捉住冬天的尾巴 將軍澳火焰山重慶火鍋

夏天開始慢慢嚟到,天氣越嚟越熱,除咗少咗行山同户外活動之外,就連麻辣火鍋都要減少啲,因為又辣又熱真係頂唔順呀!今日捉住冬天的尾巴,嚟到將軍澳嘅火焰山重慶火鍋,齋聽個名就知道呢間係主打食辣嘅地方啦!

Read more

抵食驚喜星馬菜 將軍澳亞金南洋茶室

近期將軍澳有一個魔雪奇緣展覽,吸引一班小朋友,當然唔少得A姐……個契女啦!行完展覽,我哋就去到將軍澳新都城嘅亞金南洋茶室食星馬菜,選擇都唔少,有叻沙、海南雞、肉骨茶等星馬菜必食嘅菜式,估唔到價錢抵之餘,仲勁有驚喜喎!呢度嘅晚餐夠晒抵,除咗主菜之外,仲有油菜同飲品,仲可以以優惠價錢加購小食,份量非常之多,CP值高。

Read more

勁玩泰國Feel 元朗Thai Market

今日M佬帶我遊車河,去到一個我聽都未聽過嘅地方:洪水橋(請原諒我孤陋寡聞)。途中見到寫住「Thai Market」嘅霓虹燈,又停咗部督督喺度,驟眼睇真係好似去咗泰國夜市呀!即刻叫M佬停車了解一吓,原來Thai Market係泰國餐廳,分為戶外同戶內,真係好有泰國feel呀!

Read more

來一場肉餅之旅 元朗屏山老地方

唔知你哋有冇玩過情侶Bingo遊戲呢?例如問題係對方鍾意咩顏色,然後一齊講個答案出嚟,睇吓答得啱唔啱,就知道有幾了解對方啦!如果講中式小菜Bingo,A姐最鍾意一定係肉餅!所以食親飯,肉餅總是常出現,咁如果成間餐廳都只係得肉餅,唔知A姐又會唔會好興奮呢!今日我哋去到元朗嘅屏山老地方,呢間舖頭超過50款肉餅選擇,A姐話連續食50日都唔會厭。

Read more

排隊就不必喇 大埔粉果佬

因為Facebook嘅香港燒賣關注組,令我哋bookmark咗呢間位於大埔嘅粉果佬,但次次嚟到都大排長龍,人氣高企,直到某一日朝早,我哋路過竟然只有5個人排緊隊,終於有機會俾我哋試吓大埔粉果佬嘅名物喇!大埔粉果佬係港式小食店,當中最出名嘅就當然係魚肉燒賣同家鄉粉果啦!我哋就每樣都買咗啲試試,睇吓係咪真係咁好味啦!

Read more

人氣沙嗲牛肉麵 元朗永順食店

近期跟住香港沙嗲牛肉麵關注組嘅推介,同A姐一齊尋訪香港各區嘅沙嗲牛肉麵,我哋分別去過港島代表嘅上環郁健快餐、九龍西代表嘅荔枝角好好運快餐店、九龍東代表嘅慈雲山榮記茶餐室,唔知你哋又有無去晒各區朝聖呢?今次我哋就嚟到新果西,呢區嘅代表就係位於元朗嘅永順食店,永順食店更加被譽為繼荔枝角好好運快餐店之後嘅另一高質推介。我哋星期六嘅朝早9點嚟到,雖然都有人龍,但因為餐廳座位多,所以唔駛排好耐,大約15分鐘就可以入座,試一試呢間名店嘅沙嗲牛肉麵啦!

Read more

挑戰一公斤牛肉 火炭相馬日式火鍋

平時食火鍋放題,唔知你有無試過叫四碟牛,但結果只係嚟咗兩碟呢?漏單嘅情況可能常有發生,但嚟到相馬日式火鍋就唔駛怕,因為呢個極上牛肉拼盤挑戰套餐會一次過將1公斤嘅牛肉上枱俾你,如果兩個人喺一個鐘內成功挑戰,仲有半價優惠添!最鍾意打邊爐嘅我哋嚟到火炭分店,一於接受挑戰!

Read more

除咗大就係差 荃灣嘉樂冰廳

唔知大家會唔會好似我哋一樣,鍾意喺google map上面bookmark一啲想去嘅景點或者餐廳呢?今日嚟到荃灣發現我哋都bookmark咗唔少餐廳,其中呢間主打大大份雞蛋嘅傳統港式懷舊冰室就成為我哋嘅第一站。但原來昔日嘅人氣小店已經轉咗手,今日嚟到雖然仍有小小嘅人龍,不過食完之後,我哋就覺得味道無咩特別,唔會特別推介喇!

Read more

荃灣如心海景酒店 天空酒廊嘆鐵板餐

鐵板餐絕對係富有本地特式嘅經典食品,作為香港本土酒店品牌之一嘅荃灣如心海景酒店,就將鐵板餐帶入酒店餐廳,將鐵板餐提升至更高層次,而價錢仲好合理,所以我哋就嚟到酒店內嘅天空酒廊試吓呢個午市鐵板套餐啦!天空酒廊位於41樓,除咗可以俯瞰荃灣、青衣同遠至汀九橋嘅景色之外,飯前飯後不妨行埋旁邊連接高座同低座嘅玻璃底天橋,打卡一流㗎!

Read more

荃灣如心海景酒店 天空酒廊情人節下午茶

A姐帶我嚟到荃灣如心海景酒店玩至High Staycation(詳情:情人節浪漫住體驗 荃灣如心海景酒店),咁我都識做嘅,就帶佢去嘆個High tea,等佢打吓卡放吓閃啦!荃灣如心海景酒店41樓嘅天空酒廊喺二月份推出情人節下午茶套餐 Blooming Love in the Air,可以一邊俯瞰青衣同遠至汀九橋嘅景色,一邊品嚐三層嘅美點。喺呢兩座充滿傳奇愛情故事嘅大廈入面度過情人節,就更加有意義啦!

Read more