屋邨調景嶺潮打冷 駟馬拖車潮州飯店

駟馬拖車,其實係咩嚟?原來駟馬拖車係廣東潮汕地區一種大宅院,院內有好多院落、好多天井,係富豪人家嘅屋企。以大富人家嘅宅院命名,位於將軍澳調景嶺嘅駟馬拖車潮州飯店,令呢一餐潮洲打冷一啲都唔麻甩,仲多咗份心思添。

Read more

海濱居酒屋 將軍澳緻

嚟到將軍澳澳南海岸嘅海濱,除咗慢步海堤兩岸,梗係要搵間餐廳chill吓,享受一吓呢度嘅憇靜啦!我哋今日嚟到將軍澳澳南海岸嘅緻,餐廳係一間居酒屋,店內提供串燒同日式小食,同餐廳嘅名字一樣,出品食物好細緻,味道唔錯,更重要係環境非常舒適,可以享受我們嘅二人世界。

Read more

回到十年前的價格 葵涌抵食合發小食

港式嘅街頭小食係唔少人嘅早餐、下午茶或者宵夜嘅選擇!世界就有一本經濟雜誌每年都會公佈巨無霸指數,等大家了解每年嘅巨無霸價格同世果各地嘅價錢。你話如果本地雜誌都可以搞個18區煎釀三寶/魚肉燒賣指數,咁就夠晒創意喇!依家買煎釀三寶越嚟越貴,但位於葵涌嘅合發小食竟然定價為$1,大大打破依家嘅通漲水平,彷彿回到10年前呢!

Read more

深入將軍澳 韓風OMG Chicken

將軍澳有唔少新樓盤同屋苑,今日嚟到呢區睇樓,睇吓姐,應該係無錢買嘅!哈哈!行咗好耐,真係餓到懷疑人生,所以今日決定食個快餐醫肚啦!澳南海岸有唔少餐廳,望住大海食飯,真係有少少澳洲嘅感覺呀!我哋就選擇咗走韓風嘅炸雞快餐店嘅OMG Chicken,呢個二人餐又幾抵食喎!

Read more

大埔南歐風情 白鷺湖Billow

喺香港擁有獨立平房嘅餐廳唔多,嚟到大埔就有位於白鷺湖嘅Billow。Billow主打多國菜,除咗食物唔錯之外,更吸睛嘅係餐廳以全白色為外觀,充滿南歐風情。背景配上白鷺湖、火車同吐露港,用美景襯托菜式,真係好似去咗旅行咁。今日我哋就約埋朋友P夫婦,嚟到白鷺湖自駕遊兼瘋狂打卡啦!

Read more

香港釣蝦場推薦 又玩又食釣蝦5大推介

釣蝦係近期放假大熱嘅活動之一,無論係一班朋友定一家大細,都鍾意去到香港各大釣蝦場消遣,令香港釣蝦場越開越多,除咗室外釣蝦場,亦有唔少室內釣蝦場選擇,例如觀塘釣蝦場、元朗釣蝦場、荃灣釣蝦場同新蒲崗釣蝦場等等。釣蝦場之所以深受大家歡迎,係可以即釣即食,夠晒新鮮彈牙!今期我同A姐就嚴選推薦5間香港釣蝦場,讓你體驗釣蝦樂趣。

Read more

打邊爐可以消暑 元朗大滾友火鍋

好多人都覺得打邊爐係冬天嘅活動,但作為邊爐控嘅我哋真係完全唔認同,因為夏天都有唔少消暑湯底㗎!所以嚟到我哋嘅weekend自駕遊,今日就去到元朗尋找夏日的邊爐湯底,終於喺大滾友火鍋發掘到唔錯嘅選擇。

Read more

麻辣鴨血放題食到飽 將軍澳康城鼎王麻辣鍋

台灣有好多麻辣火鍋餐廳,唔知鼎王麻辣鍋係未你嘅心水呢?以前我哋去台灣旅行,一定要去食鼎王麻辣鍋先算去過台灣!雖然近期無得去旅行,但好彩喺香港都有過江龍分店,同樣無限添加鴨血,夠晒滿足。

Read more

主打北海道蝦湯 荃灣一幻拉麵

近年,日本有唔少拉麵名店喺香港開設分店,過江龍嚟到香港嘅一幻拉麵,主打濃郁蝦汁湯底,一直都係我哋嘅至愛!今次特登嚟到新開張,位於荃灣嘅一幻拉麵分店朝聖,因為呢度有荃灣獨家限定嘅黑蒜蝦湯,身為拉麵控嘅M佬,又點會錯過呢!

Read more

即捉即食活海鮮放題 元朗天空之城醉辣鮮

世間上最好味一定係新鮮嘅食材,特別係新鮮生猛嘅海鮮,嗰種鮮甜味絕對係人間美食!但食新鮮嘅海鮮,荷包就要大出血?今日帶好鍾意食海鮮嘅M佬嚟到錦田天空之城嘅醉辣鮮,打破新鮮嘅海鮮就一定係貴嘅定律!呢度嘅海鮮任你揀任你捉,任食最鮮甜嘅海鮮,價錢仲要好抵食,呢個晚餐真係非常滿足。

Read more