最為人熟悉嘅當然就係寶蓮禪寺啦!不過難得嚟自駕遊,就梗係要去啲交通相對無咁方便嘅地方參觀,所以我哋嚟到靈隱寺,順便嚟呢度食齋菜做午餐。

Read more

[大嶼山好去處] 早餐嘆名物蠔餅 深屈村坤叔茶座

同A姐自駕遊大嶼山,早餐唔通食東涌快餐店咁無誠意咩?所以做吓功課,嚟到位於沙螺灣同大澳之間嘅隱世村落:深屈村。平時除咗村民,就只有行東澳古道嘅行山人仕會嚟到深屈村作中途休息。深屈村有3間士多,我哋就揀咗坤叔茶座,早餐一於蠔一蠔,試吓深屈名物:蠔餅。

Read more

坪洲必食芝麻餅 A NOY麵包舖

喺坪洲行完最高嘅手指山之後,梗要搵啲小食醫吓肚啦!長洲最出名嘅小食係大魚蛋,而坪洲最出名嘅小食就係芝麻餅喇!位於坪洲永興街嘅A NOY 麵包舖除咗有各式港式麵包,當然仲有名物南乳芝麻餅。每逢南乳芝麻餅出爐,都會好多人排隊,真係手快有手慢就無。

Read more

人氣強就好味 坪洲祺森冰室

要數坪洲最受歡迎嘅食店,又點少得祈森冰室呢?我哋平日嚟到都要排長龍,就知佢嘅人氣一直高企啦!祈森冰室位於坪洲嘅商業區 – 永安街,呢度嘅招牌菜有吉列豬扒麵同遠近馳名嘅蝦多士,一於試試係咪值得排隊啦!

Read more