秋風起川菜Party 尖沙咀麻辣派對

天氣凍咗,除咗打邊爐,食吓辣嘢都唔錯㗎,但個個都食辣嘢,唔通個個都食得辣嘢咩!好似我哋同埋M媽嚟到尖沙咀嘅麻辣派對食晚餐,M媽一向唔食得辣,好彩呢度嘅辣度可以自己選擇。為咗提升佢辣嘅程度,我哋一於叫大辣啦!講笑姐,我哋只係叫咗小辣。餐廳主要分為4大菜式:重慶銅盤烤桂魚、水煮系列、香鍋辣子系列同泡椒酸辣鍋系列,選擇都唔少別!

Read more

K11精緻泰菜 尖沙咀阿閒泰

A姐話佢每一日最享受就係食嘢嘅時間,食物嘅質素固然重要,色香味缺一不可,但餐廳嘅裝修、服務、menu嘅創意同樣重要。今日外面落住雨,我哋就喺尖沙咀K11購物藝術館閒逛嘅時候,發現呢間主打新派泰國菜嘅阿閒泰,餐廳好舒服,又坐得闊落,一於同大家推介。

Read more

旺角宮廷打邊爐 成都老碼頭火鍋

秋天不知不覺嚟到喇,天氣涼咗,最啱就梗係打邊爐啦!大角咀有好多火鍋店、雞煲、放題、港式樣樣都有,而我同A姐今次就嚟到主打麻辣火鍋嘅成都老碼頭火鍋。雖然唔係任食,但價錢唔貴,質素仲要一啲都唔差,加上店內以宮廷為設計,真係好有旅行feel。

Read more

留住「莓」一刻下午茶 觀塘Angel & Devil

下午茶high tea嘅魔力真係好強,無論咩年紀嘅女孩子都會被佢深深吸引住,所以越賣越貴。其實作為男孩子嘅我覺得食high tea都係想打吓卡,同閨蜜傾吓計姐,所以今日我就帶A姐去到觀塘Club East洞天嘅Angel & Devil。呢度下午茶嘅價錢實惠,賣相精緻,仲有露天平台,絕對可以滿足影靚相嘅願望。至於今期下午茶嘅主題係:『留住「莓」一刻』,主打士多啤梨、紅桑子、黑桑子、藍莓等嘅甜點鹹點!

Read more

抵食潮州打冷 旺角明記潮館

喺大排檔食潮州打冷都真係麻甩嘅浪漫!其實潮州菜係中國南方傳統地道飲食文化,而潮州菜嚟到香港之後,亦加入唔少地道元素,而我哋就習慣叫潮州菜做打冷。食打冷唔一定要去大排檔嘅,特別係帶住A姐,坐得舒服,嘢又夠好食就最重要。今次重臨旺角嘅明記潮館,呢度嘅潮州菜味道依舊唔錯,仲有海鮮同小菜等選擇,重點係份量超多!

Read more

佐敦在地人米線推介 景霖正宗四川麻辣米線

我哋相信每一區除咗連鎖米線店,點都會有一間米線嘅代表作,所以我哋四出尋訪,推出咗在地人米線推介系列,等一班米線控同我哋一齊發掘最啱你口味嘅米線!繼屯門嘅雲貴風、灣仔嘅成都小巷、銅鑼灣嘅金西南米線之後,今次就得到佐敦在地人推介,嚟到呢間景霖正宗四川麻辣米線!如果你嗰區都有米線推介,就記住inbox話我哋知喇!

Read more

主打粟米忌廉湯 土瓜灣一冰廳

近期M佬見到唔同傳媒報導,推介呢間位於土瓜灣嘅一冰廳,主打每日以新鮮粟米即磨嘅粟米忌廉湯湯底,佢就帶咗我嚟試試喇!唔知係唔係有太多媒體報導,所以等位嘅人數都唔少,但餐廳整體嘅安排同員工嘅工作態度就麻麻。雖然嚟食茶餐廳唔係追求酒店級嘅服務,但漏單同送錯餐嘅問題持續發生,咁唔知味道又點呢?

Read more

港式懷舊的味道 紅磡時新漢堡飽

漢堡包,食就食得多,唔知港式漢堡包你又有無食過呢?就算無,相信都聽過呢間位於紅磡嘅時新漢堡飽啦!記得上次嚟仲係舊舖,但今日重臨,原來已經搬到位於黃埔嘅新址,店面光鮮咗,座位舒服咗,從外觀上雖然無咗懷舊嘅味道,但味道依然,勾起好多回憶!

Read more

茶餐廳價錢嘆酒店自助早餐 紅磡逸酒店Moreish & Malt

今次嚟到紅磡嘅逸酒店玩Staycation(詳情按此),無論日租定月租都得,我哋住過之後,發覺房間都有唔少細心驚喜位。而酒店除咗劏房價歎月租酒店之外,住客同非住客亦可以嚟到酒店內嘅Moreish & Malt以茶餐廳價嘆酒店自助早餐!早餐分為3個時段,不過部份時段已一早爆滿,想食嘅就記住提前預約。自助早餐提供超過15款任食美食,自製All Day Breakfast絕無難度!

Read more

想用一杯Latte把你灌醉 尖沙咀Espresso Alchemy

「想用一杯Latte把你灌醉……」唔知呢句歌詞,啱唔啱今日你嘅mood呢?今日嘅playlist好random咁播住呢首歌,突然間刺激起我深深處嘅文青個性。講到文青,又點少得去cafe chill吓,嘆杯咖啡,戴住耳筒聽住歌,再睇吓書呢?哈哈,呢個就係M佬所謂嘅文青喇!所以佢就帶我嚟到尖沙咀美麗華商場嘅Espresso Alchemy,等我陪佢做所謂嘅文青啦!

Read more