留住「莓」一刻下午茶 觀塘Angel & Devil

下午茶high tea嘅魔力真係好強,無論咩年紀嘅女孩子都會被佢深深吸引住,所以越賣越貴。其實作為男孩子嘅我覺得食high tea都係想打吓卡,同閨蜜傾吓計姐,所以今日我就帶A姐去到觀塘Club East洞天嘅Angel & Devil。呢度下午茶嘅價錢實惠,賣相精緻,仲有露天平台,絕對可以滿足影靚相嘅願望。至於今期下午茶嘅主題係:『留住「莓」一刻』,主打士多啤梨、紅桑子、黑桑子、藍莓等嘅甜點鹹點!

Read more

住家的味道 觀塘新蒸武門

A姐自從玩咗瑜珈之後,就少咗煮飯喇。我好想飲湯!我好想食住家飯呀!A姐知道咗我心聲之後,佢終於…帶我去食住家飯喇!呢間位於觀塘駱駝漆大廈嘅新蒸武門,主打家常小菜,仲標榜無味精,清淡又夠健康,真係好有家嘅味道,咁A姐以後就可以安心玩瑜珈啦!

Read more

辣得更滋味Yeah 觀塘米走雞Live

話說,今日辣癮又起,兩條友就諗有咩辣嘢好食呢?麻辣燙?上星期先食完?麻辣米線?A姐Lunch先食完!咁呀,食咩好呢?不如去觀塘The Wave嘅米走雞Live食火焰麻辣雞煲,聽講係真係有火㗎!

Read more

觀塘任飲任食六個鐘 千賀水產の鮮鍋道場

觀塘廣場不嬲都好多嘢食,好似係車仔麵、掃街小食、台式飲品,嚟掃街真係一流。但唔講唔知,原來15樓都有嘢食架。今日M佬帶我去到千賀水產の鮮鍋道場,呢度食物選擇超多,而更重要係任飲任食時限係六個鐘,真係由晚餐食到宵夜都得!

Read more

獅子山下人情味 黃大仙豪園麵家

喺好耐好耐…好耐好耐以前,即係耐到大概50年前,香港人以獅子山下精神,不斷同心拼搏,發展香港,當時除咗人情味之外,喺黃大仙仲有傳統味。呢間豪園麵家經歷兩代,仍貫徹獅子山精神,除咗麵食,仲有茶記套餐同小炒供應。

Read more

登登登凳 觀塘登堂

今日我哋兩口子去咗apm行街街,買完一袋二袋之後(今日M佬買得比我多囉!),我哋要去搵食喇。講真,觀塘嘅餐廳選擇好多,但當你餓到食得落一隻牛嘅時候,而apm餐廳嘅等位人流,多到好似要聽朝先有飯食嘅時候,不如行多兩步,發現其實更多!我哋就去到The Wave食登堂,除咗主打嘅西餐,仲有酒吧部份,佔地成萬呎,坐得舒服,食物又有質素。

Read more

慶祝Valentine 觀塘Deer Kitchen

情人節就到喇,梗係要搵間西餐廳,再食生蠔旺一旺佢啦!雖然花就無預備到,不過就預備咗好多隻鹿喇。鹿?係呀,呢間位於觀塘嘅Deer Kitchen,以鹿為設計,好有歐陸feel㗎。

Read more

牛頭角抵食雞煲 澳門咖喱王清湯腩

熱愛打邊爐嘅我哋,真係可以一星期打三四次邊爐。火鍋放題食就食得多,平時加埋一,一位都要HK$150啦,今次畀我哋搵到位於牛頭牛嘅澳門咖哩王清湯腩,仼食火鍋兩位只係HK$268,無加一,包兩位飲品,試下佢得唔得先!

Read more

牛頭角美食 阿太車仔麵

車仔麵係港式經典美食之一,麵同餸都可以自己揀,加埋秘製辣汁,咁就成就咗一碗屬於自己,最獨一無二嘅Comfort food。而車仔麵每一個餸都好考功夫,所以要做到好食真係一啲都唔容易。而呢間位於牛頭角嘅阿太車仔麵,第一眼仲以為去咗日式拉麵店,環境好舒服,而車仔麵整體都算唔錯。

Read more

觀塘日式定食 駱駝漆掌壽司

A姐好快就由呢個地獄轉去另一個地獄,因為我將會轉新工喇,yeah!所以今日請客,約咗一樣鍾意四圍搵食嘅S同事去lunch,嚟到公司附近嘅駱駝漆大廈掌壽司,午市定食定價由$78至$168不等,仲包齊前菜、茶碗蒸、麵豉湯、甜品同飲品,性價比超高。

Read more